Actualitats
Vielha: se tenguèt divendres passat la ceremònia de remesa del 4n prèmi Robèrt Lafont
La Fondacion Musèu Etnologic dera Val d'Aran es la laureata d’aquesta darrièra edicion per son prètzfach dins las defensa e preservacion de la lenga e la cultura del país
Se tenguèt divendres passat a Vielha (Val d’Aran) la ceremònia de remesa del 4n prèmi Robèrt Lafont, qu’en aquesta ocasion es autrejat a la Fondacion Musèu Etnologic dera Val d’Aran. Lo guierdon lo recebèt Ròsa M. Salgueiro, presidenta de la Fondacion que foguèt creada en 1973 e que demest sas activitats cal soslinhar l’organizacion dels primièrs concorses literaris en occitan en Aran, la publicacion de la revista Tèrra aranesa, e sa participacion màger a la creacion del Musèu dera Val d’Aran, que consagra una partida considerabla de l’exposicion a l’espaci lingüistic occitan. A travèrs de sa seccion Lengua Viua organiza cada an la corsa Aran per sa Lengua. Es lo primièr còp qu’una entitat es laureata d’aquel prèmi, e abans lo prèmi Robèrt Lafont l’avián recebut Pèire Bèc (2010), Felip Gardy (2012) e Jacme Taupiac (2014).
E mai se la remesa s’èra ja facha a Barcelona en decembre passat, se tornèt far divendres en país occitan. En aquesta ocasion, participèt a l’acte una representacion del govèrn d’Aran, de l’Institut d’Estudis Araneses e de la Generalitat de Catalonha.
La ceremònia s’acabèt amb l’interpretacion de l’imne occitan per la cantadora aranesa Alidé Sans.
Lo prèmi Robèrt Lafont
Lo prèmi Robèrt Lafont, instituit per la Generalitat de Catalonha en 2010, a la tòca de reconéisser de personas o d’entitats que se sián distinguits per la defensa, projeccion e promocion de la lenga occitana. Ongan es estada la quatrena edicion del prèmi, qu’es lo primièr còp que s’autreja a un collectiu.
En aquesta darrièra ocasion, la jurada, presidida pel conselhièr de la Generalitat de Catalonha encargat de la cultura, Santi Vila, compren la directritz generala de la Politica Lingüistica, Ester Franquesa; lo director dels Servicis Territorials de la Cultura a Lhèida, Josep Borrell; lo Sindic d’Aran, Carlos Barrera, e lo president de l’Institut d’Estudis Araneses-Acadèmia Aranesa de la Lenga occitana, Jusèp Loís Sans.
Per celebrar la remesa del guierdon, la còla de l’ADÒC faguèrem dos reportatges que s’emetèron la cadena Betevé, un sus la ceremònia de remesa del prèmi en decembre passat a Barcelona, e un autre sus la Fondacion Musèu Etnologic dera Val d’Aran. A prepaus de la ceremònia de divendres passat, ne podètz veire un reportatge sul mèdia aranés Aué TV.
E mai se la remesa s’èra ja facha a Barcelona en decembre passat, se tornèt far divendres en país occitan. En aquesta ocasion, participèt a l’acte una representacion del govèrn d’Aran, de l’Institut d’Estudis Araneses e de la Generalitat de Catalonha.
La ceremònia s’acabèt amb l’interpretacion de l’imne occitan per la cantadora aranesa Alidé Sans.
Lo prèmi Robèrt Lafont
Lo prèmi Robèrt Lafont, instituit per la Generalitat de Catalonha en 2010, a la tòca de reconéisser de personas o d’entitats que se sián distinguits per la defensa, projeccion e promocion de la lenga occitana. Ongan es estada la quatrena edicion del prèmi, qu’es lo primièr còp que s’autreja a un collectiu.
En aquesta darrièra ocasion, la jurada, presidida pel conselhièr de la Generalitat de Catalonha encargat de la cultura, Santi Vila, compren la directritz generala de la Politica Lingüistica, Ester Franquesa; lo director dels Servicis Territorials de la Cultura a Lhèida, Josep Borrell; lo Sindic d’Aran, Carlos Barrera, e lo president de l’Institut d’Estudis Araneses-Acadèmia Aranesa de la Lenga occitana, Jusèp Loís Sans.
Per celebrar la remesa del guierdon, la còla de l’ADÒC faguèrem dos reportatges que s’emetèron la cadena Betevé, un sus la ceremònia de remesa del prèmi en decembre passat a Barcelona, e un autre sus la Fondacion Musèu Etnologic dera Val d’Aran. A prepaus de la ceremònia de divendres passat, ne podètz veire un reportatge sul mèdia aranés Aué TV.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari