Actualitats
Aran: l’ors Goiat a tuat una cavala a Varradòs
S’agís de la segonda ataca que la comet aquel ors, qu’ongan a tanben tuat 11 fedas, un polin e dos abelhièrs
Una nòva ataca d’ors en Aran a reviscolat lo debat sus la reïntroduccion d’aquela espécia dins los Pirenèus. L’agression se tenguèt dimars passat e causèt la mòrt d’una cavala dins la ribièra de Varradòs, çò rapòrta Aue TV.
E mai se Goiat es lo sol ors qu’ongan a atacat l’elevatge, s’agís de la segonda agression que la perpètra en aqueste mes de mai, après aver tuat un polin a Vilamòs. De mai, Goiat a tuat 11 fedas e a agarrit dos abelhièrs. Per ara, es lo sol ors de l’airal qu’a tuat de bèstias ongan.
Goiat lo menèron l’an passat d’Eslovènia e lo liberèron al centre dels Pirenèus dins l’encastre del programa Piroslife. Segon de donadas de 2015, i auriá 33 exemplars d’orses dins los Pirenèus, dont 10 femèlas. Pasmens, un solet mascle seriá paire e pepin de totes los orses nascuts dins las darrièras annadas. Per aquela rason, en seguida de la mòrt de l’ors Balou en 2014, decidiguèron de i menar Goiat.
Aquel nom, que poiriá sonar occitan, foguèt causit en Palhars (Catalonha). En catalan d’aquel parçan tenon l’occitanisme goiat que vòl dire gojat.
E mai se Goiat es lo sol ors qu’ongan a atacat l’elevatge, s’agís de la segonda agression que la perpètra en aqueste mes de mai, après aver tuat un polin a Vilamòs. De mai, Goiat a tuat 11 fedas e a agarrit dos abelhièrs. Per ara, es lo sol ors de l’airal qu’a tuat de bèstias ongan.
Goiat lo menèron l’an passat d’Eslovènia e lo liberèron al centre dels Pirenèus dins l’encastre del programa Piroslife. Segon de donadas de 2015, i auriá 33 exemplars d’orses dins los Pirenèus, dont 10 femèlas. Pasmens, un solet mascle seriá paire e pepin de totes los orses nascuts dins las darrièras annadas. Per aquela rason, en seguida de la mòrt de l’ors Balou en 2014, decidiguèron de i menar Goiat.
Aquel nom, que poiriá sonar occitan, foguèt causit en Palhars (Catalonha). En catalan d’aquel parçan tenon l’occitanisme goiat que vòl dire gojat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dau temps qu'un orsa tua una malurosa chavala, los umans tuan de milierats, de milions e de miliards d'animaus : https://www.planetoscope.com/elevage-viande/1172-nombre-d-animaux-tues-pour-fournir-de-la-viande-dans-le-monde.html
Hmmmm, perqué es apondut lo sagèl del Conselh Generau sus la fòto de la cavala mòrta.
Sembla a una publicitat toristica un bocin trufandièra :D
Caldria donar als ors manjar en un loc determinat, perquè se troba pas d'aliment puga alimentar-se.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari