Actualitats
La preparacion del Forum Ciutadan Occitan avança
Lo comitat de pilotage a validat tres tematicas que seràn tractadas lo temps de la jornada
Coma o aviam ja raportat en febrièr passat, fa abans la preparacion d’un Forum Ciutadan Occitan que se tendrà en setembre que ven. L’eveniment es organizat per una còla de jornalistas de lenga occitana, en prenent la seguida de La Dintrada, que l’organizèt, dins los dos ans precedents, lo Partit Occitan (PÒC). Totun, aqueste forum es pas un rescontre politician mas un temps d’escota e de debat, noirit de testimoniatges e de participacion d’expèrts, amb la volontat d’una dimension participativa.
Lo comitat de pilotage se recampèt aquesta setmana passada a Tolosa e validèt tres tematicas que seràn tractadas lo temps de la jornada.
Lo primier tèma sera consagrat a l’acuèlh e l’integracion de las personas qu’arriban en Occitània. Cada an aculhissèm d’estatjants novèls que la màger part coneisson pas res de la cultura occitana. Cossí lor fa descobrir e partejar ambe eles nòstra identitat? Cossí ensajar de definir un possible ciutadanatge occitan? Cossí se passa endacòm mai en Euròpa? Lo forum ensajarà de portar de responsas a totas aquelas questions amb la participacion activa de totes los volontaris.
Autre subjècte de reflexion: la revolucion numerica amb o sens lenga occitana? De nombroses intervenents prendràn la paraula per mostrar las fòrças e las flaquesas de l’occitan sul ret. Los cambiaments societals provocats per las tecnologias novèlas seràn tanben evocats.
Enfin, la tresena causida prendrà un ton umoristic e provocador: “Region Occitanie, lo grand perdon”! Un an aprèp la causida d’aquel nom que provoquèt una polemica bèla, semblèt al comitat de pilotage qu’èra vengut lo temps de recampar los occitans de totas las regions per ne discutir tranquillament. Cossí se viu aquela situacion dins la region qu’a pres aquel nom, cossí aquò es viscut endacòm mai en Occitània? Ne podèm tirar quicòm de bon? Cossí se pòt adobar las dificultats aparegudas? Un debat que promet!
Esperam de poder anonciar lèu lo luòc e la data d’aquel forum ciutadan. Per de proposicions e mai d’informacions, podètz contactar Uc Jourde a info(a)adeo-oc.eu o al telefòn +33(0)6 15 78 81 15.
Lo comitat de pilotage se recampèt aquesta setmana passada a Tolosa e validèt tres tematicas que seràn tractadas lo temps de la jornada.
Lo primier tèma sera consagrat a l’acuèlh e l’integracion de las personas qu’arriban en Occitània. Cada an aculhissèm d’estatjants novèls que la màger part coneisson pas res de la cultura occitana. Cossí lor fa descobrir e partejar ambe eles nòstra identitat? Cossí ensajar de definir un possible ciutadanatge occitan? Cossí se passa endacòm mai en Euròpa? Lo forum ensajarà de portar de responsas a totas aquelas questions amb la participacion activa de totes los volontaris.
Autre subjècte de reflexion: la revolucion numerica amb o sens lenga occitana? De nombroses intervenents prendràn la paraula per mostrar las fòrças e las flaquesas de l’occitan sul ret. Los cambiaments societals provocats per las tecnologias novèlas seràn tanben evocats.
Enfin, la tresena causida prendrà un ton umoristic e provocador: “Region Occitanie, lo grand perdon”! Un an aprèp la causida d’aquel nom que provoquèt una polemica bèla, semblèt al comitat de pilotage qu’èra vengut lo temps de recampar los occitans de totas las regions per ne discutir tranquillament. Cossí se viu aquela situacion dins la region qu’a pres aquel nom, cossí aquò es viscut endacòm mai en Occitània? Ne podèm tirar quicòm de bon? Cossí se pòt adobar las dificultats aparegudas? Un debat que promet!
Esperam de poder anonciar lèu lo luòc e la data d’aquel forum ciutadan. Per de proposicions e mai d’informacions, podètz contactar Uc Jourde a info(a)adeo-oc.eu o al telefòn +33(0)6 15 78 81 15.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
Per la tresau part, que seré entà díser:
"Que vs'avem borrats de com cau. Adara qu'ètz dens la merda entà har compréner aus poblans deu vòste parçan que son tanben en Occitania. E donc que'vs vam explicar lo tribalh qu'avetz de har entad arreglar aqueths problèmas que n'avoretz pas avut se ne n'avossem pas desconat (e se vs'avossem volut escotar un drin)."
Entà díser qu'ei a nosautes de's pelar los problèmas que pausa la causida deus occitanistes de MPLR .
Lo lòc? Que serà aTolosa, qu'ac sabetz! E per çò qui ei de la tresau partida, solide que ve'n podetz arríder, adara...Nat besonh de convidar los 'occitans de totas las regions', ne'n sobra pas qu'a vòste!
Lo lòc? Que serà aTolosa, qu'ac sabetz! E per çò qui ei de la tresau partida, solide que ve'n podetz arríder, adara...Nat besonh de convidar los 'occitans de totas las regions', ne'n sobra pas qu'a vòste!
Cal pas doblidar tanpauc los Occitans que sabon pas que o son o que s'en chautan. Lo trabalh de conscientizacion es luènh d'èsser acabat.
l'acuelh e l'integracion en Occitània d'abitants novèus que coneisson pas ren de la cultura occitana ? d'en primier n' i a una majoritat de migrants que venon d'outra mar que coneisson pas ren de la lenga e de la cultura francesa e que se comprene ei de primiera necessitat e de dos, soleta la mitologia grega pot nos ne balhar la responsa amb l'evocacion de la bota dei Danaïdas e dau rocàs de Sisife. leis autres subjèctes de reflexion, aquo rai..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari