Actualitats
Montpelhièr: mai d’un centenat de policièrs per expulsar los 21 esqüataires del cinèma Royal
L’expulsion se faguèt tranquillament, mas puèi i aguèt de tensions sus la Plaça de la Comèdia, e arrestèron 17 personas
Un dispositiu exagerat e impressionant se mobilizèt dijòus passat a Montpelhièr per expulsar los 21 esqüataires del cinèma Royal: cent policièrs, doas companhiás de CRS, 15 furgons e un carri, en preséncia dels pompièrs.
L’expulsion se debanèt amb calma. Mas puèi, devèrs 7h, i aguèt de tensions sus la plaça de la Comèdia, quand los policièrs comencèron de demandar las cartas d’identitat dels acampats que sostenián los esqüataires, e arrestèron 17 personas, çò rapòrta France 3.
La justícia aviá donat la rason als esqüataires
Barrat en genièr de 2015, los proprietaris d’aquel cinèma avián l’èime de lo transformar en immòble d’apartaments, dins l’encastre d’un projècte immobilièr qu’intrava dins la renovacion de la Carrièra de Bossairòlas, tot près de la Plaça de la Comèdia, en plen centre de Monpelhièr. Mas per o poder far, lor caliá fòrabandir los ocupants del sit, e per aquela rason faguèron apèl a la justícia lo 2 d’agost passat. La justícia alavetz donèt la rason als esqüataires. Mas los proprietaris engatgèron una procedura d’expulsion, e la justícia cambièt son verdicte en març passat en defendent alavetz lo “drech de proprietat” e en ne decretant l’expulsion. Pasmens, an retardat l’expulsion en rason del periòde electoral.
L’esqüat èra un espaci alternatiu de cultura e reflexion
L’esqüat aviá tornat reviscolar lo pus vièlh ecran de Montpelhièr en venent un espaci alternatiu de cultura e de reflexion dobèrt a totes. I an projectat de filmes de contengut social e de documentaris... e quitament i avián fach un concèrt de cant polifonic occitan en amassant dos centenats de personas.
L’expulsion se debanèt amb calma. Mas puèi, devèrs 7h, i aguèt de tensions sus la plaça de la Comèdia, quand los policièrs comencèron de demandar las cartas d’identitat dels acampats que sostenián los esqüataires, e arrestèron 17 personas, çò rapòrta France 3.
La justícia aviá donat la rason als esqüataires
Barrat en genièr de 2015, los proprietaris d’aquel cinèma avián l’èime de lo transformar en immòble d’apartaments, dins l’encastre d’un projècte immobilièr qu’intrava dins la renovacion de la Carrièra de Bossairòlas, tot près de la Plaça de la Comèdia, en plen centre de Monpelhièr. Mas per o poder far, lor caliá fòrabandir los ocupants del sit, e per aquela rason faguèron apèl a la justícia lo 2 d’agost passat. La justícia alavetz donèt la rason als esqüataires. Mas los proprietaris engatgèron una procedura d’expulsion, e la justícia cambièt son verdicte en març passat en defendent alavetz lo “drech de proprietat” e en ne decretant l’expulsion. Pasmens, an retardat l’expulsion en rason del periòde electoral.
L’esqüat èra un espaci alternatiu de cultura e reflexion
L’esqüat aviá tornat reviscolar lo pus vièlh ecran de Montpelhièr en venent un espaci alternatiu de cultura e de reflexion dobèrt a totes. I an projectat de filmes de contengut social e de documentaris... e quitament i avián fach un concèrt de cant polifonic occitan en amassant dos centenats de personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 Disi dels esqüataires parisencs del Royal que " Participan tan coma los autres colons francimands a la colonizacion d'Occitània volguda e organizada per l'estat parisencs. Ne son l'autra fàcia, coma lo curat èra l'autra fàcia de la colonizacion armada contra los indians. " Es pas clar aquò ?
Contrariament a çò que fas mina de pas comprene, òc que guli a l'encòp contra "los autres colons francimands" ont mèti los promotors parisencs, los presentators del JT aparisenquits, los bobos parisencs e-c-a.... e tanben contra sos enfants que se fan plaser en jogant als esqüataires, e que son l'autra fàcia d'aquesta colonizacion parisencassa que patissem. Capito ?
Ai pas res contra lo fach d'ocupar un ostal vuège, d'autant mai que soi pas proprietari ! Mas n'ai mon cofle d'aquesta colonizacion parisenca que considera tanben qu'Occitània tota es un ostal vuège qu'a mestièr d'èsser poblada e ensenhada per Paris. Exactament coma l'es lo Tibet colonizat en massa per de chineses installats per Pekin que nègan e escafan l'identitat tibetenca. Emai se dins los colons i-a de mond simpatics son de colons e participan a la negacion e l'escafament de la lenga e de la cultura tibetenca. Coma al nòstre.
Al Tibet tanben dèu n'i aver de filhs de colons chineses que se fòtan pas mal de l'identitat tibetenca e que jògan als esqüataires contestataris dins de vilas tibetencas que considèran d'a fons coma de vilas chinèsas. Exactament coma o-fai lo poder chines. E dins aquelas vilas tibetencas lo presentator tele parla chinès exactament coma los esqüataires filhs de colons, e es en fach pas qu'un afar de chineses. E quid dels tibetencs ? E ben, justament,a l'encòp pel poder chines e pels contestataires esqüataires filhs de colons chineses , los tibetencs existissan pas, son pas que de chineses "del sud". Plan segur nècis e arrierats.
#9 A Tolosa, qu'avem tanben la CREA http://creatoulouse.squat.net/sample-page/
Los "hilhs de bonas familhas aparisenquits" que s'i barrejan dab los refugiats d'Africa o d'ahors e lo lor but n'ei pas de mespresar l@s occitan(a)s. Qu'i joguèm dab lo men grop de musica (en occitan) e qu'estom hèra plan arcuelhuts.
Que pensi la linha de demarcacion ideologica aquiu qu'ei de saber s'ei legitim o pas d'ocupar un bastiment dont n'avem pas lo tìtol de proprietat. De saber s'ei legitim o pas de deishar un ostau vuèit tà especular sus la soa valor futura.
La question de l'occitanitat (o pas) deus esquataires qu'ei segondària : que'us ac reprochatz per'mor ne vs'agrada pas la loa accion (m'ei avìs...) mes perqué ne gulatz pas contra la presentatora deu JT qui a l'accent de la telé de Parìs tanben?
Lavetz que'vs torni pausar la question :
E si los promotors qui vòlen har immòbles de luxe e espudir los praubes deus centre-vilas an l'accent ponchut tanben, qué diseratz en comentaris?
Per'mor qu'ei hòrt probable que sia lo cas !
Atau com cèrtes comunistas s'empachan de véder autes conflictes que los de classas (qu'èm proletaris o borgés), que pensi que cèrtes occitanistas s'empachan de véder autes conflictes que los de nacions (qu'èm occitans o francés).
#9 Ok, los esquataires, ne'us trobàvatz pas simpatics. OK. Qu'esperi que'vs enteneratzmiélher dab los promotors e los borgés qui van lotjar a la plaça.
Qui sap? Lheu an l'accent "qui canta"...
#8 Ta sollicituda fai plaser, amic. Unas pichòtas precisions pasmens : ai agut mai d'un còp l'escasença de crosar los esqüataires del ciné Royal a Montpelhièr. Te rasseguri : son pas de refugiats o de cocha-vestits aclapats de misèria. Son de filhs de borgeses parisencs e aparisenquits que perlòngan lor crisi d'adolescència en provocant la flicalha.
Torna-gaita la videò : dins aqueles filhs e filhas de bobos encarnavalats pas un sol crèba-la-fam, mas de besuquets parla-ponchuts que s'encreisan en jogant a la revòlta de farlabica.
Vivan dins una vila occitana qu'es per eles "unn' vill' du suuuud d'la Frônç" e se privan pas de se trufar de l'accent occitan dels "locaux", pòs me'n creire !
Coma la majoritat dels alternatius que passèjan per Occitània, son portaires d'un imperialism cultural e linguistic parisenc que se ditz "universal" e que s'exprimis atal : òm pòt n'aver que consideracion s'avètz l'accent ponchut e nòble dels francimands, e pas que mespres e trufaria s'avètz l'accent "plouc, marrant et ringard" dels occitans. Racisma de classa e de colons jos la facia simpatica de Canal+ , NRJ e mouv'ment alternatif made in Paris.
Participan tan coma los autres colons francimands a la colonizacion d'Occitània volguda e organizada per l'estat parisencs. Ne son l'autra fàcia, coma lo curat èra l'autra fàcia de la colonizacion armada contra los indians.
Lo monde dens los esquats que son çò qui son, que'us poderetz trobar defauts si'n coneishèvatz mes criticar atau monde qui coneishem per çò qui'n disen la telé e lo jornal... Si n'i avè pas l'obsession inerenta au noste moviment de "qui ei occitan e qui ne n'ei pas" , que's crederem suus comentaris deu Figaro aquiu!
Que i a monde per carrèras e que i a ostaus vuèits. E ua persona per carrèras qu'ei ua persona en dangèr.
Quand ua persona hè quauqu'arren de plan a noste com essajar de lotjar monde qui n'an besonh (i comprés sé-mèma), la question qui's cau pausa, pensi pas que sia "a l'accent ponchut o pas?"!
E si los promotors qui vòlen har immòbles de luxe e espudir los praubes deus centre-vilas an l'accent ponchut tanben, qué diseratz en comentaris?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari