Actualitats
Narbona: dijòus que ven, Jornalet festejarà son cinquen anniversari amb lo Ministeri del Riddim
L’Ostal Occitan de Narbona aculhirà un rescontre del mèdia amb los legeires e los curioses en preséncia de son redactor en cap, e un concèrt de la banda tolosana de Rub a dub
L’Ostal Occitan de Narbona aculhirà dijòus que ven la quatrena “assemblada dels legeires de Jornalet” d’ongan dins l’encastre de la celebracion dels cinc ans d’aqueste mèdia, nascut lo 31 de març de 2012.
Se tracta d’una reünion dobèrta ont lo redactor en cap d’aqueste jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participen a l’assemblada. La tòca es de metre en comun d’idèas e d’avises e de marcar la linha de seguir. A la fin, se tendrà una serada anniversari animada pel Ministeri del Riddim, la banda tolosana de Rub a dub.
Tota una annada de celebracions
Ongan, la còla de Jornalet vòl plan festejar son cinquen anniversari. Per ansin, avèm previstas divèrsas assembladas de legeires de Jornalet a travèrs d'Occitània tota per tal de nos rescontrar, conversar, nos conéisser personalament, amassar d’idèas, de suggestions, de proposicions de melhorament e tot çò que caldrà per far en sòrta que Jornalet siá un jornal de totes e per totes.
Sèm conscients que lo prètzfach es grand e que las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
E puèi a Besièrs
La primièra assemblada de legeires de Jornalet d’ongan se tenguèt a Carcassona l’8 de febrièr passat, puèi lo 24 de març a Marselha e lo 27 d’abril a Barcelona, ont se presentèt lo modèl de lenga del jornal e l’elaboracion de son libre d’estil.
Seguiràn de reünions e presentacions a Besièrs, lo 26 de junh que ven, al CIRDÒC.
En fin, lo 1r de julhet, se tendrà a Barcelona una fèsta occitana amb un balèti occitan menat per Kaj Tiel Plu, e un concertàs de Goulamas-K. Per aquela fèsta i a en marcha una campanha de microfinançament.
Convidatz-nos a venir en çò vòstre
En mai d’aquò, voldriam èsser presents per Occitània tota, de Medoc a Ròia e d’Aran a Borbonés. Fasèm doncas una crida a totes los que vòlgan organizar una assemblada de legeires de Jornalet. Solament cal organizar un rescontre, e s’es possible amb una velhada, e nos ofrir un lièch per dormir una nuèch. Escrivètz a info(a)jornalet.com e nos metrem d’acòrdi pel luòc e la data.
Anniversari de Jornalet
Dijòus 18 de mai 2017
— 18h30 Assemblada dels legeires de Jornalet
— 21h00 Concèrt de Ministeri del Riddim
Repais sus plaça
Entrada liura
Ostal Occitan de Narbona
31, Carrièra de Joan Jaurés
Editorial del 1r de genièr: 2017: tota una annada per festejar lo cinquen anniversari de Jornalet.
Se tracta d’una reünion dobèrta ont lo redactor en cap d’aqueste jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participen a l’assemblada. La tòca es de metre en comun d’idèas e d’avises e de marcar la linha de seguir. A la fin, se tendrà una serada anniversari animada pel Ministeri del Riddim, la banda tolosana de Rub a dub.
Tota una annada de celebracions
Ongan, la còla de Jornalet vòl plan festejar son cinquen anniversari. Per ansin, avèm previstas divèrsas assembladas de legeires de Jornalet a travèrs d'Occitània tota per tal de nos rescontrar, conversar, nos conéisser personalament, amassar d’idèas, de suggestions, de proposicions de melhorament e tot çò que caldrà per far en sòrta que Jornalet siá un jornal de totes e per totes.
Sèm conscients que lo prètzfach es grand e que las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
E puèi a Besièrs
La primièra assemblada de legeires de Jornalet d’ongan se tenguèt a Carcassona l’8 de febrièr passat, puèi lo 24 de març a Marselha e lo 27 d’abril a Barcelona, ont se presentèt lo modèl de lenga del jornal e l’elaboracion de son libre d’estil.
Seguiràn de reünions e presentacions a Besièrs, lo 26 de junh que ven, al CIRDÒC.
En fin, lo 1r de julhet, se tendrà a Barcelona una fèsta occitana amb un balèti occitan menat per Kaj Tiel Plu, e un concertàs de Goulamas-K. Per aquela fèsta i a en marcha una campanha de microfinançament.
Convidatz-nos a venir en çò vòstre
En mai d’aquò, voldriam èsser presents per Occitània tota, de Medoc a Ròia e d’Aran a Borbonés. Fasèm doncas una crida a totes los que vòlgan organizar una assemblada de legeires de Jornalet. Solament cal organizar un rescontre, e s’es possible amb una velhada, e nos ofrir un lièch per dormir una nuèch. Escrivètz a info(a)jornalet.com e nos metrem d’acòrdi pel luòc e la data.
Anniversari de Jornalet
Dijòus 18 de mai 2017
— 18h30 Assemblada dels legeires de Jornalet
— 21h00 Concèrt de Ministeri del Riddim
Repais sus plaça
Entrada liura
Ostal Occitan de Narbona
31, Carrièra de Joan Jaurés
Editorial del 1r de genièr: 2017: tota una annada per festejar lo cinquen anniversari de Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabi pas quants espais hi ha coma Jornalet per poder parlar aisidament. Mas J. és un amic occitan necessari que cal haver aprop, e donar a conèisser. Familiar e a la vegada qu' es pot comprene per tots los paisos ont es parlan lengas que venen del latin. Coma l'esperanto de las lengas latinas. Açò a molta importància, qu'un castelan, un francès , un italian, los portuguesses,...... ens pugan seguir i comprene facilament.
De Narbona a Tolosa, de Barcelona a Marselha, visca lo Jornalet, i serei amb lo "Ministèri" i aurà lo fuòc coma de costuma...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari