Actualitats
Catalonha Nòrd: revendican la cultura independenta coma estapa prèvia a l’independéncia politica
Aperaquí dos cents personas participèron a la 28a Nuèch de Sant Jòrdi a Perpinhan, qu’autreja divèrses guierdons per la promocion del catalan
An revendicat en Catalonha Nòrd la cultura independenta coma estapa prèvia a l’independéncia politica. Dins la 28a Nuèch de Sant Jòrdi a Perpinhan, la presidenta d’Òmnium Catalonha Nòrd, Montserrat Biosca, assegurèt que sens los grands escrivans del sègle XIX e XX, Catalonha seriá pas çò qu’es a l’ora d’ara. Dins aquel sens, soslinhèt las figuras de Jacint Verdaguer e Joan Maragall.
Biosca tanben parlèt de l’eleccion presidenciala francesa. Segon ela, per Catalonha, seriá pus negativa la victòria de Marine Le Pen que la d’Emmanuel Macron. “Se Catalonha Nòrd reüssís, deu èsser dins Euròpa”, çò insistiguèt. Cal remarcar qu’al primièr torn en Catalonha, Le Pen s’impausèt amb lo 30% dels vòtes.
Prèmis
Durant l’eveniment s’atribuiguèt plusors prèmis tocant la promocion de l’usatge del catalan. De soslinhar lo Prèmi Catalonha Nòrd que lo recebèt Claudi Balaguer per l’òbra El català dels paios i dels gitanos al Riberal, un filme documentari sul catalan dels collectius gitanos e dels non-gitanos dins aquel parçan de Rosselhon. Lo prèmi lo decernís l’Institut d’Estudis Catalans als melhors documentaris sus l’ensenhament del catalan dins la region.
Biosca tanben parlèt de l’eleccion presidenciala francesa. Segon ela, per Catalonha, seriá pus negativa la victòria de Marine Le Pen que la d’Emmanuel Macron. “Se Catalonha Nòrd reüssís, deu èsser dins Euròpa”, çò insistiguèt. Cal remarcar qu’al primièr torn en Catalonha, Le Pen s’impausèt amb lo 30% dels vòtes.
Prèmis
Durant l’eveniment s’atribuiguèt plusors prèmis tocant la promocion de l’usatge del catalan. De soslinhar lo Prèmi Catalonha Nòrd que lo recebèt Claudi Balaguer per l’òbra El català dels paios i dels gitanos al Riberal, un filme documentari sul catalan dels collectius gitanos e dels non-gitanos dins aquel parçan de Rosselhon. Lo prèmi lo decernís l’Institut d’Estudis Catalans als melhors documentaris sus l’ensenhament del catalan dins la region.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma desia LLuís LLac "S'estiram tots ela caurà", e en Catalunya Nord aquestas paraulas son preciosas. Los chovinets han rebut tota l'ajuda de l'estat per matar la nostra lenga e cultura e enganar a la gent fent creire que París es lo melic del mond. Mas la senhera es nostra senyera e la tricolora un gelat variat,res pus.
Una cultura non alienada, rai, vesi a pauc près çò que pòt èsser. Es una cultura que considèra sa lenga coma egala a tota autra, e sa valor equivalenta a la de tota autra cultura.
Mas una cultura independenta de las autras culturas es una cultura autosufisenta, autrament dit replegada sus ela-meteissa. Ma cultura depende dels apòrts antics, classics, arabis medievals (e autres), de mas lecutras que son europèas e mondialas. Tota cultura viventa e animada es interdependenta del mai grand nombre possible d'autras culturas.
L'idèa d'un territòri politicament independent (desalienat) m'agrada tant coma me desagrada l'idèa d'una cultura independenta.
La cultura catalana de Rosselhon non es independenta, ja que depend de l'ensemble catalan fins a Guardamar.
La cultura catalana de Rosselhon non es independenta, ja que depend de l'ensemble latin, tant ièr coma uèi. La catalan es lenga latina, non ?
La cultura catalana de Rosselhon non es independenta, ja que depend de l'ensemble occitano-catalan d'origina comuna.
La cultura catalana de Rosselhon non es independenta, ja que depend de l'ensemble mediterranèu. Basta, per exemple, d'escotar las composicions de Lluis Llach per se mainar de tira de las influéncias grècas e aràbias dins son imaginari creatiu — e aquò's plan peciós e qualitadós, li assegurant longtemps frescor, renovelament e varietat, en un mot : riquesa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari