Actualitats
Aumenta lo nombre de refugiats naufragats mòrts en mar Mediterranèa
Aquesta dimenjada, Proactiva Open Arms menava a bon tèrme son salvament pus grand en mar Mediterranèa. Pasmens, mai de 1300 refugiats naufragats son mòrts dempuèi lo començament de l’annada
Dissabte passat, mentre que qualques milions d’occitans preparavan lors bilhetas de vòte en favor d’un partit que lor prometiá lo barrament de las frontièras, l’ONG catalana Proactiva Open Arms menava a bon tèrme son salvament pus grand en mar Mediterranèa. Lo vaissèl de l’ONG rescontrèt qualques batèls subrecargats de refugiats qu’aurián volgut arribar a las còstas d’Itàlia. Après 20 oras de trabalh, èran montadas sul vaissèl de l’ONG mai de 500 personas, en despassant la capacitat de la nau, mas encara lor mancava d’espaci per salvar mai de la mitat de las personas. O explicava a TV3 lo responsable de l’organizacion Òscar Camps:
“Èran quatre barcassas de fusta e nòu batèls pneumatics, saique i aviá 2000 personas que flotavan, cadun devèrs son costat. La situacion èra contra la mòstra car la mar èra cada còp pièger”.
Capitèron de salvar solament 514 personas. S’agís de la chifra pus granda de refugiats qu’aviá jamai secorreguda un vaissèl de Proactiva Open Arms. Arribèron en Itàlia diluns ont la gàrdia costièra italiana e los Mètges sens Frontièras aculhiguèron los secorreguts mentre que lo vaissèl tornava davant las còstas de Libia, per ensajar de salvar tant de mond coma poirián.
Mai de 1300 refugiats mòrts ongan en mar Mediterranèa
Segon las donadas del Naut Comissariat de las Nacions Unidas pels Refugiats (NACNUR), son mai de 1300 las personas refugiadas o immigrantas que se son negadas dins las aigas de la mar Mediterranèa en temptant d’arribar en Euròpa. Aquelas donadas incluson los aperaquí 200 mòrts d’aquesta dimenjada passada, que la còla de Proactiva Open Arms a pas reüssit a salvar.
Dins un comunicat, lo mai naut responsable del NACNUR, Filippo Grandi, defendèt dimenge passat que “salvar de vidas deu èsser la prioritat màger per totes”. Dins aquel sens, e “en vista del recent aument de las arribadas”, Grandi sollicitèt “de far mai d’esfòrces per secórrer de personas sus aquela perilhosa rota”.
“Aquò es un afar de vida o mòrt qu’apèla nòstre sens pus basic d’umanitat, e se deuriá pas metre en question”, çò precisèt en saludant las organizacions umanitàrias qu’en 2016 salvèron 46 000 personas. Segon Grandi, aquelas ONG salvèron l’an passat lo 26% del total dels refugiats naufragats, e lo 33% dempuèi lo començament de l’annada.
“Èran quatre barcassas de fusta e nòu batèls pneumatics, saique i aviá 2000 personas que flotavan, cadun devèrs son costat. La situacion èra contra la mòstra car la mar èra cada còp pièger”.
Capitèron de salvar solament 514 personas. S’agís de la chifra pus granda de refugiats qu’aviá jamai secorreguda un vaissèl de Proactiva Open Arms. Arribèron en Itàlia diluns ont la gàrdia costièra italiana e los Mètges sens Frontièras aculhiguèron los secorreguts mentre que lo vaissèl tornava davant las còstas de Libia, per ensajar de salvar tant de mond coma poirián.
Mai de 1300 refugiats mòrts ongan en mar Mediterranèa
Segon las donadas del Naut Comissariat de las Nacions Unidas pels Refugiats (NACNUR), son mai de 1300 las personas refugiadas o immigrantas que se son negadas dins las aigas de la mar Mediterranèa en temptant d’arribar en Euròpa. Aquelas donadas incluson los aperaquí 200 mòrts d’aquesta dimenjada passada, que la còla de Proactiva Open Arms a pas reüssit a salvar.
Dins un comunicat, lo mai naut responsable del NACNUR, Filippo Grandi, defendèt dimenge passat que “salvar de vidas deu èsser la prioritat màger per totes”. Dins aquel sens, e “en vista del recent aument de las arribadas”, Grandi sollicitèt “de far mai d’esfòrces per secórrer de personas sus aquela perilhosa rota”.
“Aquò es un afar de vida o mòrt qu’apèla nòstre sens pus basic d’umanitat, e se deuriá pas metre en question”, çò precisèt en saludant las organizacions umanitàrias qu’en 2016 salvèron 46 000 personas. Segon Grandi, aquelas ONG salvèron l’an passat lo 26% del total dels refugiats naufragats, e lo 33% dempuèi lo començament de l’annada.
#ESTAPASANDO 500 personas a bordo rescatadas de morir ahogadas. Al límite de nuestra capacidad. Situación dramática #Med ¿Europa estás ahí ? pic.twitter.com/7b7jce4dxj
— PROACTIVA OPEN ARMS (@openarms_fund) 6 de maig de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 "Òm fai çò qu'òm pòt, mas i-a lo biais." Jacques Brel
#2 se compreni ben, una sola opinion es permessa de se felicitar d'aculhir ço que lo paure Rocard apelava" tota la misèria dau monde", de ne reclamar encara ben mai, que n'i a ges d'autra alternativa e que se te li opauses merites una bona rosta amb la preson e l'indignitat internacionala; e sensa dobte pus marit encara se critiques una religion l'islam
#1 Cercar lo baston per si faire picar. Un chale d'extra-terrestre de Sirius ?
se volèm sauvar de vidas, lo pus simple seriá que l'europa defendèsse sei frontieras: que lei veissèus de guerra dei diferènts estats reculhèsson lei migrants e leis entornèsson d'onte venon en Libia, au Marroc o alhors, mai manca la volontat politica e contunhia la grossa substitucion d'una populacion ,europenca per una autra e seriá pas tant grèu se n'i aviá pas aquesta majoritat de musulmans que feniràn per faire d'una obra de ficcion "soumission" de Houellebecq un capitol de l'istoria de nostre continent
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari