Actualitats
L’Union Europèa poiriá encoratjar un referendum per la reünificacion d’Irlanda
Lo Conselh d’Euròpa a demandat “una solucion flexibla e imaginativa” per Irlanda, dins l’encastre d’una reünion per tractar la posicion de l’UE davant la negociacion del Brexit
L'Union Europèa poiriá dobrir la pòrta a la reünificacion d’Irlanda après lo Brexit, çò raportavan divendres Financial Times e tanben The Guardian. D’efièch, l’endeman dissabte, lo Conselh d’Euròpa demandèt “una solucion flexibla e imaginativa” per Irlanda, dins l’encastre d’una reünion per tractar la posicion de l’UE davant la negociacion amb lo Reialme Unit pel Brexit.
Lo primièr ministre irlandés, Éanna Ó Coinnigh (en anglés Enda Kenny) avalorèt plan positivament la reconeissença de las condicions “unicas e especificas” que deurà afrontar Irlanda en seguida del Brexit, e se mostrèt plan satisfach pel resultat de la reünion. Segon Ó Coinnigh, que lo mantenement dins l'UE siá garentit en cas d’unificacion permet de protegir los acòrdis de patz e elimina de dobtes o d'incertituds. Ça que la, reconeguèt que las condicions per un referendum en Irlanda del Nòrd per la reünificacion de l’illa existisson pas a l’ora d’ara.
De son costat, l’èurodeputada del Sinn Féin Martina Anderson faguèt una crida als nòrd-irlandeses per arrapar l’ocasion e far un referendum coma lo previst dins l’Acòrdi de Divendres Sant. “L’avenir es dins nòstras mans, es nòstre moment”, çò afirmèt.
Un referendum previst dins l’Acòrdi de Divendres Sant
De fach, la possibla reünificacion e un ipotetic referendum foguèron un subjècte plan present de las eleccions del 2 de març ont lo Sinn Féin faguèt un resultat istoric en perdent davant los unionistas del DUP solament per un 0,15% dels vòtes.
L’Acòrdi de Divendres Sant —tanben conegut coma Acòrdi de Stormont— permet un referendum de reünificacion amb l'aprobacion dels govèrns del Nòrd d’Irlanda e de la Republica d’Irlanda. Tre que se signèt, i a pas agut cap de majoritat en favor de la reünificacion. Pasmens, l’expectativa d’un Brexit dur e de frontièras economicas entre lo nòrd e lo sud poirián far créisser una volontat de reünificacion, car lo nòrd de l’illa votèt contra lo Brexit. En mai d’aquò, l'Union Europèa poiriá sostenir l’organizacion d’aquel referendum previst dins los acòrdis de patz.
En cas que se convoquèsse un referendum de reünificacion d’Irlanda, que lo Reialme Unit vòl evitar, tant l’Irlanda del Nòrd coma la republica d’Irlanda deurián votar en favor per que lo resultat foguèsse efectiu. Dins aquel scenari, l'UE acceptariá una Irlanda unida coma o faguèt amb Alemanha en 1990.
Lo primièr ministre irlandés, Éanna Ó Coinnigh (en anglés Enda Kenny) avalorèt plan positivament la reconeissença de las condicions “unicas e especificas” que deurà afrontar Irlanda en seguida del Brexit, e se mostrèt plan satisfach pel resultat de la reünion. Segon Ó Coinnigh, que lo mantenement dins l'UE siá garentit en cas d’unificacion permet de protegir los acòrdis de patz e elimina de dobtes o d'incertituds. Ça que la, reconeguèt que las condicions per un referendum en Irlanda del Nòrd per la reünificacion de l’illa existisson pas a l’ora d’ara.
De son costat, l’èurodeputada del Sinn Féin Martina Anderson faguèt una crida als nòrd-irlandeses per arrapar l’ocasion e far un referendum coma lo previst dins l’Acòrdi de Divendres Sant. “L’avenir es dins nòstras mans, es nòstre moment”, çò afirmèt.
Un referendum previst dins l’Acòrdi de Divendres Sant
De fach, la possibla reünificacion e un ipotetic referendum foguèron un subjècte plan present de las eleccions del 2 de març ont lo Sinn Féin faguèt un resultat istoric en perdent davant los unionistas del DUP solament per un 0,15% dels vòtes.
L’Acòrdi de Divendres Sant —tanben conegut coma Acòrdi de Stormont— permet un referendum de reünificacion amb l'aprobacion dels govèrns del Nòrd d’Irlanda e de la Republica d’Irlanda. Tre que se signèt, i a pas agut cap de majoritat en favor de la reünificacion. Pasmens, l’expectativa d’un Brexit dur e de frontièras economicas entre lo nòrd e lo sud poirián far créisser una volontat de reünificacion, car lo nòrd de l’illa votèt contra lo Brexit. En mai d’aquò, l'Union Europèa poiriá sostenir l’organizacion d’aquel referendum previst dins los acòrdis de patz.
En cas que se convoquèsse un referendum de reünificacion d’Irlanda, que lo Reialme Unit vòl evitar, tant l’Irlanda del Nòrd coma la republica d’Irlanda deurián votar en favor per que lo resultat foguèsse efectiu. Dins aquel scenari, l'UE acceptariá una Irlanda unida coma o faguèt amb Alemanha en 1990.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ni 1 centim los donarà lo Regne Unit a los ladres banquier privats alemanhs,per sortir de l'UE.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari