La presidenta del Parlament de Catalonha, Carme Forcadell, e la primièra secretària, Anna Simó, foguèron ententudas diluns passat un còp de mai en justícia. Son acusadas d’un delicte de desobesissença per aver permés que la cambra catalana debatèsse e votèsse las leis que menaràn lo país a l’independéncia, un debat parlamentari e un vòte que lo Tribunal Constitucional espanhòl aviá enebits. D’autres membres del burèu del Parlament, Ramona Barrufet, Joan Josep Nuet e Lluís Coromines, son tanben acusats e seràn entenduts pel jutge mai tard.
 
Coma se passèt ja en decembre passat a la primièra compareissença davant lo jutge, Forcadell e Simó percorreguèron los sèt cents mètres que i a del Parlament de Catalonha al palais de justícia acompanhadas de qualques centenats d’elegits, dont de membres del govèrn, de cònsols e de deputats, mentre que qualques milièrs de personas s’acampavan davant la Cort per mostrar lor sosten a Forcadell, jol lèma “democracia”.
 
Forcadell e Simó parlèron aperaquí 20 minutas caduna davant la jutgessa, Maria Eugènia Alegre, e puèi o expliquèron publicament dins una conferéncia de premsa. Mai d’un milièr de personas èran acampadas a l’exterior per sosténer las acusadas, qu’èran acompanhadas per un cortègi institucional ont i aviá lo president de la Generalitat, Carles Puigdemont.
 

Sempre al vostre costat, i endavant! Haver de respondre als jutjats les preguntes de la política és un senyal de feblesa democràtica. https://t.co/C1kJfQyLbE

— Carles Puigdemont (@KRLS) 8 de maig de 2017

 
Dins lo vidèo que seguís, podètz veire lo moment que Forcadell e Simó sortissián del palais de justícia.
 

 
 
Un dels elegits qu’acompanhavan Forcadell e Simó es la deputada aranesa Mireia Boya, qu’en de declaracions a Jornalet manifestava qu’“aué eth poder popular acompanhe ath burèu deth Parlament, jutjat per perméter eth debat deth referendum”. Dins aquel sens Boya soslinhava “qu’ei ara eth moment d’apiejar-le. Hem-lo. Que non mos le panen”.
 
 

Mai ens faran callar. S'hi posin com s'hi posin. Estem aquí. Tot el suport @ForcadellCarme@AnnaSimo@NUET Coro i Ramona pic.twitter.com/Zp4ALrFbxY

— Mireia Boya Busquet (@yeyaboya) 8 de maig de 2017

 
Solidaritat al Bascoat

De deputats del Parlament Basco faguèron cinc minutas de silenci en solidaritat amb lo burèu del Parlament de Catalonha.

 

Concentración de cinco minutos en solidaridad con la presidenta del Parlament de Catalunya.https://t.co/Lvqt8EIuR5pic.twitter.com/xnzDwJFkFd

— Eusko Legebiltzarra (@PVasco_EuskoL) 8 de maig de 2017