Actualitats
Rugbi de XIII: Lesinhan-Carcassona e Limós-Dragonets en mièja finala del campionat
Aquesta dimenjada, las competicions eliminatòrias èran al programa: en Cup o dins los divèrses campionats
Alan Roch
Pas de suspresa en campionat
Los dos afrontaments de las partidas de barratge del campionat d’Elèit 1 correspondon a la logica del classament. Carcassona, en batent 34-12 Avinhon, tornarà trapar Lesinhan sus son camin, mas aqueste còp la partida se tendrà al Molin lo dimenge 28 de mai. A Sant Estève, los Dragonets dominan Albi 54-22 e aniràn desfisar Limós lo dissabte 27 de mai.
En Elèit 2, las mièjas finalas opausaràn Bao e Carpentràs, d’una part, e Vilafranca de Roergue e Ferrals de las Corbièras, d’autra part.
Las mièjas finalas dels juniors-Elèit veiràn las oposicions: Albi-Sant Estève/XIII Catalan e Avinhon-Carcassona.
Las finalas dels tres campionats son programadas lo dissabte 3 de junh a Narbona dins una granda jornada dedicada al XIII.
Cup: los Dragons fan de figuracion
Pels ueitens de la Cup, los Dragons se presentèron a Hull FC sens dotze titularis e la sancion foguèt a la nautor: 62-0. Los responsables catalans an fait la causida d’aver los jogaires al melhor pels tres afrontaments avenidors que determinaràn se los Sang e Aur poiràn integrar las 8 primièras plaças o se traparàn condemnats a jogar dins lo grop de qualificacion per la Superliga 2018: rescontre dimenge a Newcastle contra Huddersfield dins l’encastre de la Dimenjada Magica; puèi, partida a Salford lo divendres 26 e recepcion d’Hull FC a Brutus, lo diluns 29 (per un còp, partida de nuèit: a 8 oras).
Los qualificats pels quarts de la Cup son los autres venceires de las partidas entre formacions de Superliga: Warrington (34-20, contra Widnes), Castleford (53-10, contra Saint Helens) e tanben Wakefield (54-6, contra Dewsbury), Salford (24-14, contra Hull KR), Wigan (42-12, contra Swinton), Leeds (72-10, contra Barrow). La sola formacion qualificada de l’escalon inferior (Championship) es Featherstone (24-12 contra Halifax).
Un Championship que veirà lo Tolosa Olimpic reçaupre las Aglas de Sheffield aqueste dissabte 20 de mai en fin de vèspre a Blanhac.
Austràlia: la tempèsta de Melbourne mena lo balèti
En Austràlia, alara que las datas de las partidas entre Estats d’Origina se sarran (primièr rescontre: lo 31 de mai), la Tempèsta de Melbourne demòra cap de fila de la competicion NRL, malgrat la desfaita sus lor pelena 38-36 contra los Titans de la Costièra Daurada.
Alan Roch
Los dos afrontaments de las partidas de barratge del campionat d’Elèit 1 correspondon a la logica del classament. Carcassona, en batent 34-12 Avinhon, tornarà trapar Lesinhan sus son camin, mas aqueste còp la partida se tendrà al Molin lo dimenge 28 de mai. A Sant Estève, los Dragonets dominan Albi 54-22 e aniràn desfisar Limós lo dissabte 27 de mai.
En Elèit 2, las mièjas finalas opausaràn Bao e Carpentràs, d’una part, e Vilafranca de Roergue e Ferrals de las Corbièras, d’autra part.
Las mièjas finalas dels juniors-Elèit veiràn las oposicions: Albi-Sant Estève/XIII Catalan e Avinhon-Carcassona.
Las finalas dels tres campionats son programadas lo dissabte 3 de junh a Narbona dins una granda jornada dedicada al XIII.
Cup: los Dragons fan de figuracion
Pels ueitens de la Cup, los Dragons se presentèron a Hull FC sens dotze titularis e la sancion foguèt a la nautor: 62-0. Los responsables catalans an fait la causida d’aver los jogaires al melhor pels tres afrontaments avenidors que determinaràn se los Sang e Aur poiràn integrar las 8 primièras plaças o se traparàn condemnats a jogar dins lo grop de qualificacion per la Superliga 2018: rescontre dimenge a Newcastle contra Huddersfield dins l’encastre de la Dimenjada Magica; puèi, partida a Salford lo divendres 26 e recepcion d’Hull FC a Brutus, lo diluns 29 (per un còp, partida de nuèit: a 8 oras).
Los qualificats pels quarts de la Cup son los autres venceires de las partidas entre formacions de Superliga: Warrington (34-20, contra Widnes), Castleford (53-10, contra Saint Helens) e tanben Wakefield (54-6, contra Dewsbury), Salford (24-14, contra Hull KR), Wigan (42-12, contra Swinton), Leeds (72-10, contra Barrow). La sola formacion qualificada de l’escalon inferior (Championship) es Featherstone (24-12 contra Halifax).
Un Championship que veirà lo Tolosa Olimpic reçaupre las Aglas de Sheffield aqueste dissabte 20 de mai en fin de vèspre a Blanhac.
Austràlia: la tempèsta de Melbourne mena lo balèti
En Austràlia, alara que las datas de las partidas entre Estats d’Origina se sarran (primièr rescontre: lo 31 de mai), la Tempèsta de Melbourne demòra cap de fila de la competicion NRL, malgrat la desfaita sus lor pelena 38-36 contra los Titans de la Costièra Daurada.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari