Contunhan las protèstas nombrosas a Taghzut contra la precarietat e la marginalizacion. La vila berberofòna del país del Rif, al nòrd del reialme de Marròc, visquèt lo 18 de mai passat una de sas manifestacions mai nombrosas dempuèi un an e mièg de protèstas. De remembrar qu’en octòbre de 2016 de milièrs de personas manifestavan per mostrar lor indignacion après la mòrt de Mouchine Fikri, un jove peissonièr que moriguèt esclafat dins un camion d’acampatge de bordilhas, quand ensajava de recuperar lo peis que la polícia li aviá confiscat.
 
Ara las protèstas tenon totjorn un caire social e denóncian la seculara marginalizacion economica que la patís lo país del Rif, estofat pel govèrn de Marròc. Revendican de melhoraments dins l’educacion, la santat e l’emplec.
 
En aquesta ocasion, fòrça proprietaris de botigas e d’autres comercis an jonch las protèstas en fasent quitament la cauma, çò rapòrta Reuters. En mai d’aquò, de fonts berberistas mençonadas per Nationalia, rapòrtan una repression fòrça violenta de l’estat marroquin, que talha lo provesiment d’aiga e d’electricitat als abitants per contrarotlar las manifestacions e que dempuèi qualques jorns a menat a la vila de milièrs de policièrs.
 
 
 
Marròc los acusa de “fomentar lo separatisme”
 
De son costat, lo govèrn de Marroc ditz que “cal escotar” las revendicacions, mas acusa a l’encòp los manifestants de seguir “d’agendas estrangièras” e de fomentar “lo separatisme”.
 
Un dels dirigents del movement de protèsta, Nasser Zefzafi, considèra que la mobilizacion unís lo pòble del Rif, segon Le Monde. “Las bandièras rifencas e amazighs son abitualas dins las protèstas”, çò ditz del temps que recòrda qu’aquel país montanhòl berberofòn “recep pas lo meteis tractament que la rèsta de Marròc”. En mai d’aquò, assegura que las femnas an un “ròtle clau” a las mobilizacions car la majoritat dels caumaires son de femnas.
 
 
 

Pour comprendre la colère des habitants d'Al Hoceima, lire le dossier de @ghassanwail dans le numéro actuel d'Economie Entreprises. Aperçu  pic.twitter.com/ihMGJDHwRX

— Omar Radi (@OmarRADI) 18 de maig de 2017

 
 

Manifestation massive au #Rif#Alhoceima protestant les déclarations irresponsable du #Gouvernement#Marocain#Marocpic.twitter.com/CFdBCbJRCE

— Mohamed Ettaki (@MohamedEttaki) 18 de maig de 2017