Actualitats
Marine Le Pen a copiat mot per mot un discors de François Fillon
Lo cap de campanha de l’FN evòca “una clinhada” de la candidata als votants dels Republicans
La candidata a la presidéncia de França, Marine Le Pen, faguèt diluns 1r de mai un discors dins un miting près de París, ont copièt, gaireben mot per mot, un discors que François Fillon aviá fach al Puèi de Velai fa doas setmanas.
Ridicule TV a desvelat lo plagi en publicar un vidèo que subrepausa los dos discorses. Ça que la, lo director de campanha del partit ultradrechista, David Rachline, autreja pas d’importància al plagi e evòca “una clinhada assumida de la part d’una candidata de recampament, que mòstra qu’ela es pas sectària”. Cossí que siá, se vertadièrament Le Pen aguèsse volgut donar aquela “clinhada”, çò melhor seriá estat de ne prevenir lo public, çò rapòrta Libération.
Normalament Marine Le Pen improvisa pas dins sos mitings. Tot es perpensat e sos tèxtes son fòrça trabalhats. Es abitual que los politicians legiscan de discorses escriches per lors assistents, mas o es pas tant que de paragrafes entièrs sián copiats del tèxt d’un autre politician, mai que mai se, fa qualques jorns, èra un rival.
Ridicule TV a desvelat lo plagi en publicar un vidèo que subrepausa los dos discorses. Ça que la, lo director de campanha del partit ultradrechista, David Rachline, autreja pas d’importància al plagi e evòca “una clinhada assumida de la part d’una candidata de recampament, que mòstra qu’ela es pas sectària”. Cossí que siá, se vertadièrament Le Pen aguèsse volgut donar aquela “clinhada”, çò melhor seriá estat de ne prevenir lo public, çò rapòrta Libération.
Normalament Marine Le Pen improvisa pas dins sos mitings. Tot es perpensat e sos tèxtes son fòrça trabalhats. Es abitual que los politicians legiscan de discorses escriches per lors assistents, mas o es pas tant que de paragrafes entièrs sián copiats del tèxt d’un autre politician, mai que mai se, fa qualques jorns, èra un rival.
Pour parler de la France, Marine Le Pen est obligée de plagier MOT POUR MOT un discours de Fillon ... #Imposturepic.twitter.com/BasTJsgLWf
— Ridicule TV (@RidiculeTV) 1 de maig de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Defensar los locs de trabalh perquè non s'els emportin a països on lo capital redueis despesas, es pas d'extrema dreta, sinon d'esquerras e dels partits laboristas.
Controlar l'emigracion es de sentit comun, pas dextrema dreta.
Aquesta merda d'UE nos engana e ens vol far creire ço que li dona la gana.
#5 Pas besonh d'enfonsar de pòrtas dobèrtas, o-sabem plan d'ont ven lo neo-fascista de Le Pen paire e filha. Ne'n demòra pas mens que l'ideologia de Macron es pas mens pièger que la del FN. Avança amagada e plan vestida coma lo bon financièr Macron. Om sap ont mènan las logicas de la finança internacionala ; dins la mai granda discrecion poliçada mènan a la misèria, a l'esclauvidatge e a las guèrras. Exactament coma en America lo candidat causit pel sistèma economic e mediatic èra Hillary Clinton, si qu'en França lo cavalièr blanc del sistèma es Macron e sustot pas Le Pen. Sem ensucats de bombardament mediatic per que siague elegit. Dire que non e que la candidata causida pel poder es Marine Le Pen es de cecitat o de marrida fe.
#5 OK, OK, la Le Pen es LA candidata dau sistèma. Es jostenguda pels mediàs mai poderoses de Franca que nos suplican de longa de faire barratge al Macron per que la filha Le Pen siague elegida a tot prètz. Lo Fillon, lo Valls, l'Hollande, lo Juppé, l'Europa de Brussèlas,las Borsas de Paris, de Londras, de Wall Street, an pas qu'una paur : e se per malastre devia pas èsser elegida la Le Pen ? Mas coma de tot biais serà plan elegida lo dimenge venent, los jornalistas-vedettes de la tele, editorialists e especialistas de la premsa, politics de drecha e d'esquèrra, los Valls-Fillon-Bayrou-Hollande-Juppé-Cohn Bendit, Brussèlas e las borsas mondialas faran petar lo champagne. Saique faran un pauc las ussas al Mélenchon per pas aver sonat a votar per la candidata de drècha estrèma, mas rassegurats, la mina regausida, diran dins un buf de solaçament, : "Ai puta, aquèste còp avèm agut caud".
Marina Le Pen tòrna vers sa familha politica, la que manifestava, tots los ans per commemorar Jana d'Arc dins lo nòrd de la Franca e daus biais d'Orléans, un còp a part, un còp ensemble. L'òm se dirige vers una bipolarisacion de la vista politica. Lo (o la) president(a) a besonh d'una majoritat a l'Amassada Generala.
Quò es lo biais pervers de l'eleccion presidenciala. P'un politic es pron coratgeos per surtir d'aquela chaussa trapa e far viure la democracia. I aura pron de cons per votar Macron, e de socialistes per entrar dins son governament. Pertant, votarei pas per Marina Le Pen mas per l'abstencion; ai cambiat d'idéias o pus leu lo sistem electoral fai l'eleccion. ( dins Jornalet es pas me qu'ai utilisat lo prumier lo mot con)
#2 Le Pen es pas candidata deu sistèmi ? n'i a pro d'audir aquestas messorgas !
Le Pen es eretèira d'un tipe qu'es estat x còps candidats, un ex militari qu'a tostemps defendut lo sistèmi colonialista, capitalista, liberticidi ; hilha e pair son deputats europencs dempuish 2004, hilha es tanben conselhèira regionala ; lo discors deu FN es sostengut per los medias mei poderós, television privada (n'i a pas que d'espiar los reportatges que passan cada dia sus l'insecuretat, la policia...), radio pojadistas tipe RMC o RTL.
es LA candidata deu sistèmi, egau com lo Macron ; son las duas fàcias d'una medisha pèça, plan rodilhada e fatigada d'alhors ; jugan aus contraris quand de hèit participan amassa de la subervivéncia d'aqueth sistèmi capitalista qu'arriba uèi lo dia au cim de sas contradiccions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari