Actualitats
Lo Parlament de Catalonha demanda que se pòsca aprene l’occitan dins los centres d’educacion segondària del país
Los deputats an aprovat una mocion qu’exigís de garentir los dreches lingüistics dels parlants de catalan e d’occitan, e que concretiza d’accions dins l’encastre del cinèma, de l’administracion publica, de la santat e de l’educacion
Lo Parlament de Catalonha aprovèt la setmana passada una mocion que demanda al govèrn de la Generalitat de garentir los dreches lingüistics dels parlants de catalan e d’occitan, e que s’apliquen las leis de proteccion d’aquelas doas lengas minorizadas, dont la lei del cinèma, la lei del còde del consume o la lei de l’occitan.
L’objectiu d’aquela mocion es mai que mai de metre fin al “victimisme deth castelhan”, çò diguèt la deputada aranesa Mireia Boya, qu’en nom de la CUP presentava lo tèxt, e o fasiá en occitan. “Catalan e occitan son es dues lengües minorizades en aguest país peth poder”, çò precisèt en tot “constatar” que lo govèrn de la Generalitat “pòt hèr molt mès de çò que hè enes actuaus politiques lingüistiques que met en plaça”.
La mocion demanda que se complisca la lei qu’establís qu’almens la mitat dels filmes se pòscan seguir doblats o sostitolats en catalan, e demandan que se promòga lo sostitolatge dels filmes estrangièrs en catalan e en occitan per mejan de la concession prioritària de subvencions.
Per rapòrt a l’occitan, la mocion exigís de “garentir es drets lingüistics des occitanofòns”. Per ansin se demanda que catalan e occitan ajan la meteissa valor per calcular los meritis dels foncionaris, que totes los formularis en papièr o electronics de l’administracion sián tanben en occitan, e que se garentisca lo servici oral e escrich en catalan e occitan dins los mitans de la santat.
A respècte dels mèdias, se critica que los mèdias publics catalans apliquen la toponimia occitana solament en Aran, e doncas s’exigís que s’aplique lo meteis critèri, d’un biais rigorós e coerent, a la rèsta d’Occitània. En mai d’aquò, se demanda d’aumentar las oras d’emission en occitan dins los mèdias publics, mai que mai ràdio e television, e de promòure l’aument del catalan e de l’occitan dins los mèdias privats, ont las doas lengas patisson una fòrta minorizacion.
Enfin, a prepaus de l’educacion, se demanda que i aja la possibilitat d’estudiar l’occitan dins totes los centres d’educacion segondària de Catalonha. Aquel ponch concret foguèt aprovat a l’unanimitat.
L’objectiu d’aquela mocion es mai que mai de metre fin al “victimisme deth castelhan”, çò diguèt la deputada aranesa Mireia Boya, qu’en nom de la CUP presentava lo tèxt, e o fasiá en occitan. “Catalan e occitan son es dues lengües minorizades en aguest país peth poder”, çò precisèt en tot “constatar” que lo govèrn de la Generalitat “pòt hèr molt mès de çò que hè enes actuaus politiques lingüistiques que met en plaça”.
La mocion demanda que se complisca la lei qu’establís qu’almens la mitat dels filmes se pòscan seguir doblats o sostitolats en catalan, e demandan que se promòga lo sostitolatge dels filmes estrangièrs en catalan e en occitan per mejan de la concession prioritària de subvencions.
Per rapòrt a l’occitan, la mocion exigís de “garentir es drets lingüistics des occitanofòns”. Per ansin se demanda que catalan e occitan ajan la meteissa valor per calcular los meritis dels foncionaris, que totes los formularis en papièr o electronics de l’administracion sián tanben en occitan, e que se garentisca lo servici oral e escrich en catalan e occitan dins los mitans de la santat.
A respècte dels mèdias, se critica que los mèdias publics catalans apliquen la toponimia occitana solament en Aran, e doncas s’exigís que s’aplique lo meteis critèri, d’un biais rigorós e coerent, a la rèsta d’Occitània. En mai d’aquò, se demanda d’aumentar las oras d’emission en occitan dins los mèdias publics, mai que mai ràdio e television, e de promòure l’aument del catalan e de l’occitan dins los mèdias privats, ont las doas lengas patisson una fòrta minorizacion.
Enfin, a prepaus de l’educacion, se demanda que i aja la possibilitat d’estudiar l’occitan dins totes los centres d’educacion segondària de Catalonha. Aquel ponch concret foguèt aprovat a l’unanimitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Où brave Jornalet, quand nos parlas de la reconeissença de l'occitan en Catalunya, sias segur de pas quichar un pauc ? De pas faire la realitat mai polida qu'es ? Qu'a gaitar aquesta video que fai freg dins l'esquina, i-a vertadièrament de que se pausar questions.
Se i aviá una nacion occitana, la volontat de ne far partida butariá los Araneses a demandar lo restacament del Val d'Aran a Nauta Garona. A tot pèrdre. Allòc de parlar catalan parlarián francés, coma nosautres.
Lo lengatge dau còs ("body-language") joslinha o desmessorga çò que la boca ditz. Pas qu'a gaitar l'actituda corporala de qauqun òm pòt sovent comprene çò que pensa. E tanben, aquò que fai sens dire cap paraulas es fòrça fòrça mai parlaire qu'una longa dicha.
Tot çò que vesèm sus aquesta video nos o-mostra plan. Tre que la diputada aranesa Mireia Boya es anonçiada , la majoritat dels diputats se lèvan e se'n van coma s'èra lo senhal que l'ora de la pausa o de la recreacion venia de picar. E o-fan plan-planèt sens s'ocupar de la diputada atal umiliada. Sens qu'una sola paraula siague dicha, lor actituda ditz "nos en fotem !" . Estranh. Sabiai pas qu'al parlament català i-avia una tala indiferència, un tal mesprètz, per Aran e l'aranès.
Pense que fantasmatz a l'espelida d'un estat bilingue occitano-català. Serà pas lo cas. I-aurà dins lo melhor deis cas un estat català ambe una pichonèta enclava occitana au dedins, e vaqui !
Los diputats son gaireben tots sortits coma per evitar lo discors en aranés catalanizat de la diputada, quina pietat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari