Actualitats
Sant Gaudenç: s’inaugura uèi l’autobús de passatgièrs entre Comenge e Aran
L’eveniment se tendrà al centre administratiu departamental, e i assistiràn los mai nauts representants de la region qu’a pres lo nom d’Occitània e del Conselh General d’Aran
Se tendrà uèi a 17h30 a Sant Gaudenç (Nebosan) l’inauguracion del servici de transpòrt public d’autobús entre Comenge e Aran. L’eveniment se tendrà al centre administratiu departamental qu’es sus la Plaça Pegòt, e i assistiràn los mai nauts representants de la region qu’a pres lo nom d’Occitània e del Conselh General d’Aran.
Los representants araneses se i gandiràn amb la linha d’autobús que s’inaugura. Partiràn de Les a 16h e es previst qu’arriben a la gara rotièra de Sant Gaudenç a 17h10.
Après aquesta inauguracion, la Val d’Aran e la rèsta del país comunicaràn enfin per transpòrt public, après un trabalh entamenat pel Govèrn d’Aran amb las autoritats del canton de Sant Biat e de la sosprefectura de Sant Gaudenç.
La decision de metre en marcha aqueste servici de transpòrt public se prenguèt pendent una reünion de trabalh entre lo conselhièr del territòri d’Aran, Eduardo Valdecantos, lo sosprefècte de Sant Gaudenç, Jean-Luc Brouillou, e lo president de la comunautat de comunas del canton de Sant Biat, Joël Gros, en decembre de 2014.
Los representants araneses se i gandiràn amb la linha d’autobús que s’inaugura. Partiràn de Les a 16h e es previst qu’arriben a la gara rotièra de Sant Gaudenç a 17h10.
Après aquesta inauguracion, la Val d’Aran e la rèsta del país comunicaràn enfin per transpòrt public, après un trabalh entamenat pel Govèrn d’Aran amb las autoritats del canton de Sant Biat e de la sosprefectura de Sant Gaudenç.
La decision de metre en marcha aqueste servici de transpòrt public se prenguèt pendent una reünion de trabalh entre lo conselhièr del territòri d’Aran, Eduardo Valdecantos, lo sosprefècte de Sant Gaudenç, Jean-Luc Brouillou, e lo president de la comunautat de comunas del canton de Sant Biat, Joël Gros, en decembre de 2014.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Es un ponch complèxe qu'expausarem dins lo libre d'estil de Jornalet. Per ara, dins los articles d'actualitats non signats, contunham l'usatge instituit pel primièr corrector de Jornalet, Domergue Sumien, que generalizava "Sant" (tanben atestat en gascon) per volontat de simplificacion.
Ara prumèra, que vòli prener aqueth autobus a Sent Gaudenç (passant per Sent Biat) entà saludar eths amics e collègas en Les e Vielha.
En tota normalitat (segontes jo) pujarèi saludant damb un adishatz, e demanarèi eth bilhet en eth idiòma vernacular, qu'ei eth madeish deths dus costats dera frontèra... a veir quin passa ? En sus deth Pont Deth Rei que i a 45 ans que m'èi negat a parlar Francés, e com que non sabi parlar Espanhòu...
#8 Plan mercès mossur professor ! Que m'a hèt brembar eth temps que me caliài escriuer "notes de synthèses" en era administracion francesa... que ben que s'està ara retrèta ;-)
Totun que enlòc non èi cap vist eth mòt OCCITÀNIA...
Dilhèu que non sabi cap esplicar qu'ei era madeisha diferència que i a enter Lourdes e Lorda, Pierrefitte e Peirahita......
#6 "las causidas toponimicas de Jornalet seguisson de critèris" que dilhèu non saben qu'era forma Sant qu'èi minoritària en Gasconha. Per tot eth Comenge disem Sent Gaudenç, Sent Biat, Sent Blancat.... de Sent Quauquarren que n'i a duas paginas en eth libe de toponimia de P. Pojada.
#7 Bona lectura:
https://www.legifrance.gouv.fr/eli/decret/2016/9/28/INTB1617888D/jo
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari