Actualitats
Los hackers nòrd-coreans probables responsables del virus extorquidor WannaCry
Lo grop d’hackers Lazarus, que se sospiècha qu’es restacat a la Corèa del Nòrd, poiriá èsser a l’origina de la massissa ataca cibernetica lançada a l’escala mondiala lo 12 de mai passat amb lo virus extorquidor WannaCry, segon d’expèrts de la seguretat cibernetica, çò rapòrta Reuters.
La companhiá russa de seguretat informatica Kaspersky e sos collègas estatsunidencs de Symantec, qu’examinan las pistas tecnicas de la ciberataca, supausan que lo grop Lazarus seriá lo creator del virus.
Segon los expèrts, lo còde emplegat dins la version precedenta del virus ramsonware WannaCry foguèt tanben usat per d’autres logicials malicioses que los an creats la còla de Lazarus.
Aquel grop foguèt ja colpable d’una seguida d’atacas que remontan a l’an 2009, e tanben del cambriolatge d’81 milions de dolars dels fonzes de la Banca Centrala de Bangladèsh, l’an passat. Tanben, se sospiècha qu’aquel grop seriá a l’origina de la ciberataca contra la societat Sony Pictures en 2014.
Ça que la, los enquistaires de Kaspersky e de Symantec asseguran que, per ara, se pòt pas arribar a una conclusion precisa, e fan una crida als expèrts de tot lo Mond per que collabòren a l’estudi de l’ataca.
Divendres passat, un virus informatic nomenat WannaCry, que chifra los ordenadors e demanda d’argent per los desblocar, afectèt de companhiás e d’usatgièrs d’aperaquí 150 païses amb 45 000 atacas.
Demest las victimas d’aquel logicial maliciós figuran lo Reialme Unit, los Estats Units, Canadà, China, Itàlia, Alemanha, Espanha e Russia. Un jove britanic de 22 ans, Marcus Hutchins, reüssiguèt a frenar l’avançada del virus extorquidor en venent l’eròi de la ciberataca.
Sabèm ben que dins un Mond informatizat e numerizat coma lo nòstre, lo ret es un nòu camp de batalha, e la creacion de logicials destructors es una arma de guèrra.
Poiriam dire qu’es pas una novetat, puèi que l’informatica en general e Internet en particular an una naissença restacada a l’encastre militar.
Mas a l’ora d’ara las agéncias estatalas o clandestinas pairinadas pels estats an un arsenal destructor que pòt èsser devastaire e que pòt condicionar grèvament las libertats individualas e de collectius ciutadans per tot lo Mond.
D’aquela darrièra ataca globala pòt èsser de responsabilitat nòrd-coreana. Doas entrepresas del sector de la proteccion de donadas, una russa e una autra estatsunidenca, van dins aquel sens, sens assegurar res. Mas las agéncias publicas e secretas dels Estats Units e de Russia an un ròtle màger dins la guèrra cibernetica.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
La companhiá russa de seguretat informatica Kaspersky e sos collègas estatsunidencs de Symantec, qu’examinan las pistas tecnicas de la ciberataca, supausan que lo grop Lazarus seriá lo creator del virus.
Segon los expèrts, lo còde emplegat dins la version precedenta del virus ramsonware WannaCry foguèt tanben usat per d’autres logicials malicioses que los an creats la còla de Lazarus.
Aquel grop foguèt ja colpable d’una seguida d’atacas que remontan a l’an 2009, e tanben del cambriolatge d’81 milions de dolars dels fonzes de la Banca Centrala de Bangladèsh, l’an passat. Tanben, se sospiècha qu’aquel grop seriá a l’origina de la ciberataca contra la societat Sony Pictures en 2014.
Ça que la, los enquistaires de Kaspersky e de Symantec asseguran que, per ara, se pòt pas arribar a una conclusion precisa, e fan una crida als expèrts de tot lo Mond per que collabòren a l’estudi de l’ataca.
Divendres passat, un virus informatic nomenat WannaCry, que chifra los ordenadors e demanda d’argent per los desblocar, afectèt de companhiás e d’usatgièrs d’aperaquí 150 païses amb 45 000 atacas.
Demest las victimas d’aquel logicial maliciós figuran lo Reialme Unit, los Estats Units, Canadà, China, Itàlia, Alemanha, Espanha e Russia. Un jove britanic de 22 ans, Marcus Hutchins, reüssiguèt a frenar l’avançada del virus extorquidor en venent l’eròi de la ciberataca.
Sabèm ben que dins un Mond informatizat e numerizat coma lo nòstre, lo ret es un nòu camp de batalha, e la creacion de logicials destructors es una arma de guèrra.
Poiriam dire qu’es pas una novetat, puèi que l’informatica en general e Internet en particular an una naissença restacada a l’encastre militar.
Mas a l’ora d’ara las agéncias estatalas o clandestinas pairinadas pels estats an un arsenal destructor que pòt èsser devastaire e que pòt condicionar grèvament las libertats individualas e de collectius ciutadans per tot lo Mond.
D’aquela darrièra ataca globala pòt èsser de responsabilitat nòrd-coreana. Doas entrepresas del sector de la proteccion de donadas, una russa e una autra estatsunidenca, van dins aquel sens, sens assegurar res. Mas las agéncias publicas e secretas dels Estats Units e de Russia an un ròtle màger dins la guèrra cibernetica.
Aquesta nòva es adaptada de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot mentida.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari