Aquesta setmana, en plen periòde de Ramadan, l’autoproclamat Estat Islamic a provocat dos atemptats a Bagdad en tuant almens 22 personas, e un autre a Kabol en ne tuant almens 90. La còla de Jornalet avèm pas agut los mejans ni mai lo temps de vos ofrir l’informacion d’aquelas atacas amb la meteissa rapiditat qu’amb los atemptats de Manchester, París, Niça o Londres. Demandam doncas perdon als legeires, e subretot a las victimas d’aquelas òrras agressions. Mentretant, sèm a trabalhar per obténer las ressorsas que nos permetan lèu de raportar las actualitats en occitan amb mai d’eficacitat.

L’autoproclamat Estat Islamic ensaja de trebolar las celebracions del Ramadan en Iraq e Afganistan, amb de chaples fòrça crusèls.
 
Dimars, un doble atemptat a Bagdad tuèt almens 22 personas e ne nafrèt mai d’un centenat. Los dos atemptats se tenguèron dins un lapse de dètz oras, e los causèron de kamikazes dins de quartièrs majoritàriament shiitas de la capitala iraquiana.
 
E en Afganistan los terroristas faguèron espetar una veitura al centre del districte diplomatic de Kabol, en tuant almens 90 personas e en daissant mai de 350 nafrats, segon Reuters. L’atac se produguèt près de la majoritat de las ambaissadas estrangièras e dels bastiments del govèrn. Segon de fonts localas, s’agís d’una de las explosions pus fòrtas.

Cap d'organizacion a revendicat l'atemptat de Kabol, del temps que los talibans an publicat un comunicat qu'assegura qu'eles n'an pas res a veire.


 

Car bombs, suicide attack kill 35 in Iraq, hitting Ramadan crowd | Reuters https://t.co/xkGN9eVKnQ

— Helene Lavoix (@HLavoix) 31 de maig de 2017

 

MORE: At least 80 killed, 350 wounded in #Kabul blast - health official https://t.co/WBMy7FyeBKpic.twitter.com/O6f2kOF72j

— Reuters Top News (@Reuters) 31 de maig de 2017

 
 

Taliban deny responsibility for Kabul blast https://t.co/sZIVMZP5rqpic.twitter.com/bQRgcLuxUM

— Reuters Top News (@Reuters) 31 de maig de 2017