Los escolans de l’escòla Diwan de Qhitembé/Kistreberzh descobriguèron divendres passat la lenga nòstra. Dins aquela escòla, que fa sas classas en breton amb de corses de galò, aguèron una pichona iniciacion a la lenga e la cultura occitana. Un professor de musica emplegat per la municipalitat lor prepausèt una cançon, Carnaval qu’ei arribat (en occitan gascon), amb la dança associada.
 
Aquela animacion foguèt l’escasença, per lor professor, de parlar d’Occitània e de las lenga e cultura occitanas. Descobriguèron la mapa del país, las escòlas Calandreta, ont los dròlles aprenon e parlan, coma eles, una lenga minorizada, e qualques elements culturals.
 
 
 
 
Fabien Lécuyer/redaccion
 
 



 

fffff		fffff
	Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…