Alexander Sigmund, doctorand en sociolingüistica romanica a l'Universitat de Viena (Àustria), es a preparar una tèsi sus l’ensenhament de l’occitan dins l’estat francés. Per aquela fin, li cal l’ajuda dels ensenhaires de la lenga nòstra dins tot tipe d’establiment escolar, a l’universitat, a l’ESPE o a Aprene, e fa una crida a respondre un questionari en linha, que pren pas que qualques minutas: www.soscisurvey.de/enseignement-occitan/.
 
Dins sa tèsi, Sigmund estúdia l’ensenhament de l’occitan, tant sa situacion actuala coma los futurs cambiaments possibles, en s’apiejant sus qualques aspèctes restacats a l’ensenhament, coma l’estandardizacion e la foncion sociala dins lo mitan educatiu.
 
La còla de Jornalet encoratjam totes los ensenhaires a ajudar a Sigmund dins sa tèsi e mercejam los joves scientifics de tot lo Mond qu’estúdian la nòstra lenga e la realitat sociolingüistica de l’occitan.