Actualitats
Merkel e Macron parlan d’una “vertadièra refondacion d’Euròpa”
La cancelièra alemanda e lo nòu president francés, Emmanuel Macron, convenguèron diluns passat de trabalhar per consolidar lo projècte europèu, e per tal que l’èurozòna foguèsse mai resistenta a las crisis
La cancelièra alemanda, Angela Merkel, e lo nòu president francés, Emmanuel Macron, convenguèron, diluns passat, de l’elaboracion d'una fuèlha de rota del mejan tèrme per “crear una nòva dinamica” que consolidèsse lo projècte europèu, e per tal que l’èurozòna foguèsse mai resistenta a las crisis.
“A long tèrme, Alemanha pòt anar plan solament s’Euròpa va plan, e Euròpa pòt anar plan se i a una França fòrta”, çò diguèt Merkel dins una conferéncia de premsa que la faguèt a Berlin amb Macron après lor reünion.
Per quant a el, Macron precisèt que “l’un e l’autre [èran] convencuts qu’[avián] besonh de resultats del cort tèrme, mas egalament de vertadièras transformacions, d’una vertadièra refondacion d’Euròpa”.
Dins aquel sens, Merkel soslinhèt que per Alemanha èra possible de cambiar los tractats de l’Union Europèa, mas abans tot crei que “cal trabalhar çò que se vòl reformar”. De son latz, Macron assegurèt que la reforma dels tractats sus l’UE èra “pas pus un tabó” per l’estat francés.
En mai d’aquò, Macron insistiguèt sus la necessitat de respondre a la “colèra” que s’es exprimida durant l’eleccion presidenciala francesa dins lo vòte pel Front Nacional, e declarèt a la cancelièra que, d'après lo resultat d’aquela eleccion, caliá refortir l’Union Europèa.
“A long tèrme, Alemanha pòt anar plan solament s’Euròpa va plan, e Euròpa pòt anar plan se i a una França fòrta”, çò diguèt Merkel dins una conferéncia de premsa que la faguèt a Berlin amb Macron après lor reünion.
Per quant a el, Macron precisèt que “l’un e l’autre [èran] convencuts qu’[avián] besonh de resultats del cort tèrme, mas egalament de vertadièras transformacions, d’una vertadièra refondacion d’Euròpa”.
Dins aquel sens, Merkel soslinhèt que per Alemanha èra possible de cambiar los tractats de l’Union Europèa, mas abans tot crei que “cal trabalhar çò que se vòl reformar”. De son latz, Macron assegurèt que la reforma dels tractats sus l’UE èra “pas pus un tabó” per l’estat francés.
En mai d’aquò, Macron insistiguèt sus la necessitat de respondre a la “colèra” que s’es exprimida durant l’eleccion presidenciala francesa dins lo vòte pel Front Nacional, e declarèt a la cancelièra que, d'après lo resultat d’aquela eleccion, caliá refortir l’Union Europèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La sola causa un pauc senada que Le Pen diguèt lo ser del desbat catastrofic foguèt : "Qual que siá lo resultat de l'eleccion, los Francés auran una femna al poder, ieu o Merkel".
Lo pichon francés es anat se prosternar en Alemanha. Es pas segur que l'Alemanha auja perdut la guèrra en 1945....
#1 Es vertat que lo Macron representa pas grand causa si que non lo reget del candidat advèrs. Mas un còp a l'Elisèu an totes lo cap coma una semal. I pas que veire lo Chirac en 2002. Mentre que 3/4 de França aviá la peta al ser del 1èr torn (los quites Guignols se faguèron hara kiri aquela nuèch) aquel galapian diguèt de tira: "C'est plus la peine de s'emmerder" (citat per Le Canard Enchaîné). Es a dire, çò qu'impòrta es d'i èsser.
Han parlat de la refundacion bancaria privada europenca "Alí Babà e los Quaranta Ladres". Qu' encara volen raubar mai !
Far pietat aquèla tissa d'anar vèire tanlèu elegit Na Merkel. Atal avèm agut Sarkozy (lo bracejaire), Hollande (lo bodenfle), Macron (lo jovenòt aliscat).
L'acte de josmission dins sa plenor. La farfantèla jornalistica d'aquel çò dich "motur franco-alaman", espefecitat franchimanda qu'existís enluòc mai.
Avrupa es una estrata de mai per recondre la democracia, per tenir lo pòble luenc dels centres de decisions.
Macron faria mielhs de consolidar son poder en Franca. Si l'òm retira tot aqueua qu'an votats per ilh per opausicion a Le Pen, las votz de Marina Le Pen, los abstencionistes n'en demora mas un quart de la populacion que lo sosten.
Aquela reunion vai lo desservir. Es una passacion de poder entre Merkel que vòl se retirar e son polin que reba de devenir imperador d'Euròpe. Quand aura lo poder Macron fera, sens tener compte de la populacion, de l'Amassada Legislativa. L'òm parla pas de democracia mas donatz me lo poder, o pus leu laissatz me lo poder per me er per me sol.
Macron, Merkel son l'oligarchia economica e financiera de l'Europe sostengut per los Rotschild et d'autras multinacionalas coma Monsanto.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari