Actualitats
De milièrs d’occitans an començat lo Ramadan
Dempuèi dissabte passat e fins al 27 de junh, fòrça occitans de fe o de tradicion musulmanas practicaràn las activitats religiosas e tradicionalas d’aqueste mes de june
Dissabte passat foguèt lo 1r jorn del mes de Ramadan, lo noven mes del calendièr lunar islamic. Pendent tot aqueste mes fòrça musulmans practican lo june de l’alba al solelh colc. Alavetz, fins al 27 de junh, fòrça mond practicaràn las activitats tradicionalas e religiosas del Ramadan, tanben per Occitània tota.
Lo fach mai conegut del Ramadan es lo juni que practican los musulmans de l’auba al solelh colc. Las personas que lo vòlon practicar se devon absténer de manjar, de beure, d’aver de relacions sexualas, de fumar e de se pimponar fins al ser. O devon pas far las personas malautas, los enfants, los vièlhs, las femnas en periòde menstrual, las prenses e las qu’alachan lors enfants.
L’ora de començar lo june e l’ora de l’acabar dependon fòrça de la latitud, e cal consultar l’ora exacta de las pregàrias, dels junis e de l’Iftar; lo moment mai especial de cada jornada.
L’Iftar es lo repais del ser que fa rompre lo june. Normalament los musulmans partejan de manjar e passan lo temps amassa.
En tornar del trabalh o de l’escòla, s’aprèsta l’Iftar, que se comença de manjar quand s’enten l’apèl del maghrib (solelh colc). Segon la tradicion cal rompre lo june amb de dàtils e de lach, perque Maomet o fasiá aital, e perque cal recuperar los nivèls de sucre del sang. Se manjan tanplan de sopas.
Après manjar, lo mond fan la pregària del maghrib, en seguissent l’apèl. Qualques personas, las mai devòtas, preferisson de pregar abans manjar.
La jornada comença amb un dejunar abans l’auba. La majoritat dels musulmans tornan al lièch e se tornan levar mai tard.
En mai del june, pendent aqueles jorns los musulmans son mai sensibles per evitar l’asirança e l’immoralitat; lo Ramadan es un temps per la compassion e per la pregària. Los musulmans practicants participan normalament a las orasons comunautàrias de las mosquetas. De còps, i van lèu per i far l’Iftar en comun.
Los darrièrs jorns e l’endeman del Ramadan son de jorns de jòia, de se vestir de vestits nòus e de far de presents als mai pichons. S’agís d’una celebracion fòrça semblabla al Nadal tradicional occitan.
Lo fach mai conegut del Ramadan es lo juni que practican los musulmans de l’auba al solelh colc. Las personas que lo vòlon practicar se devon absténer de manjar, de beure, d’aver de relacions sexualas, de fumar e de se pimponar fins al ser. O devon pas far las personas malautas, los enfants, los vièlhs, las femnas en periòde menstrual, las prenses e las qu’alachan lors enfants.
L’ora de començar lo june e l’ora de l’acabar dependon fòrça de la latitud, e cal consultar l’ora exacta de las pregàrias, dels junis e de l’Iftar; lo moment mai especial de cada jornada.
L’Iftar es lo repais del ser que fa rompre lo june. Normalament los musulmans partejan de manjar e passan lo temps amassa.
En tornar del trabalh o de l’escòla, s’aprèsta l’Iftar, que se comença de manjar quand s’enten l’apèl del maghrib (solelh colc). Segon la tradicion cal rompre lo june amb de dàtils e de lach, perque Maomet o fasiá aital, e perque cal recuperar los nivèls de sucre del sang. Se manjan tanplan de sopas.
Après manjar, lo mond fan la pregària del maghrib, en seguissent l’apèl. Qualques personas, las mai devòtas, preferisson de pregar abans manjar.
La jornada comença amb un dejunar abans l’auba. La majoritat dels musulmans tornan al lièch e se tornan levar mai tard.
En mai del june, pendent aqueles jorns los musulmans son mai sensibles per evitar l’asirança e l’immoralitat; lo Ramadan es un temps per la compassion e per la pregària. Los musulmans practicants participan normalament a las orasons comunautàrias de las mosquetas. De còps, i van lèu per i far l’Iftar en comun.
Los darrièrs jorns e l’endeman del Ramadan son de jorns de jòia, de se vestir de vestits nòus e de far de presents als mai pichons. S’agís d’una celebracion fòrça semblabla al Nadal tradicional occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 En medish temps l’article precisa : "o devon pas far los enfants", e quan "o deurián far", la lei a tota autoritat entà har passar la santat e lo bon desvolopament deus dròlles davant tota contrenta religiosa qui i heré empach.
Pensi a totes los ensenhaires, en primièra linha coma sovent, acarats, per dròlles entrepausats, a d'imams invisibles mas exigents.
Fa missant far d'ensenhar a d'aganits.
Las personas qu' han fait jamai un dejuni fort, saben pas la sensacion que senten los que fan lo ramadam: senten un estat d'elevacion de l'esperit molt agradable i feliç. Atal tamben passa als vegetarians quan comencen a ser-ho, durant los primers mesos. Es molt agradabla amics.
Per un fum dels nautres lo ramadan occitan es a se debanar l'annada tota : parlan la lenga lo matin, pas cap la jornada al trabalh e s'i tornan lo ser a l'ostal. E encara es una vision optimista...
podi pas resistir a la,temptacion de citar un islamofob avans la letra Erest Renan que dins" l'avenir de la France" escriu subre" l'espaventabla simplicitat de l'esperit semitic restrechissent lei cervèlas umanas,lei barrant a tota idèa delicada, a tot sentiment un pauc fin per lo metre fàcia a una eterna tautologia : " Dieu es Dieu " e aquesta autra citacion : "l'islam pot existir qu'a l'estat de religion oficiala, quanjd serà ,reduch à l'estat de religion libra e individuala, perirà"e me pensi que entre lo cresent de base que vai pregar a la mosquèia e lo sordat-terrrorista de daesh, l'i a ren qu'una diferéncia de degrà e sembla que lo jornalet en'aprovar coralament una supersticion coma lo ramadan, vouguèsse portar sa pèire au clapier, qu''Occitània venguèsse lèu un estat islamic
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari