Uèi dimenge, 23 d’abril, mentre que la presidenciala francesa atira l’atencion de la majoritat dels occitans, se celèbra la fèsta de Sant Jòrdi. D’un costat es lo jorn internacional del libre, mas es sustot una jornada fòrça especiala en Catalonha, que nòstre país fraire s’emplís d’estands de libres, d’escrivans que signan e de mond que s’ofrisson un libre e una ròsa en tot festejar lo jorn de l’amor e revendicar la cultura. Aquela jornada se seguís fòrça en Occitània, mai que mai en Aran ont cada annada se legís de tèxtes literaris en occitan al pè del monument a la lenga, a Vielha.
 
Mas en Catalonha, ongan, la jornada es marcada pel referendum independentista, que lo govèrn de la Generalitat assegura que se tendrà ongan e que l’estat espanhòl insistís per l’enebir. Lo nomenat Pache Nacional pel Referendum pren uèi las carrièras per aumentar lo nombre d’aderents. Aquela assemblada de politicians, de la societat civila e d’agents socials, a aperaquí 4000 adesions e es a pilotar lo referendum d’independéncia de Catalonha e Aran que se deu tenir ongan.
 
#votoreferendum tuits