Actualitats
Manuel Valls fa lo mèl dels rets socials
Umiliat pel partit de Macron e menaçat d’exclusion del Partit Socialista, l’èx-primièr ministre francés es ara subjècte de mòda sus Twitter
L’èx-primièr ministre socialista francés, Manuel Valls, se tròba ara pres entre dos fuòcs. Dimars passat, anonciava sa candidatura amb La Republica en Marcha, mas lo partit del nòu president elegit Emmanuel Macron a refusat de l’acceptar, en estimant que lo movement “a pas vocacion a reciclar” los òmes politics. En mai d’aquò, lo Partit Socialista, que n’es membre dempuèi 1980, a lançat contra el una “procedura”.
Los messatges sus Twitter que fan d’umor del malaise de Valls se multiplican e son de mai en mai creatius. Una de las etiquetas pus emplegadas es #VallsEnMarcheVersPôleEmploi.
#vallsenmarcheverspoleemploi tuits
Los messatges sus Twitter que fan d’umor del malaise de Valls se multiplican e son de mai en mai creatius. Una de las etiquetas pus emplegadas es #VallsEnMarcheVersPôleEmploi.
#vallsenmarcheverspoleemploi tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí un que coneis plan la Valls esitacion.
(Èra tròp facila per la far pas!)
Aquò qu'es plan amb los exemples de renegaments/traïsons/viraments de vèsta dels Valls o Kouchner es que nos revèlan l'èime prigond dels politicians franceses. Politicians infantilizats dins lo tropism cortesan de la cort parisenca qu'es pas qu'un amplificator dels deliris narcissics e megalomans de certs.
Aqueles pesolh-revenguts qu'un dels rèires de Joan Bodon batejèt dau nom de Rastignac. Lo parisenc ispano-soïsse Valls (Hispano-Suiza, una polida veitura "so glamour" de l'entre-doas-guèrra !) n'es un especimen tras que caricatural, demèst maites parisencs e aparisenquits qu'an aquel pantais patetic d'èsser un jorn rei-president de la republica francimanda de Paris. Per que far ? Per èsser lo rei ! Ah???
P.S. Lo valls risca pas de puntejar a Pôle Emploi, vist que son salari d'ex-menistre ( amb totis avantatges e privilègis) l'aurà fins a la fin de sa vida. A pus gaire besonh de trabalhar ( s'òm pòt qualificar la politica de "trabalh"...), sa sola nafradura serà narcissica e sustot pas economica.
P.P.S. D'aquel temps, Occitània es totjorn ocupada, estrocejada en un trentenat de departaments "franceses" directament plaçats jos admenestracion parisiano-jacobina. E es pas prèp d'èsser remes en question per la parisencalha politica, que siague de drecha o d'esquèrra. Busisness as usual....
ara, esperèm la seguida que Valls ven de portar l'estocada au partit socialista. es probable que Macron-.Maquiavel nomarà un primier ministre de drecha e aquo serà fatau per lei republicans; lo tipe es a la bona escola, aquela d'un secretàri de partit expert de cops bistorts que capitan ben dins una seccion departamentala socialista, pas tan ben dins lo govèrn d'un estat, se non i a d'autras qualitats. Macron, a l'enversa de son mentor, ei pas moligàs, puslèu autoritari evaqui una bona premissa -per eu, belèu pas per ieu que sus força punts divergi d'eu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari