Actualitats
Yan Lespoux farà una conferéncia sus las relacions occitanocatalanas en Malhòrca
Lo mèstre de conferéncias de l’Universitat Montpelhièr parlarà dels ligams entre occitanistas e catalans entre las doas guèrras mondialas
L’istorian Yan Lespoux, mèstre de conferéncias en occitan a Montpelhièr, farà una conferéncia lo dijòus 11 de mai a Malhòrca, entitolada “Los ligams entre occitanistas e catalans entre las doas guèrras mondialas”. S’agís d’un parladís de naut interés per comprene los fòrts ligams entre las culturas occitana e catalana, lors combats e lors relacions estrechas.
Lespoux es autor d’un libre entitolat Per la lenga d’òc a l’escòla, que reculhís las primièras realizacions de la revendicacion modèrna en favor de l’ensenhament de la lenga nòstra, dempuèi lo regim de Pétain fins a la Lei Deixonne. S’agís de sa tèsi de doctorat sus aquel periòde de 1940-1950 ont nasquèron las primièras revendicacions modèrnas per l’ensenhament de l’occitan a l’escòla.
La conferéncia se tendrà a 19h dins lo centre de cultura de Ca n’Alcover de Palma. Es organizada pel collectiu Òc Malhòrca e la sostenon lo departament de filologia catalana e lingüistica generala de l’Universitat de las Illas Balearas, lo grop de recèrca Redòc LLACS de Montpelhièr e l’Òbra Culturala Baleara.
Los ligams entre occitanistas e catalans entre las doas guèrras mondialas
Conferéncia de Yan Lespoux
Dijòus 11 de mai a 19h00
Can Alcover - Espai de Cultura
C. de Sant Alonso, 24 - 07001 - Palma
Lespoux es autor d’un libre entitolat Per la lenga d’òc a l’escòla, que reculhís las primièras realizacions de la revendicacion modèrna en favor de l’ensenhament de la lenga nòstra, dempuèi lo regim de Pétain fins a la Lei Deixonne. S’agís de sa tèsi de doctorat sus aquel periòde de 1940-1950 ont nasquèron las primièras revendicacions modèrnas per l’ensenhament de l’occitan a l’escòla.
La conferéncia se tendrà a 19h dins lo centre de cultura de Ca n’Alcover de Palma. Es organizada pel collectiu Òc Malhòrca e la sostenon lo departament de filologia catalana e lingüistica generala de l’Universitat de las Illas Balearas, lo grop de recèrca Redòc LLACS de Montpelhièr e l’Òbra Culturala Baleara.
Los ligams entre occitanistas e catalans entre las doas guèrras mondialas
Conferéncia de Yan Lespoux
Dijòus 11 de mai a 19h00
Can Alcover - Espai de Cultura
C. de Sant Alonso, 24 - 07001 - Palma
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 T'hi esperam!
#4 Mercés per las explicas. Nosautres avèm parlat tostemps de la "Universitat Pau Valèri de Montpelhièr". Òc-ben, l'acuelh de Yan Lespoux es possible mercés a l'escambi Erasmus mes en plaça per lo catalan de Malhòrca Jaume Corbera e l'occitan Joan-Claudi Forêt.
La "granda invasion" de toristalha es ja començada, mas nosautres sempre sèm dobèrts a mostrar la Malhòrca dels malhorquins, autentica e catalana, per totes los occitans que nos visitan. Aquela es nòstra tòca.
Aqueste rescontre se fa mercés a l'escambi Erasmus entre lo departament d'occitan de l'Universitat Paul Valéry Montpelhièr 3 e lo departament de filologia catalana de l'Universitat de les Illes Balears. Es un escambi plan viu, mes en plaça per Jaume Corbera e Jean-Claude Forêt quauques annadas fa.
Un detalh qu'a son importància: Yan trabalha a l'Universitat Paul Valéry Montpelhièr 3. Pas a l'Universitat de Montpelhièr, qu'es una autra entitat.
A Montpelhièr, ara, i a solament doas universitats: l'Universitat de Montpelhièr (UM) ont i a lo drech, las sciéncias, STAPS, medecina, economia, patin e cofin e l'Universitat Paul Valéry Montpellier 3 (UPVM), universitat de LLASHS (Lettres Langues Arts Sciences Humaines et Sociales). Avèm pas fusionat amb las autras universitats de la vila.
En França, i a solament l'Universitat Michel Montaigne de Bordeu e la nòstra qu'an gardat son independéncia e qu'an pas fusionat, alara, es important de s'enganar pas ;)
Sequenon, anatz escotar Yan a Palma e profechatz-ne per rescontrar los occitanistas de Malhòrca e visitar lo país abans la granda invasion de la toristalha germanica :D
Hi anirai.
E tanben, lo dimars 23 (20h30), conferéncia sius l'escòla e l'occitan als Archius departamentals d'Aude.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari