Actualitats
Segond torn de l’eleccion presidenciala: entre la tecnocracia e lo populisme
Los mèdias bèlgas e soïsses se preparan uèi per aver una avalanca de vesitas que lor poiriá quitament paralisar la connexion Internet
Los ciutadans de la Republica Francesa, e doncas la majoritat dels occitans, son cridats uèi al segond torn de l’eleccion presidenciala francesa. En aquesta escasença s’agís d’una jornada solament agradiva pels partisans dels dos candidats finalistas, del temps que la rèsta dels electors se veson forçats de causir, en rebalant los pès, entre la tecnocracia e lo populisme. La paur de l’ultradrecha farà a mai d’un votar Macron a rèirecòr, la paur de las politicas ultraliberalas farà a mai d’un votar Le Pen a rèirecòr. Se prevei un naut taus d’abstencion, de tot aquel mond que vòlon pas tombar dins lo cantatge. Segon la majoritat de las analisis publicadas dins los mèdias, aquelas abstencions poirián favorir la candidata ultradrechista.
A l’ora d’ara, segon los sondatges publicats divendres après lo debat, Macron ganhariá aqueste segond torn amb un 62% dels vòtes, çò raportava La Libre Belgique. Mas tot pòt cambiar al darrièr moment.
De resultats segurs tre 18h30
Los mèdias bèlgas e soïsses se preparan uèi per aver una avalanca de vesitas que lor poiriá quitament saturar la connexion Internet. La lei francesa permet pas la difusion de las estimacions publicas abans 20h e son los mèdias francofòns d’aqueles dos autres estats que n’avançan las informacions.
Per èsser assabentats per avança de las primièras estimacions de vòte a comptar de 18h, conselham los sits La Libre Belgique o La Tribune de Genève, coma ben o precisava dimars passat Joan-Marc Leclercq dins sa tribuna d’opinion. Las estimacions qu’aqueles mèdias rapòrtan a partir de 18h30 se considèran normalament coma seguras.
A l’ora d’ara, segon los sondatges publicats divendres après lo debat, Macron ganhariá aqueste segond torn amb un 62% dels vòtes, çò raportava La Libre Belgique. Mas tot pòt cambiar al darrièr moment.
De resultats segurs tre 18h30
Los mèdias bèlgas e soïsses se preparan uèi per aver una avalanca de vesitas que lor poiriá quitament saturar la connexion Internet. La lei francesa permet pas la difusion de las estimacions publicas abans 20h e son los mèdias francofòns d’aqueles dos autres estats que n’avançan las informacions.
Per èsser assabentats per avança de las primièras estimacions de vòte a comptar de 18h, conselham los sits La Libre Belgique o La Tribune de Genève, coma ben o precisava dimars passat Joan-Marc Leclercq dins sa tribuna d’opinion. Las estimacions qu’aqueles mèdias rapòrtan a partir de 18h30 se considèran normalament coma seguras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aprenèm la victòria sens sorprèsa dau candidat Macron, causit de longa pel poder per se perpetuar. La votason dau torn segond estant pas qu'una formalitat, per far crèire que "sètz vosautres que decidètz" Aqueste còp, la sembla-ofèrta èra entre un candidat jacobin de drècha-esquèrra e una candidata jacobina de drècha-estrèma. Al primièr torn, la batèsta se tenguèt amb en pus d'aqueles, dos autres candidats : un jacobin d'esquèrra-estrèma e un jacobin de drècha classica. Lo ponhal d'autres candidats minoritari-folclorics (mas quand mèsma plan jacobins) èra estat causit "à l'insu de son plein gré" per faire rire la parisencalha e donar un semblant democratic a-n-aquesta pantalonada. Coma d'acostuma, la republica francimanda de Paris (eufemisticament sonada pel poder parisenc "La France") n'es que pus afortida. Se sabètz legir entre las linhas, aquesta republica se'n regausis coma aquò dins sos mediàs : Visca Paris, ciutat gloriosa, reina de l'univers, visca l'ideologia jacobina que la fa viure, crèisser e espelir. Pas de bretons, de bascs, d'occitans o de catalans : sèm totis parisencs, totis fraires parisencs, l'unitat nacionala e l'egalitat republicana se pagan atal : "tous parisiens, tous jacobins". Es tot.
Per que Euròpa siá mai democratica caldriá que lo parlament europèu aguèsse mai de poder, valent a dire mens poder pels caps d'estat. Soi pas convençut que los franceses qu'elegisson lor rei cada 5 ans vòlgan aqueste modèl. Per far una moleta europèa cal trencar los uòus dels estats nacions. Me sembla pas que durant lo regne d'Emmanuel 1èr veirem la fin de la monarquia republicana e jacobina presada pels franceses. N'ai un sadol dels franceses que repotegan e fan tot çò que cal per que res càmbie pas.
Vaqui lo temps de causir entre una europa pas encara trop democratica mas qu'es capable de tornar trapar la moneda balhada a d'illegals emplecs ficcius a sos elegits d'un costat e d'un autre entre un independencia d'un pichot escapolon de terriotori enfaciant russia, india, estats units e china qu'es pas capable de comunicar sus l'amont total de las indemnitats e salaris qu'offris a sos elegits o de recuperar l'argent que lor a donats lo pople jos forma de subvencions destornadas, autres salaris equivalents a mantuns cops lo smic que pot tamben remunerar sa familha e enfin a sos efants quant son en pausa escolara.
Tots aqueles nantis traperon segurement una medalha d'onor de l'estat jacobin per evitat una trop granda imposicion a los mai rics de nosautres.
La causida es dura mas sem plan ajudat pels nostres medias totjorn acarnassits per assegurar la promocion d'aquela mostra espectaclosa e de son grand espaurugal util longtemps presentat coma devengut onorable e plen de sagesa. Per astre a pas pogut escondre son esperit estequit quant mostrat sa vertadiera cara inculta e sa pensada enfantina fa pas gaire de temps.
Macron, un tecnocrate? Non, un agent de las multinacionalas, de Monsanto/Baxer, daus laboratoris farmaceuticas, e de tant d'autres que volan una Europe per elas e elas solas. Macron, un òme dins la dreicha linha d'un Sarkozy qu'a impausat de fòrce l'Europe maugrat un vòte negatif dau frances, qu'a bombardat la Libia apres aver finançat sa campanha electorala emben l'argent de Kadafi. Macron es dins la dreicha linha d'un Olande qu' anvoiet las armadas francesas bombardar dins plusors pais africans e arabes, ente degun pòd destriar la vertat, qu'a pas trobar enguera los que fan daus atemptats perque es complice, que vend de las armas a deach ...
Quò es dich dins lo libre de Tierri Messan que ven de surtir : " sous nos yeux du 11 septembre a Donald Trump".
Populisme quand lo pòple a pus dreit a la paraula, que l'assemblada nacionala es pus mas qu'una chambra d'enregistrament de las décisions de Brussel?
Benleu que chaldria tornar veire la formulacion!
N'i un sadol d'ausir parlar de "populisme": òsca lo pòble !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari