Actualitats
De teulas fachas amb de polveras lunaras per colonizar la Luna
Las pèças concebudas per l’Agéncia Espaciala Europèa se crèan amb de rèstas volcanicas e se fan còire dins de forns solars
L’Agéncia Espaciala Europèa a començat d’experimentar de tecnicas de construccion per una eventuala colonizacion de la Luna. L’agéncia a creat de teulas fachas amb de brigalhs volcanics, un material fòrça similar a las polveras lunaras. Per las far còire s'emplega de forns de lutz solara concentrada.
“Avèm emplegat de placas 3D per far còire d’un biais successiu de capas de 0,1 millimètres a mil grases. La talha finala de las teulas es de 20 x 10 x 3. La produccion dura cinc oras”, çò explica Advenit Makaya, engenhaire dels materials del projècte.
Las teulas se fabrican a Colonha, dins las installacions del Centre Aerospacial Alemand, ont i a dos forns solars. Cadun a 147 miralhs clinats que convertisson la lutz en rais de nauta temperatura que fondon los brigalhs volcanics.
E mai s’an encara de dificultats , considèran que lo projècte demòstra qu’aquela tecnica de construccion amb de material lunar “es absoludament de bon far”. Fins ara, totes los ensages son estats realizats dins las condicions atmosfericas de la Tèrra, mas se prevei que lèu-lèu se poiràn efectuar dins las condicions lunaras.
“Avèm emplegat de placas 3D per far còire d’un biais successiu de capas de 0,1 millimètres a mil grases. La talha finala de las teulas es de 20 x 10 x 3. La produccion dura cinc oras”, çò explica Advenit Makaya, engenhaire dels materials del projècte.
Las teulas se fabrican a Colonha, dins las installacions del Centre Aerospacial Alemand, ont i a dos forns solars. Cadun a 147 miralhs clinats que convertisson la lutz en rais de nauta temperatura que fondon los brigalhs volcanics.
E mai s’an encara de dificultats , considèran que lo projècte demòstra qu’aquela tecnica de construccion amb de material lunar “es absoludament de bon far”. Fins ara, totes los ensages son estats realizats dins las condicions atmosfericas de la Tèrra, mas se prevei que lèu-lèu se poiràn efectuar dins las condicions lunaras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari