Actualitats
Nigèria celèbra la liberacion d’82 joventas raubadas per Boko Haram
Lo Fons de l’ÒNU per l’Enfança (UNICÈF) celebrèt dissabte passat la liberacion d’82 gojatas raubadas dempuèi tres ans pel grop terrorista Boko Haram, dins la vila nigeriana de Chibok.
La representanta adjoncha de l’UNICÈF en Nigèria, Pernille Ironside, a qualificat d’“encoratjant” lo fach que las menoras pòscan rescontrar lors familhas, mas a avertit del long e malaisit procès que significarà de tornar far lors vidas.
Ironside a explicat qu’UNICÈF es lèsta per sosténer las autoritats nigerianas per fornir d’assisténcia psicosociala o d’autres servicis especializats a las menoras.
Segon qualques informacions, demest las 276 mainadas que lo grop extremista raubèt dins la nuèch del 14 al 15 d’abril de 2014, mai de 100 son totjorn portadas desaparegudas.
Lo Fons de l’ÒNU a lausat lo prètzfach del govèrn de Nigèria per aquel important resultat, mas es totjorn present lo chepic pel sòrt dels milièrs de femnas que son totjorn presonièras de Boko Haram.
L’UNICÈF a sollicitat del grop jihadista de metre fin a sos abuses contra las menoras en Nigèria, mai que mai a la sequestracion d’enfants, a las violéncias sexualas e als maridatges forçats de las gojatas.
La cruseltat que patisson los enfants del nòrd-èst de Nigèria a las mans del grop jihadista Boko Haram es totjorn en plena activitat e causa d’estralhs. Vaquí la conclusion del primièr rapòrt del Secretari General de l’ÒNU sus enfants e conflictes armats consagrat a aquel país, qu’estúdia lo periòde 2013-2016.
Lo rapòrt soslinha l’impacte devastaire de la situacion umanitària e securitària deteriorada en Nigèria suls enfants d’aquel estat, e condemna del biais pus energic los continús abuses que ne son someses.
La representanta especiala de l’ÒNU pels enfants e los conflictes armats, Virginia Gamba, afirmèt que lo grop terrorista Boko Haram fasiá viure als menors “d’orrors indescriptibles”. Las atacas de Boko Haram an provocat almens 3900 mòrts d’enfants e mai de 7000 menors son estats mutilats pendent los assauts contra las comunautats o dins los afrontaments d’aquel grop amb las fòrças de seguretat.
Lo rapòrt exòrta a metre fin a totes los viòls e abuses contra los menors de Nigèria.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
La representanta adjoncha de l’UNICÈF en Nigèria, Pernille Ironside, a qualificat d’“encoratjant” lo fach que las menoras pòscan rescontrar lors familhas, mas a avertit del long e malaisit procès que significarà de tornar far lors vidas.
Ironside a explicat qu’UNICÈF es lèsta per sosténer las autoritats nigerianas per fornir d’assisténcia psicosociala o d’autres servicis especializats a las menoras.
Segon qualques informacions, demest las 276 mainadas que lo grop extremista raubèt dins la nuèch del 14 al 15 d’abril de 2014, mai de 100 son totjorn portadas desaparegudas.
Lo Fons de l’ÒNU a lausat lo prètzfach del govèrn de Nigèria per aquel important resultat, mas es totjorn present lo chepic pel sòrt dels milièrs de femnas que son totjorn presonièras de Boko Haram.
L’UNICÈF a sollicitat del grop jihadista de metre fin a sos abuses contra las menoras en Nigèria, mai que mai a la sequestracion d’enfants, a las violéncias sexualas e als maridatges forçats de las gojatas.
La cruseltat que patisson los enfants del nòrd-èst de Nigèria a las mans del grop jihadista Boko Haram es totjorn en plena activitat e causa d’estralhs. Vaquí la conclusion del primièr rapòrt del Secretari General de l’ÒNU sus enfants e conflictes armats consagrat a aquel país, qu’estúdia lo periòde 2013-2016.
Lo rapòrt soslinha l’impacte devastaire de la situacion umanitària e securitària deteriorada en Nigèria suls enfants d’aquel estat, e condemna del biais pus energic los continús abuses que ne son someses.
La representanta especiala de l’ÒNU pels enfants e los conflictes armats, Virginia Gamba, afirmèt que lo grop terrorista Boko Haram fasiá viure als menors “d’orrors indescriptibles”. Las atacas de Boko Haram an provocat almens 3900 mòrts d’enfants e mai de 7000 menors son estats mutilats pendent los assauts contra las comunautats o dins los afrontaments d’aquel grop amb las fòrças de seguretat.
Lo rapòrt exòrta a metre fin a totes los viòls e abuses contra los menors de Nigèria.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari