Actualitats
Macron a nomenat lo nòu govèrn de França
La còla del primièr ministre Édouard Philippe es multicolòra e proven de partits desparièrs de l’esquèrra, de la drecha e del centre, e de la societat civila
Lo nòu president francés, Emmanuel Macron, a revelat aqueste dimècres qual serà lo govèrn de son primièr ministre Édouard Philippe. S’agís d’una còla d’11 femnas e d’11 òmes, 18 ministres e 4 secretaris d’estat, que provenon de divèrses partits politics, dont lo Partit Socialista (PS), lo Modèm e los Republicans (LR), e tanben de la societat civila.
L’anóncia se deviá far ièr mas se retardèt de 24 oras per que la nòva Autoritat de la Transparéncia en la Vida Publica assegurèsse la situacion fiscala dels nòus responsables e verifiquèsse que cap d’eles presentèsse pas de situacions d’eventuals conflictes d’interèsses amb lo sector privat.
Lo primièr Conselh dels Ministres aurà luòc aqueste dijòus a 11h del matin.
Podètz legir la lista completa de tota la còla del govèrn sus Le Monde. En seguida anonciam los que consideram coma mai importants.
L’anóncia se deviá far ièr mas se retardèt de 24 oras per que la nòva Autoritat de la Transparéncia en la Vida Publica assegurèsse la situacion fiscala dels nòus responsables e verifiquèsse que cap d’eles presentèsse pas de situacions d’eventuals conflictes d’interèsses amb lo sector privat.
Lo primièr Conselh dels Ministres aurà luòc aqueste dijòus a 11h del matin.
Podètz legir la lista completa de tota la còla del govèrn sus Le Monde. En seguida anonciam los que consideram coma mai importants.
— Lo Ministre de l’Educacion Nacionala [vòlon dire “estatala”] es Jean-Michel Blanquer, naut foncionari e director general de l’ESSÈC, una de las escòlas de comèrci pus grandas del Mond. En 2006, èra lo director adjonch del gabinet de Gilles de Robien, quand èra al cap d’aquel ministèri.
— Lo Ministre de la Justícia serà lo bearnés François Bayrou. Lo cònsol de Pau es tanben lo cap del Modèm, lo partit centrista que sostenguèt la candidatura de Macron de febrièr passat enlà.
— Lo Ministre de l’Interior serà lo cònsol màger de Lion (PS) Gérard Collomb, un dels primièrs supòrts de Macron.
— Lo Ministre d’Euròpa e dels Afars Estrangièrs serà lo socialista Jean-Yves Le Drian. Èra fins ara ministre de la defensa.
— Lo Ministre de l’Economia serà lo conservator Bruno Le Maire (Los Republicans), que remplaçarà lo socialista Michel Sapin.
— Lo celèbre jornalista e animator Nicolas Hulot serà lo nòu Ministre de la Transicion Ecologica. Activista environamentalista, Hulot refusèt aquela carga als presidents Chirac, Sarkozy e Hollande; mas ara l’accèpta de Macron.
— La Ministra de las Armadas serà la deputada europèa del Modèm, la provençala Sylvie Goulard. Ela fondèt amb Daniel Cohn-Bendit lo grop Spinelli, que milita per una Euròpa federala.
Collomb, Hulot e Bayrou an cadun lo títol de ministre d’estat, que correspond aperaquí a un ròtle de viceprimièr ministre.
— Lo Ministre de la Justícia serà lo bearnés François Bayrou. Lo cònsol de Pau es tanben lo cap del Modèm, lo partit centrista que sostenguèt la candidatura de Macron de febrièr passat enlà.
— Lo Ministre de l’Interior serà lo cònsol màger de Lion (PS) Gérard Collomb, un dels primièrs supòrts de Macron.
— Lo Ministre d’Euròpa e dels Afars Estrangièrs serà lo socialista Jean-Yves Le Drian. Èra fins ara ministre de la defensa.
— Lo Ministre de l’Economia serà lo conservator Bruno Le Maire (Los Republicans), que remplaçarà lo socialista Michel Sapin.
— Lo celèbre jornalista e animator Nicolas Hulot serà lo nòu Ministre de la Transicion Ecologica. Activista environamentalista, Hulot refusèt aquela carga als presidents Chirac, Sarkozy e Hollande; mas ara l’accèpta de Macron.
— La Ministra de las Armadas serà la deputada europèa del Modèm, la provençala Sylvie Goulard. Ela fondèt amb Daniel Cohn-Bendit lo grop Spinelli, que milita per una Euròpa federala.
Collomb, Hulot e Bayrou an cadun lo títol de ministre d’estat, que correspond aperaquí a un ròtle de viceprimièr ministre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari