Actualitats
Emmanuel Macron a respondut favorablament a #2017oc
Lo candidat liberal a la presidenciala francesa vòl una reconeissença e un estatut per l’occitan e s’engatja a ne facilitar l’aprendissatge de l’occitan dont l’interès educatiu, lingüistic e cultural es reconegut
Emmanuel Macron a respondut favorablament a totas las questions de la campanha #2017oc, lançada pels actors màgers de l’occitanisme qu’an questionat los candidats a l’eleccion presidenciala sus l’avenir de la lenga occitana.
Dins sas responsas, Macron se declara favorable a la definicion e la mesa en òbra d’una politica lingüistica per l’occitan, a un projècte de lei per que França dispause d’una lei en favor de sas lengas e lor done un estatut idonèu, e enfin a una lei qu’assegure una veritabla reconeissença e un estatut a las lengas autoctònas de l’estat.
Dins l’encastre de l’educacion, Macron crei qu’una reconeissença juridica e un estatut son indispensables e s’engatja a facilitar l’aprendissatge de l’occitan dont l’interès educatiu, lingüistic e cultural es reconegut.
En mai d’aquò, vòl que las lengas autoctònas de l’estat ajan lor plaça dins lo Centre de la Francofonia qu’el vòl crear.
Pas de responsa de Le Pen
De son costat, Marine Le Pen a pas respondut per ara, mas la posicion de son partit es consultabla sul sit del Front Nacional. En mai d’aquò, ela declarèt que s’èra presidenta, nomenariá Nicolas Dupont-Aignan primièr ministre, un òme que si que respondèt la campanha #2017oc en manifestant vivament son oposicion al desvolopament de las lengas mal nomenadas regionalas.
Al total son sèt los candidats que i an denhat respondre, dont soslinhàvem las responsas favorablas de Jean Lassalle (que respond en occitan e signa "Jan de Lassala") e Philippe Poutou que prepausava quitament lo drech d’autodeterminacion dels pòbles dins e fòra l’estat francés.
Dins sas responsas, Macron se declara favorable a la definicion e la mesa en òbra d’una politica lingüistica per l’occitan, a un projècte de lei per que França dispause d’una lei en favor de sas lengas e lor done un estatut idonèu, e enfin a una lei qu’assegure una veritabla reconeissença e un estatut a las lengas autoctònas de l’estat.
Dins l’encastre de l’educacion, Macron crei qu’una reconeissença juridica e un estatut son indispensables e s’engatja a facilitar l’aprendissatge de l’occitan dont l’interès educatiu, lingüistic e cultural es reconegut.
En mai d’aquò, vòl que las lengas autoctònas de l’estat ajan lor plaça dins lo Centre de la Francofonia qu’el vòl crear.
Pas de responsa de Le Pen
De son costat, Marine Le Pen a pas respondut per ara, mas la posicion de son partit es consultabla sul sit del Front Nacional. En mai d’aquò, ela declarèt que s’èra presidenta, nomenariá Nicolas Dupont-Aignan primièr ministre, un òme que si que respondèt la campanha #2017oc en manifestant vivament son oposicion al desvolopament de las lengas mal nomenadas regionalas.
Al total son sèt los candidats que i an denhat respondre, dont soslinhàvem las responsas favorablas de Jean Lassalle (que respond en occitan e signa "Jan de Lassala") e Philippe Poutou que prepausava quitament lo drech d’autodeterminacion dels pòbles dins e fòra l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quin s'ac crei que herà tot çò promès entarà lenga occitana ?
E autanplan entaras autas lengas deth estat ?
Au mèns damb eth Occitan, que poderam pensar qu'eras ombras deths sons pairs-senhers, bigordans dera vath de Campan, le vengueran a hantaumejar en tot cantant-li eras sua mentidas e desdisas !!!!!!
#4 Escolan Macron, vòstre vejaire sembla interessant. O podètz aprigondir?
#7
Francament, ieu tròbi que justament, integrar Occitània dins la "Francofonia" seriá puslèu una bona idèia.
Seriá una bona etapa per tornar far prene consciéncia als occitans de lor estatut de colonizats ! :D
Per l'ora los afogats del grand kağan alestisson la festa granda de dimenge al ser al 'louvre'.
La question es de saber se la granda chamana divessa Segolun es convidada o se convidarà d'esperela
coma a costuma d'o far.
Se l'occitan èra cotat al cac40 poriam aver un esper de vèire lo nòstre grand kağan nos balhar un agach....
De tot biais es pas la politica que farà parlar occitan, me demandi d'onte vos ven aquèla tissa creseirela...
La politica pòt balhar una reconeissença e qualques mejans. Es pas per aquò que l'oc resontirà per carrieras.
Pr'aquò devem tenir de velhat aquel monde politic, lèu van siègre las legislativas e una pichona letra als
deputats de l'airal occitan saria plan venguda .
Per los que nos tornaran una responsa claufida d'esperança, una autra pichona letra per lor demandar
Çò que van far concretament e la part del budget consagrada a la cultura occitana.
Très ara podetz alestir las polidas letras que mancarem pas de mandar....
Visquessa lo grand kağan macron la granda divessa segolun hatun.
Demòra una declaracion d'intencions invesibla del demai dels occitans que s'i entresenhan pas.
Es absent de son "programa" (amb verguetas), de sas declaracions publicas, de sa campanha - i aurà degun per li reprochar de téner pas sas promessas.
Doncas pèsa de plumas dins lo vent de prima.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari