La gendarmariá francesa a tuat un elevaire bovin de la vila de Trivy, en Borgonha. L’agricultor, de 37 ans, èra en fugida dempuèi mai d’una setmana après un contraròtle sanitari conflictual, e dissabte l’abatèron de gendarmas sus qui se ronçava en veitura, çò rapòrta Sud Ouest.
 
L’elevaire tuat èra recercat dempuèi l’11 de mai, data del darrièr contraròtle de son tenement. Aviá fugit après ensajar de se ronçar amb son tractor suls gendarmas qu’acompanhavan los inspectors. Lo tornèron trobar près de Cluny “de manièra fortuita”, sus un estrech camin de tèrra, e quand èran a mand de l'arrestar, l’òme se roncèt suls dos gendarmas qu’èran davalats a pè. Alavetz, segon lo relat de las fòrças de l'òrdre, los agents faguèron fuòc e l’òme foguèt tocat mortalament. Los dos gendarmas foguèron espitalizats, “fòrça chocats”.
 
Una enquèsta es estada fisada a l’inspeccion tecnica de la gendarmariá e las primièras constatacions son estadas fachas per la seccion de recèrcas de Dijon.
 
Segon la procuraira de Mâcon, “aquel òme anava pas plan, s’opausava als servicis d’inspeccion sanitària, existissiá un gròs contenciós dempuèi plusors annadas e aquò pejorava. S'ocupava pas pus gaire de son cabal e èra ja estat sancionat per manca de suènh sus sas bèstias”.
 

Les experts en balistique sont attendus sur les lieux du drame à Sailly, à 30 km de #Trivy où vivait l'agriculteur #SaoneEtLoirepic.twitter.com/sSBpVcqUYb

— fanny borius (@flatilla) 21 de maig de 2017

 

L'interpellation de l'agriculteur recherché depuis 10 jours à tourné au drame : mortellement touché par les gendarmes. #Trivy sous le choc pic.twitter.com/RLRp3bDwio

— fanny borius (@flatilla) 21 de maig de 2017