Actualitats
Ara fa 5 ans. Jornalet se consolida coma jornal nacional per tot lo país
Bilanç d'un mes de Jornalet
Lo jornal digital Jornalet nasquèt fa justament un mes, es doncas lo moment idonèu per far un primièr bilanç. Pr'amor que Jornalet defend la maximala transparéncia de las nòstras institucions e per fin que l'informacion arribe al mond sens cap d'obstacle, pòt èsser bon que los legeires conescan la situacion d'aqueste mèdia occitan.
Pendent aqueles 30 jorns Jornalet a recebut mai de 15 000 vesitas, qu’entre elas 6000 son d'usatgièrs unics; gaireben an vistas 45 000 paginas al total. La majoritat de las vesitas son, solide, de l’Estat francés, que venon majoritàriament dels territòris occitans e tanben de París, ont totes sabèm que i a fòrça occitans expatriats. Tanben cal dire que sièis de cada dètz vesitaires son de mond que tornan a Jornalet, e aquò demòstra que sèm sus lo camin per bastir un public abitual de mèdias en occitan. Aquel camin, Jornalet lo deu trabalhar mai que mai ara e totjorn. Totas aquelas donadas son modèstas, mas encoratjantas.
Al delà de las donadas objectivas, çò que nos fa mai aüroses es que Jornalet a de legeires de totes los territòris occitans de França, Itàlia, Espanha e Mónegue. Aquò èra una de las tòcas principalas, doncas, que i aviá lo risc de càser dins lo regionalisme. Aürosament, s'es capitat dins aquel sens en donant d'informacions e d'opinions d'Occitània tota. Al nivèl de la curiositat, cal dire, tanplan, que Jornalet a recebut de vesitas de 55 païses del mond. Es evident qu'Occitània a mai d'amics que çò que cresiam.
Cal èsser content e mercejar plan las nombrosas collaboracions que Jornalet a recebut de tot lo país, e tanben las felicitacions dels ciutadans occitans qu'avaloran lo nòu jornal. Mas i a quicòm que truca: nos agradariá que mai d'escòlas occitanas mandèsson las lors informacions e nòvas.
Ça que la, es totjorn riscat de far un bilanç tanlèu, e cal demandar de prene aqueles primièrs resultats amb prudéncia. I aurà un nòu bilanç, mai sonhat, quand Jornalet farà sièis meses. Fins aquí, mercés de jónher Jornalet e de contunhar en fasent vòstre aqueste jornal.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si estiram tots ela caurà,
e molt de temps pot pas durar.
Segur que tomba tomba tomba,
ben corcada deu ser ja
Si tu l'estiras fort per aquí
e jo l'estiri fort per la
Segur que tomba tomba tomba,
e nos podrem aliberar.
#3 Nos adreiçam a Occitània, abans tot. Es vertat que Catalonha nos ajuda, mas tot depend en realitat de l'òbra d'un òme que capita a reünir a son entorn de volontaris. Es una òbra precària, que Ferriòl Macip Bonet recep pas encara de salari (sou) digne de son enòrme trabalh quotidian. Ne parli mai longament dins mon article d'opinion de deman.
jornal nacional? quina nació? quin paìs? penso que es somia molt , al fons tot és catalunya, de fet tot el recolzament de jornalet és català, sense catalunya res.
#1 Grandmercé! Jornalet n'a besonh, e son avenidor immediat es pas encara garentit... Ne tornarai parlar dins mon article d'opinion de dimècres...
Se cada lector envièsse quicòm a l'associacion Los Amics de Jornalet, lo Ferriòl poiriá aver un salari decent e se poiriá melhorar la formula, quitament dins lo sens que los repotegaires o demandarián se se contentavan pas de far ^pas que de criticas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari