Actualitats
Los Estats Units liuraràn d’armas als curds de Rojava, malgrat l’oposicion de Turquia
La tòca es de lor ajudar a conquistar la vila de Raqqa, la capitala de l’autoproclamat Estat Islamic. Erdoğan se gandirà a Washington aquesta setmana
Lo Pentagòn anoncièt ièr que lo govèrn dels Estats Units liurariá d'armas e de sosten tecnic als curds de Rojava, per lor ajudar a conquistar la capitala de l’autoproclamat Estat Islamic, Raqqa. Amb aquela decision sens precedents, los Estats Units s’afrontan dirèctament a Turquia, que considèra que las fòrças militaras dels curds de Siria, las YPG, fan partida del PKK; aqueste lucha per la creacion d’un estat curd en Curdistan tot, çò es que pertòque los estats turc, sirian, iraquian e iranian. De remembrar qu’en agost passat, Turquia intrèt dins l’estat sirian amb lo pretèxt de combatre l’EI, mas sa tòca èra d’arrestar la creissença del territòri contrarotlat pels curds.
En contrapartida de la conquista de Raqqa, que restariá a las mans dels arabis locals e non pas dels curds, las fòrças curdas demandan la consolidacion institucionala de la region de Rojava, valent a dire la partida de Curdistan que tòca l’estat sirian, e la dobertura d’un corredor economic que ligue son territòri autonòm amb la mar Mediterranèa. Aital evitarián los problèmas derivats del vèto de Turquia sus lors activitats comercialas. Aquel corredor seriá encara pus important davant la possibilitat que lo Curdistan iraquian convòque un referendum d’independéncia. A l’ora d’ara, lo tròç de Curdistan mai pròche de la mar se tròba a cent quilomètres de la còsta mediterranèa.
Fins ara, los Estats Units avián donat un supòrt indirècte a las fòrças curdas, que luchan contra l’EI. Se coneissiá la preséncia estatsunidenca e la liurason de qualques armas, mas aquò se fasiá per mejan de la Coalicion Aràbia Siriana, amb la quala los curds combaton los jihadistas. Mas ara, amb lo nòu òrdre signat pel president Trump, los Estats Units poiràn liurar d'armas e d’informacion d’intelligéncia dirèctament a las YPG. Lo quite Trump explicarà la portada d’aquel gèst al president turc Recep Tayyip Erdoğan, que se gandirà a Washington aquesta setmana. Per apaisar l’oposicion del govèrn turc, los Estats Units an ja dich que balharàn als combatents curds “solament las armas necessàrias per afrontar amb succès la batalha de Raqqa”.
En contrapartida de la conquista de Raqqa, que restariá a las mans dels arabis locals e non pas dels curds, las fòrças curdas demandan la consolidacion institucionala de la region de Rojava, valent a dire la partida de Curdistan que tòca l’estat sirian, e la dobertura d’un corredor economic que ligue son territòri autonòm amb la mar Mediterranèa. Aital evitarián los problèmas derivats del vèto de Turquia sus lors activitats comercialas. Aquel corredor seriá encara pus important davant la possibilitat que lo Curdistan iraquian convòque un referendum d’independéncia. A l’ora d’ara, lo tròç de Curdistan mai pròche de la mar se tròba a cent quilomètres de la còsta mediterranèa.
Fins ara, los Estats Units avián donat un supòrt indirècte a las fòrças curdas, que luchan contra l’EI. Se coneissiá la preséncia estatsunidenca e la liurason de qualques armas, mas aquò se fasiá per mejan de la Coalicion Aràbia Siriana, amb la quala los curds combaton los jihadistas. Mas ara, amb lo nòu òrdre signat pel president Trump, los Estats Units poiràn liurar d'armas e d’informacion d’intelligéncia dirèctament a las YPG. Lo quite Trump explicarà la portada d’aquel gèst al president turc Recep Tayyip Erdoğan, que se gandirà a Washington aquesta setmana. Per apaisar l’oposicion del govèrn turc, los Estats Units an ja dich que balharàn als combatents curds “solament las armas necessàrias per afrontar amb succès la batalha de Raqqa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Melhor que los eeuu respecten lo govern d'Alassat i pus.
De tout cor emé nosti fraire Curd countro Daesh e l'infame Sultan mErdogan 1.
Soun la 1èro emparo countro la tiranìo.
Pamens, l'avèn vist lou 06/04 emé lou boumbardamen etasunian de la baso aeriano siriano de Al-Chayrat e li"errour de frapo" countro civièu e militàri dins lou Nord de Sirìo e d'Iraq, lisestat-Unis versioun Trump valoun gaire meiour que dèu tèms de Bush o d'Obama.
Pactison emé e ajudon quouro li Kurds, quouro la Turquìo (que jogo elo-memo double-joc), quouro li soustèn (tras que proche) de Daesh. I'a pas forçoà espera d'uno subre-poudènci belicisto e sens ounour.
Un còp mai , touto mi pensado accoumpagnon li camarade Curd de Sirò, d'Iraq, de Turquìo mai tambènd'Iran).
felicitèm Trump e leis estats units d'armar lei curdes que representan dins aquelei pais lo progrès, la tolerança, la libertat e son à la poncha de la lucha contra lo fondamentalisme islamic e metèm en scena una peça de teatre de Brecht "lei fusius de la maire Carrar" que tracta d'aquesta problematica
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari