Las autoritats turcas an blocat l’accès a l’enciclopèdia virtuala Wikipèdia en totas sas lengas, en argumentant “de consideracions legalas” mas sens esclarzir las rasons del barrament; es un pas de mai del procès totalitari en Turquia e de la transformacion qu’es a far Erdoğan de son país en Republica Otomana.
“Après l’analisi tecnica e las consideracions legalas basadas sus la lei 5651 [que regula los contenguts e la criminalitat sus Internet], s’es presa una mesura administrativa pel sit web wikipedia.org”, çò anoncièt l’Autoritat turca de l’Informacion e la Comunicacion (BTK) dins un comunicat.
Segon la lei, la BTK deu sollicitar d’un tribunal que confirme l’enebicion d’accès dins las 24 oras après l’aplicacion de la mesura.
“La pèrda de l’accès ven als filtres d’Internet emplegats per censurar lo contengut dins lo país”, çò assegura dins una nòta Turkey Blocks, un grop que se consagra a susvelhar las restriccions de l’usatge d’Internet en Turquia.
Plusors jornals turcs explican que lo govèrn demandèt de retirar d'articles que considerava que fasián apologia de terrorisme, çò que Wikipedia refusèt de far.
Turquia a agut ja blocat dins lo passat l’accès a de rets socials coma Twitter o YouTube.
Lo cancelièr austrian, Christian Kern, profechèt de la reünion extraordinària de l'Union Europèa tocant lo Brexit per sollicitar de l'Union Europèa que menèsse sas relacions amb Turquia devèrs un “nòu òrdre”, davant la situacion de manca de las libertats fondamentalas que la travèrsa lo país.
“Los eveniments son vertadièrament inquietants”, çò expliquèt Kern a respècte del blocatge a Wikipedia e de las recentas detencions de mai de 1100 policièrs supausadament restacats al còp d’estat mancat de julhet del 2016.
La Fondacion Wikimedia a publicat un comunicat ont explica que:
Aquesta nòva es adaptada de Geopolítica.cat amb qui Jornalet ten un acòrdi de cooperacion
“Après l’analisi tecnica e las consideracions legalas basadas sus la lei 5651 [que regula los contenguts e la criminalitat sus Internet], s’es presa una mesura administrativa pel sit web wikipedia.org”, çò anoncièt l’Autoritat turca de l’Informacion e la Comunicacion (BTK) dins un comunicat.
Segon la lei, la BTK deu sollicitar d’un tribunal que confirme l’enebicion d’accès dins las 24 oras après l’aplicacion de la mesura.
“La pèrda de l’accès ven als filtres d’Internet emplegats per censurar lo contengut dins lo país”, çò assegura dins una nòta Turkey Blocks, un grop que se consagra a susvelhar las restriccions de l’usatge d’Internet en Turquia.
Plusors jornals turcs explican que lo govèrn demandèt de retirar d'articles que considerava que fasián apologia de terrorisme, çò que Wikipedia refusèt de far.
Turquia a agut ja blocat dins lo passat l’accès a de rets socials coma Twitter o YouTube.
Lo cancelièr austrian, Christian Kern, profechèt de la reünion extraordinària de l'Union Europèa tocant lo Brexit per sollicitar de l'Union Europèa que menèsse sas relacions amb Turquia devèrs un “nòu òrdre”, davant la situacion de manca de las libertats fondamentalas que la travèrsa lo país.
“Los eveniments son vertadièrament inquietants”, çò expliquèt Kern a respècte del blocatge a Wikipedia e de las recentas detencions de mai de 1100 policièrs supausadament restacats al còp d’estat mancat de julhet del 2016.
La Fondacion Wikimedia a publicat un comunicat ont explica que:
“Wikipèdia es una comunautat d’editors benevòls qu'escrivon e mantenon mai de 40 milions d’articles. Aquela comunautat mondiala a una poderosa vision: un Mond ont cada persona pòsca accedir liurament a la soma de tota la coneissença. Wikipedia representa una rica font de coneissenças sus una larga gama de tèmas, de l'istòria de la medecina a la tecnologia. Los gaireben 300 000 articles de la Wikipèdia turca porgisson tanben la coneissença a de milions de personas sus l’istòria, la cultura e la geografia, d’articles que de turcofòns escrivon per de turcofòns.
La libertat d’informacion es la basa de la coneissença liura. Per mai d’una persona, la Wikipèdia es la font mai accessibla d’informacion fisabla, nèutra e en lor lenga. Pòt conténer de contenguts que qualques lectors considèren coma desagradius o ofensants, mas aquò deu pas èsser una rason de percaça. Cresèm que totas las personas del Mond an lo drech fondamental de partejar liurament la coneissença e l’accès sens paur de las repercussions. Nos opausam fermament a la censura o a las menaças que menan a l’autocensura”.
La libertat d’informacion es la basa de la coneissença liura. Per mai d’una persona, la Wikipèdia es la font mai accessibla d’informacion fisabla, nèutra e en lor lenga. Pòt conténer de contenguts que qualques lectors considèren coma desagradius o ofensants, mas aquò deu pas èsser una rason de percaça. Cresèm que totas las personas del Mond an lo drech fondamental de partejar liurament la coneissença e l’accès sens paur de las repercussions. Nos opausam fermament a la censura o a las menaças que menan a l’autocensura”.
Aquesta nòva es adaptada de Geopolítica.cat amb qui Jornalet ten un acòrdi de cooperacion
Confirmed: All editions of the #Wikipedia online encyclopedia blocked in #Turkey as of 8:00AM local timehttps://t.co/ybFolRmsOspic.twitter.com/hI9tn4bHe5
— Turkey Blocks (@TurkeyBlocks) 29 d’abril de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un bocin tròp tard per eissir lo mocador.
Erdoğan es estat fabregat per l'ue.
Los turc n'an agut un sadol d'esperar dabans la
pòrta europa, un còp duberta, un còp tampada,
un còp mieg duberta, un còp mieg tampada.
Un còp te vòli, un còp te vòli pus, un còp t'auriai ben volgut,
mas non pas ara...... e lo demai....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari