Actualitats
Mexic: una femna tarahumara ganha una corsa de 50 km vestida de sa gonèla e sas sandalas
Participavan a aquela corsa 500 esportius de 12 païses, totes esquipats de cauçaduras esportivas e d’un gilet idratant, franc de Lorena Ramírez. Son imatge sul podium a fach lo torn del Mond
Lorena Ramírez es una femna del pòble tarahumara que ven de ganhar la corsa Ultra Trail Cerro Rojo de Mexic sens cap de mena d’esquipament esportiu. Abilhada de sa gonèla tradicionala e cauçada de sas sandalas abitualas, Ramírez percorreguèt los 50 quilomètres de la corsa montanhòla en 7 oras e 3 minutas en atenhent la primièra posicion e un prèmi de 6000 pesos (aperaquí 287 èuros). Participavan a aquela corsa 500 esportius de 12 païses, totes esquipats de cauçaduras esportivas e d’un gilet idratant, franc de Lorena Ramírez. Son imatge sul podium a fach lo torn del Mond.
Ramírez participèt a la corsa acompanhada d’un de sos fraires e la sostenián los organizaires. Pasmens, per poder participar, deguèt marchar a pè durant dos jorns per arribar de sa vila Guachochi, fins a la vila de Tlatlauquitepec ont se fasiá la corsa.
A 22 ans, Lorena Ramírez es considerada coma una de las correiras de longa distància pus rapidas de la comunautat tarahumara. Son paire e son fraire tanben son correires. L’an passat, ela ganhèt una corsa de 100 quilomètres, la Caballo Blanco 2016. Ça que la, Lorena Ramírez es pas esportiva mas pastora. Cada jorn camina entre 10 e 15 quilomètres amb sas vacas e sas cabras.
Lo pòble tarahumara vivon al nòrd de Mexic e parlan una lenga de la familha utoastèca, qu’abans la conquista e colonizacion d’America, se parlava tanben a l’oèst dels Estats Units. Eles se balhan lo nom de “rarámuri”, que vòl dire “de pès correires”. Abans l’arribada dels conquistaires-colonizaires, las vilas tarahumaras èran fòrça escampilhadas e desvolopèron la tradicion de percórrer de longas distàncias per melhorar lor comunicacion. Per manténer aquela resisténcia fisica, idratan lor còrs amb de pinole, una noiridura ancestrala preparada amb de farina de milhòc e de sucre.
Ramírez participèt a la corsa acompanhada d’un de sos fraires e la sostenián los organizaires. Pasmens, per poder participar, deguèt marchar a pè durant dos jorns per arribar de sa vila Guachochi, fins a la vila de Tlatlauquitepec ont se fasiá la corsa.
A 22 ans, Lorena Ramírez es considerada coma una de las correiras de longa distància pus rapidas de la comunautat tarahumara. Son paire e son fraire tanben son correires. L’an passat, ela ganhèt una corsa de 100 quilomètres, la Caballo Blanco 2016. Ça que la, Lorena Ramírez es pas esportiva mas pastora. Cada jorn camina entre 10 e 15 quilomètres amb sas vacas e sas cabras.
Lo pòble tarahumara vivon al nòrd de Mexic e parlan una lenga de la familha utoastèca, qu’abans la conquista e colonizacion d’America, se parlava tanben a l’oèst dels Estats Units. Eles se balhan lo nom de “rarámuri”, que vòl dire “de pès correires”. Abans l’arribada dels conquistaires-colonizaires, las vilas tarahumaras èran fòrça escampilhadas e desvolopèron la tradicion de percórrer de longas distàncias per melhorar lor comunicacion. Per manténer aquela resisténcia fisica, idratan lor còrs amb de pinole, una noiridura ancestrala preparada amb de farina de milhòc e de sucre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Era una gonèla Decatlòn e de sandalas Naic? Es aital que caldriá far d'espòrt e quitar totes aqueles espleitaires de mainatges dins lo Tèrç Mond. E quitament pès descauces si que non Salomòn, Puma o Quíchoa aurián lèu fach de botar son nom sus las sandalas per ne multiplicar lo prètz per cent!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari