Actualitats
Orlhac: l’Institut d’Estudis Occitans fa son amassada generala aquesta dimenjada
L’eveniment se tendrà los 29 e 30 d’abril e, delà los rapòrts e los vòtes, prepausa un debat sul ròtle de l’occitanisme e divèrsas animacions
L’amassada generala de l'Institut d'Estudis Occitans (IEO) de 2017 se debanarà a Orlhac (Castanhau), los 29 e 30 d’abril.
Los vòtes dels rapòrts moral, d’activitat e financièr seràn seguits lo dissabte d’una taula redonda enitolada "Agir o subir, lo ròtle associatiu dins l’estructuracion de las politicas publicas en favor de l'occitan" e d’un espectacle de contes amb Daidièr Huguet. Lo dimenge, après l’eleccion del CA, poiretz vesitar en occitan lo centre de la vila d’Orlhac.
Podètz trobar mai d’informacions de l’eveniment sul sit web de l’IEO.
L’Institut d'Estudis Occitans
L'IEO es un organisme cultural e scientific, non oficial. Es organizat en divèrses sectors: l'edicion (IDECO), l'animacion, la musica e las seccions plasticas. A l'ora d'ara, l'IEO a trenta seccions departamentalas, quatre seccions regionalas e l'IEO Nacional, çò es la federacion nacionala. Las divèrsas seccions localas son ligadas. Se finança mai que mai amb de subvencions e los escotissons dels sòcis.
Foguèt fondat en 1945 per Robèrt Lafont, Juli Cubainas, Pèire Lagarda, Leon Còrdas, Max Roqueta, Fèlix Castanh, Renat Nelli e d'autres, amb la tòca de promòure la cultura occitana e de se batre per normalizar la lenga, espandir son usatge social e aténher son oficialitat. Se bat per l’unitat de la lenga occitana e sa grafia classica prepausada per Loís Alibèrt. Son lèma es “La fe sens òbras mòrta es”.
Prenguèt la relèva de la Societat d’Estudis Occitans e privilegièt alavetz lo camp scientific, mai que mai lo lingüistic. Sa contribucion es estada clarament revendicativa fins a las recentas batèstas politicas occitanistas.
E mai aja patit qualques crisis long de son istòria, que l’an menat a quitar son activitat academica e scientifica, l'IEO ten totjorn un ròtle essencial dins l’encastre de l’animacion culturala e aculhís un grand nombre de militants de l’occitanisme.
Los vòtes dels rapòrts moral, d’activitat e financièr seràn seguits lo dissabte d’una taula redonda enitolada "Agir o subir, lo ròtle associatiu dins l’estructuracion de las politicas publicas en favor de l'occitan" e d’un espectacle de contes amb Daidièr Huguet. Lo dimenge, après l’eleccion del CA, poiretz vesitar en occitan lo centre de la vila d’Orlhac.
Podètz trobar mai d’informacions de l’eveniment sul sit web de l’IEO.
L’Institut d'Estudis Occitans
L'IEO es un organisme cultural e scientific, non oficial. Es organizat en divèrses sectors: l'edicion (IDECO), l'animacion, la musica e las seccions plasticas. A l'ora d'ara, l'IEO a trenta seccions departamentalas, quatre seccions regionalas e l'IEO Nacional, çò es la federacion nacionala. Las divèrsas seccions localas son ligadas. Se finança mai que mai amb de subvencions e los escotissons dels sòcis.
Foguèt fondat en 1945 per Robèrt Lafont, Juli Cubainas, Pèire Lagarda, Leon Còrdas, Max Roqueta, Fèlix Castanh, Renat Nelli e d'autres, amb la tòca de promòure la cultura occitana e de se batre per normalizar la lenga, espandir son usatge social e aténher son oficialitat. Se bat per l’unitat de la lenga occitana e sa grafia classica prepausada per Loís Alibèrt. Son lèma es “La fe sens òbras mòrta es”.
Prenguèt la relèva de la Societat d’Estudis Occitans e privilegièt alavetz lo camp scientific, mai que mai lo lingüistic. Sa contribucion es estada clarament revendicativa fins a las recentas batèstas politicas occitanistas.
E mai aja patit qualques crisis long de son istòria, que l’an menat a quitar son activitat academica e scientifica, l'IEO ten totjorn un ròtle essencial dins l’encastre de l’animacion culturala e aculhís un grand nombre de militants de l’occitanisme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'IEO endavant
Monfort es mort ,es mort ! Visca Tolosa ciutat gloriosa e poderosa !
Disètz [L'IEO] "Prenguèt la relèva de la Societat d’Estudis Occitans [...]"
E qué prendrà la relèva de l'IEO ?
Perqué parlatz de l'IDECO al present ? Francament, cossí gausatz ?
I a un fum de burèus de l'IEO que relèvan del grand banditisme que meritariàn d'èsser getats en preson.
Alara quina responsa al debat d'Orlhac ? : Patir. Evidentament patir.
#1 Amb La Santa Estèla del Centenari, Joan Bodon se faguèt tras que visionari. Tot çò metaforic al sicut dau Felibrige que se trapa dins aquel conte filosofic, o-podem ara lo prene per l'occitanisme. Es atal...
Promòure la cultura occitana, ça dison.
Òc ben...polida causa : avem l'amira
Nos cal l'estrategia e siègre los enantiments, nos cal lo saber far
E de contunh pegar a la realitat del pòble occitan.
Aquò vòl diser qu'es cambiadís....
La Santa Estèla, congrès del Felibrige se tendrà del 2 al 6 de junh a Banhèras de Bigòrra.
http://www.felibrige.org/2017/01/31/santo-estello-2017/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari