Actualitats
Es acabada la cauma de la fam dels presonièrs palestinians
Après un mes de cauma e una negociacion de 20 oras ininterrompudas, las autoritats an concedit als presonièrs lo drech d’èsser vesitats per lors familhas dos còps per mes
Los presonièrs palestinians, qu’èran en cauma de la fam dempuèi lo 17 d’abril, metèron fin a lor protèsta dissabte passat, après un acòrdi entre los caumaires e las autoritats israelianas per melhorar lors condicions de reclusion, çò rapòrta Geopolítica.cat. La cauma l’an seguida mai d’800 presonièrs, dont 30 son estats menats a l’espital per de condicions grèvas de santat.
Après 20 oras ininterrompudas de convèrsas dins la preson d’Ascalon, las autoritats israelianas an concedit als presonièrs una de lors principalas revendicacions: que lors familhas los pòscan vesitar dos còps per mes. Solament avián drech a una vesita mesadièra.
Las negociacions son estadas menadas a bon tèrme per las autoritats penitenciàrias e d’organismes de la seguretat de l’estat d’Israèl, e an recebut l’intervencion del Comitat Internacional de la Crotz Roja e de l’Autoritat Nacionala Palestiniana.
En mai de 30 jorns de cauma de fam, en Cisjordania an agut luòc divèrsas manifestacions de sosten als presonièrs, dont qualques unas s’acabèron amb de fòrts afrontaments amb las fòrças israelianas.
Lo president de l’Autoritat Nacionala Palestina, Mahmud Abbas, pausèt la question de las condicions dels presonièrs pendent la reünion que l’aguèt al començament de la setmana passada amb lo president dels Estats Units, Donald Trump, durant sa vesita de la region. Abbas aviá parlat tanben de las condicions dels presonièrs palestinians dins las presons israelianas amb l’enviat del president estatsunidenc, Jason Greenblatt, quand vistalhèt Ramallah lo 25 de mai passat.
Après 20 oras ininterrompudas de convèrsas dins la preson d’Ascalon, las autoritats israelianas an concedit als presonièrs una de lors principalas revendicacions: que lors familhas los pòscan vesitar dos còps per mes. Solament avián drech a una vesita mesadièra.
Las negociacions son estadas menadas a bon tèrme per las autoritats penitenciàrias e d’organismes de la seguretat de l’estat d’Israèl, e an recebut l’intervencion del Comitat Internacional de la Crotz Roja e de l’Autoritat Nacionala Palestiniana.
En mai de 30 jorns de cauma de fam, en Cisjordania an agut luòc divèrsas manifestacions de sosten als presonièrs, dont qualques unas s’acabèron amb de fòrts afrontaments amb las fòrças israelianas.
Lo president de l’Autoritat Nacionala Palestina, Mahmud Abbas, pausèt la question de las condicions dels presonièrs pendent la reünion que l’aguèt al començament de la setmana passada amb lo president dels Estats Units, Donald Trump, durant sa vesita de la region. Abbas aviá parlat tanben de las condicions dels presonièrs palestinians dins las presons israelianas amb l’enviat del president estatsunidenc, Jason Greenblatt, quand vistalhèt Ramallah lo 25 de mai passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben fai per primera vegada a los jueus
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari