Actualitats
Marine Le Pen nomenarà Nicolas Dupont-Aignan primièr ministre s’es elegida
La candidata xenofòba se declara “aürosa e fièra” d’aquela aliança entre “las doas familhas politicas”
La candidata ultradrechista Marine Le Pen anoncièt ièr dissabte de matin que nomenariá l’eurofòb Nicolas Dupont-Aignan primièr ministre en cas qu’ela venga presidenta de la Republica. Lo candidat del partit De Pè França, qu’a pena obtenguèt un 4,70% dels vòtes dins lo primièr torn, aviá anonciat divendres sus France 2 son sosten a Le Pen al segond torn, en provocant qualques demissions al sen de De Pè França.
“Presidenta de la Republica, nomenarai Nicolas Dupont-Aignan primièr ministre de França”, çò diguèt Marine Le Pen davant los mèdias. “Nicolas Dupont-Aignan es un patriòta exigent”, çò apondèt. La candidata xenofòba se declarava “aürosa e fièra d’aquela aliança entre [lors] doas familhas politicas”, del temps que precisèt qu’èran “convenguts d’un tèxt comun” e que menarián “units” la campanha pel segond torn. De son costat, Dupont-Aignan expliquèt que Le Pen aviá acceptat cèrtas “modificacions” de son programa de govèrn.
Divendres, Dupont Aignant justificava son sosten a Le Pen en manifestant que, segon el, “ela es pas d’extrèma drecha”. E mai se durant la campanha aviá exprimit qualques desacòrdis amb la candidata xenofòba, dont la reïnstauracion de la pena capitala, que Dupont-Aignan n’es pas d’acòrdi.
Ancian militant de l’UMP, partit qu’ara se nomena Los Republicans, lo partit actual de Dupont-Aignan se definís coma gaullista. Dins aquel sens, en 2013 diguèt: “Ma linha es plan simpla: soi patriòta e gaullista. E los gaullistas se pòdon pas aliar a un partit dont Jean-Marie Le Pen es totjorn president d’onor. Es pas possible”. A l’ora d’ara, e malgrat las fòrtas batèstas familialas en cò dels Le Pen, Jean Marie Le Pen, paire de Marine, es totjorn lo president d’onor del Front Nacional.
Macron critica l’antieuropeïsme
Mentretant, l’autre candidat al segond torn, lo tecnocrata Emmanuel Macron, soslinhèt que l’acòrdi de Le Pen e Dupont-Aignan permetiá una eleccion pus clara entre los que son antieuropèus e los que son pus “progressistas”.
En mai d’aquò, lo debat politic se centra tanplan sus l’omofobia de Jean Marie Le Pen, que critiquèt l’intervencion del marit del policièr assassinat dins un atemptat terrorista lo 20 d’abril passat, dins l’encastre de sas funeralhas. Le Pen afirmèt qu’aquela presa de paraula “institucionaliza lo maridatge omosexual d’un biais public”.
Lo partit de Macron, En Marcha, a demandat a Marine Le Pen que condemne los comentaris de son paire, çò que sembla qu’a pas volgut far. De tot biais, la candidata ultradrechista diguèt sus BFM-TV qu’ela èra “plan tocada pel discors qu’es estat tengut per son companh” mentre que declarava qu’ela es “totjorn al costat dels policièrs”. Curiosament Marine Le Pen diguèt “companh” e non pas “marit”.
“Presidenta de la Republica, nomenarai Nicolas Dupont-Aignan primièr ministre de França”, çò diguèt Marine Le Pen davant los mèdias. “Nicolas Dupont-Aignan es un patriòta exigent”, çò apondèt. La candidata xenofòba se declarava “aürosa e fièra d’aquela aliança entre [lors] doas familhas politicas”, del temps que precisèt qu’èran “convenguts d’un tèxt comun” e que menarián “units” la campanha pel segond torn. De son costat, Dupont-Aignan expliquèt que Le Pen aviá acceptat cèrtas “modificacions” de son programa de govèrn.
Divendres, Dupont Aignant justificava son sosten a Le Pen en manifestant que, segon el, “ela es pas d’extrèma drecha”. E mai se durant la campanha aviá exprimit qualques desacòrdis amb la candidata xenofòba, dont la reïnstauracion de la pena capitala, que Dupont-Aignan n’es pas d’acòrdi.
Ancian militant de l’UMP, partit qu’ara se nomena Los Republicans, lo partit actual de Dupont-Aignan se definís coma gaullista. Dins aquel sens, en 2013 diguèt: “Ma linha es plan simpla: soi patriòta e gaullista. E los gaullistas se pòdon pas aliar a un partit dont Jean-Marie Le Pen es totjorn president d’onor. Es pas possible”. A l’ora d’ara, e malgrat las fòrtas batèstas familialas en cò dels Le Pen, Jean Marie Le Pen, paire de Marine, es totjorn lo president d’onor del Front Nacional.
Macron critica l’antieuropeïsme
Mentretant, l’autre candidat al segond torn, lo tecnocrata Emmanuel Macron, soslinhèt que l’acòrdi de Le Pen e Dupont-Aignan permetiá una eleccion pus clara entre los que son antieuropèus e los que son pus “progressistas”.
En mai d’aquò, lo debat politic se centra tanplan sus l’omofobia de Jean Marie Le Pen, que critiquèt l’intervencion del marit del policièr assassinat dins un atemptat terrorista lo 20 d’abril passat, dins l’encastre de sas funeralhas. Le Pen afirmèt qu’aquela presa de paraula “institucionaliza lo maridatge omosexual d’un biais public”.
Lo partit de Macron, En Marcha, a demandat a Marine Le Pen que condemne los comentaris de son paire, çò que sembla qu’a pas volgut far. De tot biais, la candidata ultradrechista diguèt sus BFM-TV qu’ela èra “plan tocada pel discors qu’es estat tengut per son companh” mentre que declarava qu’ela es “totjorn al costat dels policièrs”. Curiosament Marine Le Pen diguèt “companh” e non pas “marit”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 lo grand colonizator foguèt lo radicau d'esquerra Jules Ferry, la drecha li èra opausada e se capita que foguèt sota la presidéncia dau generau de Gaulle que la França visquèt sa grossa descolonizacion per ded rasons divèrsas de segur, mai enfin es eu que negocièt e signèt lei decrets.lo capitalisme qu'esploata totei lei riquesas de L'Africa ? Coma explicar doncas la creissènça dau PNB de 3% de tota l'Africa de l'an passat e deis ans precedents , mentre que l'Europa es estancada a 1% ?
#13 Mas lo problèma es que nos diràn que la carta europèa es incompatibla amb la constipacion francesa. Benlèu que m'engani. Los politicians franceses me fan talament cagar que sabi pas pus se lo problèma es la constipacion o la constitucion francesa.
Marine Le Pen es lo sol candidat que nos balha l'escasensa de far votar la Carta de las Lengas, ambe son referendum d'iniciativi populari : 500.000 votzes son plan mai aisidas de trapar que 500 sinhaturas d'elegits .
Ont es l'error ? De mon costat, o del costat de Le Pen ?
#10 Es pas De Gaulle que donèt l'independéncia a Argeria. Son los argerians que la prenguèron. França aviá perdut politicament. Las pressions internacionalas se fasián cada còp mai fòrtas, e en 1960, l'ONU reconeguèt lo drech dels argerians a l'autodeterminacion.
# 10 NON e NON , lo de Gaulle n'a pas descolonizat l'Africa : a tirat l'administracion francesa presenta (costava mens car !) per la remplaçar per governs de palha , "presidents"-espaurugalhs aus òrdis deu govern de Franca. N'i a un per exemple, lo Hissène Habré , "president" damb lo sosten e la benediccion deu govern francés que ven d'estar condamnat per crimis contre l'umanitat e milierats de victimas de la soa barbaria ! E se'n poiré parlar de detzenats d'autes , plan coneishuts ! La "Françafrica " e los Foccart contunhèren d'obrar per mant'éner tots los interès deus capitalistas e de l'Estat francés per fin de poder expleitar totas las riquessas de las minas e de las terras agricolas necessàrias per las industrias francesas, o la poténcia de l'Estat francés. Parlar de "descolonizacion" es galejar o se trufar ! o èster un ignorant aus ulhs clucats ! mantuns mots son brandits per milhor estujar las realitats aus praubes pècs a colhonar .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari