Actualitats
Ceremònia d’autrejament dera Crotz de Sant Jòrdi a Pilar Busquet a títol postum
Eth president de Catalonha, Carles Puigdemont, liurèc eth guierdon ath sòn hilh, Jusèp Boya, en preséncia deth sindic d’Aran, Carlos Barrera
Eth president dera Generalitat de Catalonha, Carles Puigdemont, autregèc dimèrcles passat, 3 de mai, era Crotz de Sant Jòrdi a 29 personalitats e 24 entitats, dont era èx-sindica d’Aran Maria Pilar Busquet Medan. Coma ben ac arreportàuem eth 12 d’abriu passat, era Generalitat autregèt eth guierdon a Busquet a títol postum peth “sòn ròtle ena arrecuperacion des institucions araneses e des simbòls d’identitat dera Val e pera sua defensa des ligams istorics e culturaus damb Catalonha”.
Era crotz de Sant Jordi de Maria Pilar Busquet l’arremassèc eth sòn hilh, Jusèp Boya, en preséncia deth sindic d’Aran, Carlos Barrera. Er acte se celebrèc en Salon Sant Jòrdi deth Palai dera Generalitat de Catalonha, e compdèc tanben damb era assisténcia dera presidenta deth Parlament, Carme Forcadell, deth conselhèr de Cultura, Santi Vila, e de diuèrsi membres des govèrns de Catalonha e d’Aran.
“Premiam as nòsti melhors exemples e ac hèm fièrs des dera transversalitat, era arreconeishença e era gratitud des gents deth país cap a toti vosati”, çò diguec Puigdemont en tot soslinhar qu’“un país que non arreconeish pas era valor des sues gents non va pas enlòc, e nosati auem un camin mercat e sabem a on volem anar”.
Ua vida consagrada a Aran e ar occitan
Deputada en Parlament de Catalonha entre 1984 e 1992, Pilar Busquet siguec membre fondadora dera associacion vesiau Es Terçons, qu’ena fin des ans 1970 lutèc entà arrecuperar es institucions d’autogovèrn istoriques d’Aran. Ua revendicacion que s’artenhec damb era arrecuperacion deth Conselh Generau d’Aran, e enes sues prumères eleccions siguec elegida sindica d’Aran entre 1991 e 1993.
Siguec membre dera Comission Oficiau entara Normalizacion Lingüistica der Aranés e responsabla de cultura d’Aran entre 1977 e 1980.
Coma escrivana, de soslinhar era Flor d’aur enes Jòcs Floraus dera Escolo deras Pireneos e deth concors de poesia e de pròsa deth Musèu Etnologic dera Val d’Aran.
Maria Pilar Busquet, que moric eth passat 13 de noveme de 2016, auie participat quauqui mesi abans, damb eth sindic d’Aran, Carlos Barrera, enes actes de commemoracion deth 25u anniversari dera reïnstauracion deth Conselh Generau d’Aran en un acte institucionau en Parlament de Catalonha.
Un guierdonmàger
Era Crotz de Sant Jordi qu’ei ua des arreconeishences mès granes qu’autrege era Generalitat de Catalonha. Eth guierdon se creèc en 1981 entà distinguir es persones e es associacions que, pes sòns merits, agen prestat servicis destacadi a Catalonha. Tot ciutadan, o grop de ciutadans de Catalonha, que pòt demanar que s’autrege agueth guierdon a bèra persona o a bèra entitat.
Era crotz de Sant Jordi de Maria Pilar Busquet l’arremassèc eth sòn hilh, Jusèp Boya, en preséncia deth sindic d’Aran, Carlos Barrera. Er acte se celebrèc en Salon Sant Jòrdi deth Palai dera Generalitat de Catalonha, e compdèc tanben damb era assisténcia dera presidenta deth Parlament, Carme Forcadell, deth conselhèr de Cultura, Santi Vila, e de diuèrsi membres des govèrns de Catalonha e d’Aran.
“Premiam as nòsti melhors exemples e ac hèm fièrs des dera transversalitat, era arreconeishença e era gratitud des gents deth país cap a toti vosati”, çò diguec Puigdemont en tot soslinhar qu’“un país que non arreconeish pas era valor des sues gents non va pas enlòc, e nosati auem un camin mercat e sabem a on volem anar”.
Ua vida consagrada a Aran e ar occitan
Deputada en Parlament de Catalonha entre 1984 e 1992, Pilar Busquet siguec membre fondadora dera associacion vesiau Es Terçons, qu’ena fin des ans 1970 lutèc entà arrecuperar es institucions d’autogovèrn istoriques d’Aran. Ua revendicacion que s’artenhec damb era arrecuperacion deth Conselh Generau d’Aran, e enes sues prumères eleccions siguec elegida sindica d’Aran entre 1991 e 1993.
Siguec membre dera Comission Oficiau entara Normalizacion Lingüistica der Aranés e responsabla de cultura d’Aran entre 1977 e 1980.
Coma escrivana, de soslinhar era Flor d’aur enes Jòcs Floraus dera Escolo deras Pireneos e deth concors de poesia e de pròsa deth Musèu Etnologic dera Val d’Aran.
Maria Pilar Busquet, que moric eth passat 13 de noveme de 2016, auie participat quauqui mesi abans, damb eth sindic d’Aran, Carlos Barrera, enes actes de commemoracion deth 25u anniversari dera reïnstauracion deth Conselh Generau d’Aran en un acte institucionau en Parlament de Catalonha.
Un guierdonmàger
Era Crotz de Sant Jordi qu’ei ua des arreconeishences mès granes qu’autrege era Generalitat de Catalonha. Eth guierdon se creèc en 1981 entà distinguir es persones e es associacions que, pes sòns merits, agen prestat servicis destacadi a Catalonha. Tot ciutadan, o grop de ciutadans de Catalonha, que pòt demanar que s’autrege agueth guierdon a bèra persona o a bèra entitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari