Actualitats
Manuel Valls seriá candidat a l’Assemblada francesa pel partit d’Emmanuel Macron
“Lo Partit Socialista es mòrt”, çò a dich l’èx-primièr ministre
L’èx-primièr ministre socialista, Manuel Valls, anoncièt ièr dimars de matin sa candidatura l’Assemblada francesa en nom de “la majoritat presidenciala”, es a dire, que farà partida del projècte politic del nòu president elegit de França, Emmanuel Macron. Pasmens, son investidura a las eleccions legislativas es pas encara estada confirmada pel nòu partit presidencial La Republica en Marcha.
Dins una entrevista a la ràdio RTL, l’èx-socialista diguèt que s’èra inscrich a La Republica en Marcha. Lo politician justifiquèt son cambiament de partit en disent que per el “lo Partit Socialista es mòrt”. Pasmens, assegurèt que sas valors èran las meteissas.
De tot biais, La Republica en Marcha indica qu'una candidata es ja designada dins la circonscripcion de Manuel Valls, çò publica L'Obs.
Valls se presentèt a la primària socialista per èsser candidat a l’Elisi, mas perdèt davant un candidat mai esquerrista, Benoît Hamon, e s’engatgèt a lo sosténer. Pr'aquò, pel primièr torn de la presidenciala, Valls anoncièt son vòte per Macron.
Dins una entrevista a la ràdio RTL, l’èx-socialista diguèt que s’èra inscrich a La Republica en Marcha. Lo politician justifiquèt son cambiament de partit en disent que per el “lo Partit Socialista es mòrt”. Pasmens, assegurèt que sas valors èran las meteissas.
De tot biais, La Republica en Marcha indica qu'una candidata es ja designada dins la circonscripcion de Manuel Valls, çò publica L'Obs.
Valls se presentèt a la primària socialista per èsser candidat a l’Elisi, mas perdèt davant un candidat mai esquerrista, Benoît Hamon, e s’engatgèt a lo sosténer. Pr'aquò, pel primièr torn de la presidenciala, Valls anoncièt son vòte per Macron.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adieu Manelet ! Esperi veiret pas pus.
Me damne, òm pòt pas dire que siague la dignitat o la fiertat que l'escanan aquel ! A la cort de Loïs 14, lo bon Jean De La Bruyère se'n congostava jà d'aquèlas bassèssas, traïsons, reviradas de vèsta e autres caponitges dels cortesans infantilizats. Totjorn la mèsma mascarada, uèi, a la cort parisenca de l'Elysée. Vos parlan d'ideals grands e de convictions politicas, per aprèp, tota vergonha beguda, s'anar mendigar un "poste" a l'ancian rival ara vengut sobeiran ! Tsss...Ne vòls, tu, de respièch ?
Un autre jarri que quitta una autra nau.
çò mai comic : a las darrièras novèlas Valls auriá fach son anóncia sens aver prevengut En Marche ! . E seriá tròp tardièr per el de se presentar jos aquesta etiqueta.
'Fin, sai pas vos, mas tròbi que lo Valls es un piètre politicard.
Quand se vèi qu'era vielha sauma qu'ei morta, eras moscas cambien d'ase !
Aqueth moscalhon qu'ei un professionau dera politica, non a hèt arren d'aute en tota era sua vita.
Ara qu'era sua "enterpresa" qu'ei a punt de barrar, que li cau guanhar eth pan de cada dia damb un aute patron !!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari