Actualitats
Sankt Pauli: un autre fotbòl es possible
Un percors dins l’istòria del club de fotbòl qu’es vengut un simbòl de la lucha contra lo faissisme, lo sexisme, l’omofobia...
Tot lo fotbòl d’elèit es pas lo capitalisme salvatge ni l’òpi del pòble. L’FC Sankt Pauli, simbòl de las culturas alternativas, marca la dralha de l’espòrt engatjat dins tot lo Mond. Es vengut un simbòl de la lucha contra lo faissisme, lo sexisme, l’omofobia, gràcias a son biais particular de comprene lo fotbòl. O explicàvem en junh de 2013 dins un article de l’istorian Francesc Poblet. Ara, ven de se’n publicar un libre en catalan, que per la proximitat de las nòstras lengas recomandam a nòstres legeires.
Lo libre es escrich per l’istorian Carles Viñas, especializat en istòria contemporanèa, e per l’avocat Natxo Parra, expèrt dels afars sindicals. Los dos autors fan un percors dins l’istòria d’aquel club mentre que detalhan los moments clau de l’istòria d’Amborg e d’Alemanha e soslinhan los ligams de l’FC Sankt Pauli amb los movements socials sorgits durant la segonda mitat del sègle XXn en Alemanha, dont qualques unes nascuts dins l’estadi Millerntor, lo de l’FC Sankt Pauli.
Lo libre se publiquèt pel primièr còp en març passat, e ara ja n’an fach la segonda edicion.
PARRA, Natxo; VIÑAS, Carles. Sankt Pauli, un altre futbol és possible. Tigre de Paper 2017. 320 paginas. 16 èuros.
Lo libre es escrich per l’istorian Carles Viñas, especializat en istòria contemporanèa, e per l’avocat Natxo Parra, expèrt dels afars sindicals. Los dos autors fan un percors dins l’istòria d’aquel club mentre que detalhan los moments clau de l’istòria d’Amborg e d’Alemanha e soslinhan los ligams de l’FC Sankt Pauli amb los movements socials sorgits durant la segonda mitat del sègle XXn en Alemanha, dont qualques unes nascuts dins l’estadi Millerntor, lo de l’FC Sankt Pauli.
Lo libre se publiquèt pel primièr còp en març passat, e ara ja n’an fach la segonda edicion.
PARRA, Natxo; VIÑAS, Carles. Sankt Pauli, un altre futbol és possible. Tigre de Paper 2017. 320 paginas. 16 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari