Actualitats
Ontàrio: an expulsat un deputat del partit conservator per un comentari francofòb
Lo Partit Progressista-Conservator d’Ontàrio (Canadà) a expulsat Jack MacLaren per aver plangut que lo francés foguèsse obligatòri per accedir a cèrts emplecs
Lo Partit Progressista-Conservator d’Ontàrio (Canadà) a expulsat del partit lo deputat Jack MacLaren per un comentari francofòb. Après qu’un elector aguèt plangut que lo francès foguèsse una lenga obligatòria per cèrts emplecs en Ontàrio, MacLaren publiquèt un vidèo ont disiá qu’aquel òme aviá rason. MacLaren aviá ja agut d’autres conflictes dins lo partit.
Lo cap del partit, Patrick Brown, qu'en Ontàrio es lo lidèr de l’oposicion, a dich que lo comentari de MacLaren èra intolerable e que son partit defendriá totjorn los dreches de la minoritat francofòna. “Volèm crear un nòu partit conservator en Ontàrio, que meta pas en question d’ont venes, cossí aimas, qui prègas, quina lenga parlas o quant as d’argent”, çò a assolidat.
E mai se la província d’Ontàrio es pas oficialament bilingüa, i a vint e cinc airals qu'an de populacions francofònas e ont es obligatòri que l’administracion fornisca sos servicis en francés, lenga que los foncionaris en contacte amb los ciutadans devon saber.
Segon lo recensament, la comunautat francofòna d’Ontàrio representa solament lo 4% de la populacion totala de la província.
Lo cap del partit, Patrick Brown, qu'en Ontàrio es lo lidèr de l’oposicion, a dich que lo comentari de MacLaren èra intolerable e que son partit defendriá totjorn los dreches de la minoritat francofòna. “Volèm crear un nòu partit conservator en Ontàrio, que meta pas en question d’ont venes, cossí aimas, qui prègas, quina lenga parlas o quant as d’argent”, çò a assolidat.
E mai se la província d’Ontàrio es pas oficialament bilingüa, i a vint e cinc airals qu'an de populacions francofònas e ont es obligatòri que l’administracion fornisca sos servicis en francés, lenga que los foncionaris en contacte amb los ciutadans devon saber.
Segon lo recensament, la comunautat francofòna d’Ontàrio representa solament lo 4% de la populacion totala de la província.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mentretant fan un procés en xenofobia als Còrses perque vòlon un cèrta preferéncia regionala, amb qualque avantatge per la lenga. Aquela preferéncia existís per Nòva Caledonia, La Reünon e endacòm mai. Cal veire los comentaris corsofòbs demest de legeires de Le Monde: que son de fug l’òbra, de racistas eca, eca…
Aquò los franceses lo trapon normal.Faguesson la meteissa causa en Occitània per l'occitan entendrías las tarabastëlas s'esgargamelar a dich de bramar .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari