Actualitats
Lo Partit Trabalhista ditz que tornarà far lo plan del Brexit se ganha las eleccions
Critica l’estrategia de Theresa May per la negociacion e l’acusa “d’eliminar totas las opcions abans de començar las convèrsas”
Lo Partit Trabalhista ditz que tornarà far lo plan del Brexit que lo prepausa lo govèrn de la primièra ministra, Theresa May, e qu'establirà de “nòvas prioritats” pendent las negociacions amb Brussèlas. Segon lo deputat trabalhista e responsable del Brexit dins l’oposicion, Keir Starmer, se los trabalhistas ganhan l’eleccion, eles garentiràn d’un biais “immediat e unilateral” los dreches dels europèus residents al Reialme Unit l’endeman de l’eleccion. En mai d’aquò, e mai s’accèptan que lo Reialme Unit sortirà del mercat unic, pensan que poirián contunhar dins l'union doanièra. Starmer tanben acusèt May d'èsser “rigida e temerària”, e a causit de donar mai de poder al parlament per refusar un acòrdi amb Brussèlas “s'es pas pro positiu”.
Dins una entrevista a BBC Radio 4, Starmer denoncièt l’estrategia de May per la negociacion e l’acusèt “d’eliminar totas las opcions abans de començar las convèrsas”, una posicion “rigida e temerària” que daissa “fòrça pauc de negociar”. Lo responsable del Brexit dins l’oposicion assegura que los trabalhistas vòlon èsser “intelligents e flexibles”, pr’amor que de negociar la sortida del Reialme Unit de l'UE “es la negociacion pus importanta après la Segonda Guèrra Mondiala”.
Garentir los dreches dels europèus qu’abitan al Reialme Unit
Pels trabalhistas, es prioritari de garentir “l’estatut legal” dels tres milions d’europèus qu’abitan al Reialme Unit, e vòlon obténer “un acòrdi similar pels britanics que demòran dins d’autres païses l'UE”. A mai, Starmer ditz que “melhorarà lo ton” de las negociacions amb Brussèlas. “L’actitud del govèrn de Theresa May” qu’a pas fach que dire de “non” e “defòra”, las institucions europèas l’an percebuda coma un “refús de collaboracion”, çò avertís Starmer.
Lo responsable del Brexit dins los rengs trabalhistas a fach tanben una crida a tornar considerar quinas leis europèas cal refusar e quinas cal adaptar a la legislacion britanica, per evitar que lo Brexit supause una “reculada” per rapòrt als dreches dels trabalhadors, a la seguretat dels consumaires e a d’autras “nòrmas vitalas”.
Dins una entrevista a BBC Radio 4, Starmer denoncièt l’estrategia de May per la negociacion e l’acusèt “d’eliminar totas las opcions abans de començar las convèrsas”, una posicion “rigida e temerària” que daissa “fòrça pauc de negociar”. Lo responsable del Brexit dins l’oposicion assegura que los trabalhistas vòlon èsser “intelligents e flexibles”, pr’amor que de negociar la sortida del Reialme Unit de l'UE “es la negociacion pus importanta après la Segonda Guèrra Mondiala”.
Garentir los dreches dels europèus qu’abitan al Reialme Unit
Pels trabalhistas, es prioritari de garentir “l’estatut legal” dels tres milions d’europèus qu’abitan al Reialme Unit, e vòlon obténer “un acòrdi similar pels britanics que demòran dins d’autres païses l'UE”. A mai, Starmer ditz que “melhorarà lo ton” de las negociacions amb Brussèlas. “L’actitud del govèrn de Theresa May” qu’a pas fach que dire de “non” e “defòra”, las institucions europèas l’an percebuda coma un “refús de collaboracion”, çò avertís Starmer.
Lo responsable del Brexit dins los rengs trabalhistas a fach tanben una crida a tornar considerar quinas leis europèas cal refusar e quinas cal adaptar a la legislacion britanica, per evitar que lo Brexit supause una “reculada” per rapòrt als dreches dels trabalhadors, a la seguretat dels consumaires e a d’autras “nòrmas vitalas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari