Actualitats
Marselha: quatre mòrts dins un incendi dins lo Quartièr Sant Julian
Las victimas son doas femnas d’aperaquí 35 ans, un enfant d’environ 6 ans, e una quatrena victima que n’an pas pogut determinar, per ara, lo sèxe ni l’edat
Un incendi a provocat la mòrt de quatre personas a Marselha. Lo drama se passèt durant la nuèch de dimècres a dijòus dins un apartament del numèro 79 del Baloard dei Boscarlas (Boulevard des Fauvettes, segon l’usatge oficial francés), dins lo 12n arredondiment, çò rapòrta La Provence.
Las victimas son doas femnas d’aperaquí 35 ans, un enfant d’environ 6 ans, e una quatrena victima que n’an pas pogut determinar, per ara, lo sèxe ni l’edat.
Los pompièrs anèron rapidament sus plaça. Lo fuòc ataquèt un apartament del planpè mas l’intensitat de l’incendi èra talament granda que calguèt evacuar una vintena de personas. La bastissa a quatre estancis.
En mai d’aquò, una persona cremada al 70% foguèt menada a l’Espital de la Concepcion, e doas personas leugièrament intoxicadas pels fums foguèron menadas a l’Espital Santa Margarida. I auriá una tresena persona en estat de chòc.
La Provence rapòrta tanben qu’un pompièr demest los primièrs intervenents patiguèt un còp de calor degut a l’intensitat del sinistre. Ara se pòrta plan.
Las victimas son doas femnas d’aperaquí 35 ans, un enfant d’environ 6 ans, e una quatrena victima que n’an pas pogut determinar, per ara, lo sèxe ni l’edat.
Los pompièrs anèron rapidament sus plaça. Lo fuòc ataquèt un apartament del planpè mas l’intensitat de l’incendi èra talament granda que calguèt evacuar una vintena de personas. La bastissa a quatre estancis.
En mai d’aquò, una persona cremada al 70% foguèt menada a l’Espital de la Concepcion, e doas personas leugièrament intoxicadas pels fums foguèron menadas a l’Espital Santa Margarida. I auriá una tresena persona en estat de chòc.
La Provence rapòrta tanben qu’un pompièr demest los primièrs intervenents patiguèt un còp de calor degut a l’intensitat del sinistre. Ara se pòrta plan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari