Actualitats
L’estat espanhòl a menaçat un jornalista de Libération per aver animat un debat amb Artur Mas a Brussèlas
“Me telefonèron per me demandar perqué aviái acceptat d’animar un debat aital, s’èri segur e aviái plan comprés ont metiái los pès”, çò diguèt Jean Quatremer
Lo correspondent del jornal Libération a Brussèlas, Jean Quatremer, foguèt menaçat per lo govèrn de l’estat espanhòl, pr’amor qu’aviá acceptat de presentar dimars passat una convèrsa dins la capitala europèa amb l’èx-president de la Generalitat de Catalonha, Artur Mas, sus l’independéncia de Catalonha e Aran. “Me telefonèron per me demandar perqué aviái acceptat d’animar un debat aital, s’èri segur e aviái plan comprés ont metiái los pès”, çò assegurèt lo jornalista, que presentèt l’eveniment en disent qu’el èra pas partisan de l’independéncia.
Davant de representants de divèrses think tanks europèus, Artur Mas assegurèt que la sola sortida de la situacion actuala en Catalonha èra de far un referendum. L'èx-president de la Generalitat denoncièt lo secutament judiciari dels politicians independentistas, e diguèt que, en cas d'independéncia, Catalonha poiriá contunhar d'èsser solidària amb las regions pus pauras d'Espanha. Per l'èx-president catalan, se lo govèrn espanhòl faguèsse fin finala una proposicion, tanben la caldriá sometre a referendum.
En mai d’aquel eveniment, Artur Mas faguèt una conferéncia dimècres a París e dijòus a Genèva, en explicant la condemna d’inelegibilitat d’el e de qualques membres de son govèrn per aver permés un vòte popular lo 9 de novembre de 2014.
Vaicí lo vidèo de tot lo parladís de dimars passat a Brussèlas:
Davant de representants de divèrses think tanks europèus, Artur Mas assegurèt que la sola sortida de la situacion actuala en Catalonha èra de far un referendum. L'èx-president de la Generalitat denoncièt lo secutament judiciari dels politicians independentistas, e diguèt que, en cas d'independéncia, Catalonha poiriá contunhar d'èsser solidària amb las regions pus pauras d'Espanha. Per l'èx-president catalan, se lo govèrn espanhòl faguèsse fin finala una proposicion, tanben la caldriá sometre a referendum.
En mai d’aquel eveniment, Artur Mas faguèt una conferéncia dimècres a París e dijòus a Genèva, en explicant la condemna d’inelegibilitat d’el e de qualques membres de son govèrn per aver permés un vòte popular lo 9 de novembre de 2014.
Vaicí lo vidèo de tot lo parladís de dimars passat a Brussèlas:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Voliem acabar bé amb spain, però a aquest pas, sense Cat. acabaran malament.
Ells son hauran buscat.
Visca la Terra...Lliure!
L'Ernest, "El Tàrrega".
#3 Abans darrièr paragraf: "las verguetas s'èran botadas totas SOLAS dins l'article"
Es pas un jornalista de Le Monde qu'auriá preses aqueles risques.
Aquel jornal ven de sortir un article per dire que i a pas d’extrèma drecha en Espanha. Coma se sabián pas que l’extema drecha fa partida del PP. E quitament d’unes son a Ciudadanos. Totes aqueles descendents d “l’elita” franquista que se son gardadas las plaças al solelh. E que dison pas res quand los franquistas manifèstan e quitament passèjan la bandièra faissista (amb l’agla) mentre que vòlon enebir la republicana (Cospedal, que coma nòstre Le Drian, es presidenta de región -Castilla-León- e ministra de las armadas).
Es tanben un jornalista de Le Monde que faguèt creire qu’una jove aviá insultadas las victimas del terrorisme quand la badinada èra pas que sus Carrero Blanco, de l’Opus Dei e delfin de Franco. Per subrepés, s’agissiá d’una galejada de i a 10 ans, quand la gojata n’aviá pas que 15. Ieu, me faguèri un sadol de rire a l’epòca amb totas las istòrias sul Carrero e confèssi que sa mòrt me fa totjorn pas plorar. La transicion espanhòla es pas tant perfiècha coma nos la pintravan mas amb aquel maufatan, n'i auriá agut pas ges de transicion.
Mas Le Monde fa equipa amb El País, se partejan los meteisses cronicaires (BHL per exemple) e El País es dins la còla denonciada dins lo libre “La desfachatez intelectual” sus lors obsessions drechurièras, entre d'autras las espanholistas. Fa tres jorns, El País manipulèt de declaracions de Lluis Llach per lo far passar per un partisan de la repression. El País rectifiquèt en disent que las verguetas s’èran botadas totas dins l'article. Quina manca de professionalisme pel “jornal de referencia” d’Espanha! E plan segur, ges d'excusas per en Llach.
Se òm sap legir l'espanhòl, val mai prene las informacions dins "publico.es", jornal que deguèt plegar la formula papièr a causa del boicòt de los qu'an las dardenas mas que son audiéncia sus internet arrèsta pas de créisser. Es dins Público que Vicenç Navarro, universitari qu’ensenha a Barcelona e als Estats Units, avertiguèt primièr que Trump se podiá perfièchament qualificar per la candidatura republicana e puèi que podiá èsser elegit. Mentretant, El País e Le Monde se contentavan de se plorar e de voler creire qu’èra pas possible.
Falangista un jorn, falangista totjorn. Lo PP farian mielhs de s'occupar de l'afar Gurtel...
Condemnar la democràcia! Los qu'an fach o que vòlon un referendum! E protegir totes los corromputs de la politica espanhòla... Es l'Espanha del PP. E del dinisaures del PSOE.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari