Catalonha: reünion d’urgéncia del govèrn de la Generalitat e dels partits favorables al drech de decidir
Segon la pòrtavotz del govèrn catalan, Neus Munté, dins doas setmanas sauprem la data del referendum d’independéncia e la question que se i pausarà
Carles Puigdemont, a convocat una reünion d’urgéncia aqueste ser per avalorar lo moment politic actual, après lo refús de l’estat espanhòl de pachar los tèrmes del referendum d’independéncia, e sas duras menaças de l’empedir
Lo president de la Generalitat de Catalonha, Carles Puigdemont, a convocat una reünion d’urgéncia aqueste ser per avalorar lo moment politic actual, après lo refús de l’estat espanhòl de pachar los tèrmes del referendum d’independéncia, e sas duras menaças de l’empedir.
La reünion se tendrà après que las associacions independentistas Òmnium, Assemblada Nacionala Catalana (ANC) e l’Assemblada de Municipalitats per l’Independéncia (AMI) an exigit del president que concretize la data del referendum e la question que se i pausarà.
Segon la pòrtavotz del govèrn catalan, dins las oras e las setmanas avenidoiras es fòrça important que i aja una bona comunicacion entre los partits e las associacions independentistas, e tanben los que son partisans del drech de decidir. En mai d’aquò, Munté a assegurat que dins doas setmanas sauprem la data del referendum e la question que se i pausarà.
Madrid a refusat la darrièra escasença de pachar
Diluns passat, lo president Puigdemont, acompanhat del vicepresident, Oriol Junqueras, e del conselhièr dels afars exteriors, Raül Romeva, faguèron una conferéncia per anonciar que prepausarián, encara un còp, un pache amb lo govèrn de Mariano Rajoy. La conferéncia se faguèt a la comuna de Madrid car l’estat espanhòl refusèt que la faguèsson al Senat.
Dimècres, Puigdemont mandava una letra a Mariano Rajoy amb sa darrièra demanda de far lo referendum d’un biais pachat amb l’estat espanhòl. La responsa arribèt en mens de 24 oras. Rajoy refusa.
“Còp d’estat”
Mentretant, lo govèrn espanhòl acusa lo govèrn de la Generalitat de preparar “un còp d’estat”. Aquela afirmacion, emplegada dempuèi qualques setmanas per qualques associacions e mèdias anticatalanistas, l’an ja prononciada oficialament qualques ministres de Rajoy del temps que lo quite Rajoy a comparat çò que se passa en Catalonha “amb las piègers dictaturas”.
La persecucion de las urnas
Per l’instant, lo govèrn de Mariano Rajoy a anonciat qu’es dispausat a prene las mesuras que caldrà per empedir lo referendum. Ara la question es cossí l’estat espanhòl pensa d’empedir lo referendum.
E mai se, segon Puigdemont, la pòrta per negociar serà dobèrta fins a la darrièra segonda, ara es oficial que la via pachada es mòrta. Catalonha deu convocar lo referendum d’un biais unilateral, o ben proclamar l’independéncia en cas que lo referendum siá impossible. Cossí se debanarà la seguida? Se’n parlarà aqueste ser al palais de la Generalitat de Catalonha.
Segon la pòrtavotz del govèrn catalan, Neus Munté, dins doas setmanas sauprem la data del referendum d’independéncia e la question que se i pausarà
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10Va, Santiago, qu deus tenir un fan club de dos membres per te votar positiu perque per entendre la teva pròsa tan enrevessada i ne treure l'entrellat s'ha de tenir els ulls de Ximena.
visc a girona sóc profe, valencià, mallorquí? els del sud som catalans? els els els països catalans, som catalans? per favor ... treune les conclusions
#6 Ieu aimi plan lo jesuitisme de vincent de narbona, pr'amor que ven en contra d'una apropriacion de Dieu de la part de francesc de palma que se trai aqueste Dieu (lo catolic supausi) de son costat politic.
I a pas res de pièger que mesclar politica e religion. (e mai lo "Dieu nos ajudarà COMA SEMPRE" me faguèt tombar de cuol, cresi ben de francesc sia un descendent de qualques doctor de la santa fe). Soi segur que se Dieu fa una conferéncia de premsa, serà pas malcontent que Catalonha sia independenta o pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#10Va, Santiago, qu deus tenir un fan club de dos membres per te votar positiu perque per entendre la teva pròsa tan enrevessada i ne treure l'entrellat s'ha de tenir els ulls de Ximena.
#8
visc a girona sóc profe, valencià, mallorquí? els del sud som catalans? els els els països catalans, som catalans? per favor ... treune les conclusions
#8 En veritat, jo ho vos dic, es diu Santiago i s'ha enamorat de l'Arrimadas.
jaume / girona Els traductors automàtics són un desastre!! Posats a fer, podies haver traduït a l'occità... o és que volies fer-te passar per català?
#6 Ieu aimi plan lo jesuitisme de vincent de narbona, pr'amor que ven en contra d'una apropriacion de Dieu de la part de francesc de palma que se trai aqueste Dieu (lo catolic supausi) de son costat politic.
I a pas res de pièger que mesclar politica e religion. (e mai lo "Dieu nos ajudarà COMA SEMPRE" me faguèt tombar de cuol, cresi ben de francesc sia un descendent de qualques doctor de la santa fe). Soi segur que se Dieu fa una conferéncia de premsa, serà pas malcontent que Catalonha sia independenta o pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari