Actualitats
Cthulhu President!
Caillon Dorriotz ven de publicar lo cap d’òbra d’H.P. Lovecraft traduch en occitan
Justament dins un periòde que la majoritat d’occitans sèm trempats dins un ambient electoral, e justament uèi que mai d’un se vei obligat de causir entre la pèsta e lo colèra, l’ostal d’edicion Caillon Dorriotz prepausa una autra possibilitat: “lo dos-en-un, la pèsta mai lo colèra! Lo dieu Cthulhu es prèst per dirigir França mai lo Mond, vos sufís de l’apelar”:
“Ph’nglui mglw’nafh Cthulhu R’lyeh wgah’nagl fhtagn”
Ven de se publicar L’apèl de Cthulhu, lo cap d’òbra d’Howard Phillips Lovecraft, traduch en occitan per Aure Séguier. Aquel tèxt fonda lo mite de Cthulhu, un dels pus importants de la literatura fantastica del segle XX, per son influéncia. Aquí, rintram dins lo Panteon Negre de quel autor que i desveloparà una brava partida de sas òbras.
Las primieras linhas: "La misericòrdia de l'uman, pensi, es l'incapacitat de son esperit a far lo ligam entre tot çò que conten. Vivèm sus una illa tranquilla d'ignorància al mitan de las mars negras de l'infinit, e es pas nòstre destin de viatjar tròp luènh. Las sciéncias, caduna s'esperforçant dins sa direccion pròpria, nos an benlèu nafrats un pauc fins ara. Mas un jorn, juntar amassa totas aquelas pèças de saber escampilhadas nos obrirà un vejaire tant esglasiant de la realitat e de nòstra posicion espauruganta al mitan, que siá vendrem calucs d'aquela revelacion, siá fugirem lo lum mortal per nos refugiar dins la patz e la securitat d'una novèla Edat Mejana."
Caillon Dorriotz es un editor de libres numerics en francés e en occitan, çò es un ostal d’edicion apelat pure player, tèrme aplicat a tota entrepresa que trabalha unicament sus Internet.
Podètz trobar L’apèl de Cthulhu sus 7switch, Decitre.fr e iBooks.
LOVECRAFT, Howard Phillips. L’apèl de Cthulhu (version en occitan d’Aure Séguier).
Caillon Dorriotz, 2017, disponible en format ePub, Mobipocket e web. 4,99 èuros.
“Ph’nglui mglw’nafh Cthulhu R’lyeh wgah’nagl fhtagn”
Ven de se publicar L’apèl de Cthulhu, lo cap d’òbra d’Howard Phillips Lovecraft, traduch en occitan per Aure Séguier. Aquel tèxt fonda lo mite de Cthulhu, un dels pus importants de la literatura fantastica del segle XX, per son influéncia. Aquí, rintram dins lo Panteon Negre de quel autor que i desveloparà una brava partida de sas òbras.
Las primieras linhas: "La misericòrdia de l'uman, pensi, es l'incapacitat de son esperit a far lo ligam entre tot çò que conten. Vivèm sus una illa tranquilla d'ignorància al mitan de las mars negras de l'infinit, e es pas nòstre destin de viatjar tròp luènh. Las sciéncias, caduna s'esperforçant dins sa direccion pròpria, nos an benlèu nafrats un pauc fins ara. Mas un jorn, juntar amassa totas aquelas pèças de saber escampilhadas nos obrirà un vejaire tant esglasiant de la realitat e de nòstra posicion espauruganta al mitan, que siá vendrem calucs d'aquela revelacion, siá fugirem lo lum mortal per nos refugiar dins la patz e la securitat d'una novèla Edat Mejana."
Caillon Dorriotz es un editor de libres numerics en francés e en occitan, çò es un ostal d’edicion apelat pure player, tèrme aplicat a tota entrepresa que trabalha unicament sus Internet.
Podètz trobar L’apèl de Cthulhu sus 7switch, Decitre.fr e iBooks.
LOVECRAFT, Howard Phillips. L’apèl de Cthulhu (version en occitan d’Aure Séguier).
Caillon Dorriotz, 2017, disponible en format ePub, Mobipocket e web. 4,99 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari