Actualitats
Los jornalistas alemands ajudarián pas a Facebook a verificar las informacions que publica
De jornalistas franceses an ajudat al ret social a verificar las informacions publicadas durant la campanha de la presidenciala
Mathias Döpfner, cap executiu del grop de mèdias alemands Axel Springer, a confirmat que son grop ajudarà pas Facebook a verificar de faches e d’informacions en tot soslinhar qu’a pas per tòca d’identificar de falsas nòvas. Segon lo Financial Times, Döpfner diguèt en març passat, dins son parladís per presentar los resultats de sa companhiá, que “los editors o las cadenas publicas cometrián una error grèva s’ajudavan los rets socials a resòlver lors problèmas de crèdit”, en tot verificar las informacions que publican. “Aquò es nos en demandar tròp, e es pas brica nòstra tòca”, çò precisèt.
Las declaracions de Döphner arribèron un mès après que Facebook aguèt anonciat un partenariat amb divèrses mèdias franceses coma Le Monde, Libération e l’AFP, dins l’encastre d’una iniciativa per verificar d’informacions e evitar de publicar d’informacions falsas durant la campanha de l’eleccion presidenciala que ven de se debanar.
D’un latz, los govèrns europèus cèrcan d’evitar l’enòrma quantitat d’informacions falsas publicadas sul ret social durant la campanha de la presidenciala als Estats Units, ont se diguèt quitament que lo papa Francés sosteniá Donald Trump. Mas de l’autre, l’iniciativa es polemica car fa trabalhar a gratis los jornalistas pel ret social de Mark Zuckerberg.
Ara, lo refús de Döpfer s’ajusta als de mai d’un mèdia alemand e, per tant, Facebook poirà pas portar en Alemanha lo trabalh que l’a fach en França durant lo periòde electoral. De tot biais, sembla que lo govèrn alemand creariá una unitat especiala per combatre las informacions falsas sus Internet, un fach que Döpfner critica. “Es una completa peguesa de pensar que la tòca del govèrn [alemand], a travèrs d’una mena de «ministèri de la vertat», siá de decidir quina informacion es cèrta e quina o es pas”, çò diguèt en tot precisar que “degun a pas drech de definir çò qu’es verai, e mens que degun lo govèrn”.
De son costat, lo ministèri de l’interior alemand a assegurat qu’a pas cap d’intencion de crear aquela unitat, mas que farà un seguiment sonhós de la campanha electorala e de las discussions a son entorn.
Las declaracions de Döphner arribèron un mès après que Facebook aguèt anonciat un partenariat amb divèrses mèdias franceses coma Le Monde, Libération e l’AFP, dins l’encastre d’una iniciativa per verificar d’informacions e evitar de publicar d’informacions falsas durant la campanha de l’eleccion presidenciala que ven de se debanar.
D’un latz, los govèrns europèus cèrcan d’evitar l’enòrma quantitat d’informacions falsas publicadas sul ret social durant la campanha de la presidenciala als Estats Units, ont se diguèt quitament que lo papa Francés sosteniá Donald Trump. Mas de l’autre, l’iniciativa es polemica car fa trabalhar a gratis los jornalistas pel ret social de Mark Zuckerberg.
Ara, lo refús de Döpfer s’ajusta als de mai d’un mèdia alemand e, per tant, Facebook poirà pas portar en Alemanha lo trabalh que l’a fach en França durant lo periòde electoral. De tot biais, sembla que lo govèrn alemand creariá una unitat especiala per combatre las informacions falsas sus Internet, un fach que Döpfner critica. “Es una completa peguesa de pensar que la tòca del govèrn [alemand], a travèrs d’una mena de «ministèri de la vertat», siá de decidir quina informacion es cèrta e quina o es pas”, çò diguèt en tot precisar que “degun a pas drech de definir çò qu’es verai, e mens que degun lo govèrn”.
De son costat, lo ministèri de l’interior alemand a assegurat qu’a pas cap d’intencion de crear aquela unitat, mas que farà un seguiment sonhós de la campanha electorala e de las discussions a son entorn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
aquelei jornalistas alemands an rason, facebook es un espaci de libertat e la libertat es una puta bornha, permete a egalitat la veritat o la messorga. Es a l'utilisator de desembulhar lo cabedèu, ço qu'ei verai e ço que l'ei pas e solet lo rasonament seguent l'exemple dei filosofes grecs o permete.seriá un complot de la CIA leis avions que s'escrachèron sus lei torres bessonas a Nova York amb de pilots venguts d'arabia saodita ? gaire probable.. coma leis intervencions supausadas dei servicis secrets russos dins leis eleccions francesas e americanas... l'intervencion dei jutges infeudats a Hollande es estada mai eficaça. nimai es pas a l'Estat de determinar ço qu'ei verai o ço qu'ei faus, se lo fai, es un regime totalitari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari