Mai de 10 000 personas an pres part a la granda jornada de XIII d’aqueste dissabte 3 de junh a Narbona amb 5 titres autrejats: de resultas logicas e de suspresas bèlas èran al rendètz-vos.
Joves: la supremacia catalana
Tre 9 e mièja del matin, se tenguèt la finala dels U 15 (los minims) e Sant Esteve-XIII Catalan batèt Lesinhan: 16-12. En cadpdèths (U 17), dins la batèsta catalana fratricida, l’Escòla Estefanesa ganhèt contra Sant Esteve-XIII Catalan! En juniors (U 20), l’AS Carcassona faguèt illusion dins lo primièr temps, dominèt sens concretizar fàcia als catalans que marquèron en contre per menar 12-8 a la pausa abans de s’envolar 48-12 dins un segond temps del sens unic.
Elèit 2: los Lops manjan tanben los gekkotas
En Elèit 2, la finala entre Bao e Vilafranca de Roergue foguèt intensa mas plan agradiva de seguir dins l’alternància del jòc de davants e de l’esperit ofensiu. A la fin de las fins, una corsa volontària de l’arrièr de Roergue Gregorius permetiá a Vilafranca de ganhar: 13-10.
Elèit 1: la biaça voida de Lesinhan
En finala d’Elèit 1, Limós a cambavirat los pronostics. Lesinhan qu’aviá senhorejat tota la sason, mas perdut la finala de la Copa contra Carcassona, s’èra plan jurat que li tornarián pas prene. Limós s’inpirèt del vesin carcassonés per metre endavant solidaritat e coesion d’un grop fàcia a una esquipa que proposèt un jòc estequit e qu’esperèt 80 minutas qu’a un moment o l’autre Limós acabariá per plegar.
Una pluèja fina (Bodon escriguèt: “La pluèja tomba fina sus l’Egassieral”, non?). A la 8ena minuta, Toreilles repreniá son pichon còp de pè de seguir e a la 11a, Teixido descalava Roman Peault en cap d’ala: 8-0 pels Blanquetièrs. A la 15a, lo talonaire Bodebza partissiá al ras del tengut e tornava menar Lesinhan a 6-8 amb la transformacion de Marginet. Mas Palavi passava en fòrça e Guiraud transformava (18a, 14-6). Grandjean aplatussava en limit d’en-but un còp de pè de seguir e Lesinhan tornava a 12-14 (22a). Sus una ataca bèla de Lesinhan, lo centre limosenc Garrousta interceptava la palma e marcava aprèp 90 mètres de corsa. Coma Guiraud transformava, los Roges e Negres dintravan al vestiari amb 8 punts d’avança: 20-12.
ramenav
A la represa, sus una iniciativa personala, Bozinac tornava menar los Verds e Blancs a 20-18 (44a, transformacion de Marginet). Robinson trapava una òsca dins la defensa de Lesinhan a un quart d’ora de la fin (24-18).
Limós tendriá o pas? Ja privats de son mesclanha Alberòla tre la debuta de la partida, èra lo centre Guiraud que daissava sos companhs nafrat a una cavilha. A dètz minutas del tèrme, en cap de linha, l’èx-Drac Pomeroy resistissiá a tres limosencs. Del canton, Marginet mancava la transformacion: 24-22 per Limós. Miloudi mancava de punts del pè per Limós. Sus la còrna, Marginet aviá al cap del pè la penalitat que menariá a una prolongacion, mas los dieus de l’Olimpa li torcèron la cavilha al moment de tustar o los pals afichèron: “Barrat”. Los Molinièrs acaptèron lo cap, Limós levèt lo braç coma per un torn de fècas jos las Arcadas. La nuèit foguèt longa (o corta?) sus la Plaça de la Republica…
A Lesinhan, li demorava los uèlhs per plorar e la pluèja tornèt sus la capitala de Corbièras per una sason fin finala (dos còps en finala) mancada.
Superliga: novèla desillusion catalana
Los Dragons èran en desplaçament cò dels Vikings de Widnes. Se marquèron los primièrs, subiguèron puèi la lei dels angleses, en se complicant la vida amb 4 cartons jaunes. Widnes ganha 26-6. Los Dragons demòran ueitens al classament amb un sol punt d’avança sus Huddersfield e Warrington. Es justament los Gigants, venceires de Warrington, que seràn dissabte a Brutus. Coma a cada còp fins a la fin de julh, direm que la partida es d’una importància bèla e la victòria imperativa pels catalans se vòlon evitar la pola de qualificacion per la Superliga de 2018.
En Championship, Tolosa contunha sus sa lançada: victòria a Batley 28-20 abans de reçaupre Rochdale aqueste dissabte 10 de junh (18h30) a Blanhac.
Lo XIII: tota una istòria
Per acabar, recordarem lo rendètz-vos fòrt d’aqueste dimècres 7 de junh de vèspre als Archius Departamentals de Tarn (Albi, 14h) per parlar de l’istòria de nòstre espòrt benaimat.
Alan Roch
Joves: la supremacia catalana
Tre 9 e mièja del matin, se tenguèt la finala dels U 15 (los minims) e Sant Esteve-XIII Catalan batèt Lesinhan: 16-12. En cadpdèths (U 17), dins la batèsta catalana fratricida, l’Escòla Estefanesa ganhèt contra Sant Esteve-XIII Catalan! En juniors (U 20), l’AS Carcassona faguèt illusion dins lo primièr temps, dominèt sens concretizar fàcia als catalans que marquèron en contre per menar 12-8 a la pausa abans de s’envolar 48-12 dins un segond temps del sens unic.
Elèit 2: los Lops manjan tanben los gekkotas
En Elèit 2, la finala entre Bao e Vilafranca de Roergue foguèt intensa mas plan agradiva de seguir dins l’alternància del jòc de davants e de l’esperit ofensiu. A la fin de las fins, una corsa volontària de l’arrièr de Roergue Gregorius permetiá a Vilafranca de ganhar: 13-10.
Elèit 1: la biaça voida de Lesinhan
En finala d’Elèit 1, Limós a cambavirat los pronostics. Lesinhan qu’aviá senhorejat tota la sason, mas perdut la finala de la Copa contra Carcassona, s’èra plan jurat que li tornarián pas prene. Limós s’inpirèt del vesin carcassonés per metre endavant solidaritat e coesion d’un grop fàcia a una esquipa que proposèt un jòc estequit e qu’esperèt 80 minutas qu’a un moment o l’autre Limós acabariá per plegar.
Una pluèja fina (Bodon escriguèt: “La pluèja tomba fina sus l’Egassieral”, non?). A la 8ena minuta, Toreilles repreniá son pichon còp de pè de seguir e a la 11a, Teixido descalava Roman Peault en cap d’ala: 8-0 pels Blanquetièrs. A la 15a, lo talonaire Bodebza partissiá al ras del tengut e tornava menar Lesinhan a 6-8 amb la transformacion de Marginet. Mas Palavi passava en fòrça e Guiraud transformava (18a, 14-6). Grandjean aplatussava en limit d’en-but un còp de pè de seguir e Lesinhan tornava a 12-14 (22a). Sus una ataca bèla de Lesinhan, lo centre limosenc Garrousta interceptava la palma e marcava aprèp 90 mètres de corsa. Coma Guiraud transformava, los Roges e Negres dintravan al vestiari amb 8 punts d’avança: 20-12.
ramenav
A la represa, sus una iniciativa personala, Bozinac tornava menar los Verds e Blancs a 20-18 (44a, transformacion de Marginet). Robinson trapava una òsca dins la defensa de Lesinhan a un quart d’ora de la fin (24-18).
Limós tendriá o pas? Ja privats de son mesclanha Alberòla tre la debuta de la partida, èra lo centre Guiraud que daissava sos companhs nafrat a una cavilha. A dètz minutas del tèrme, en cap de linha, l’èx-Drac Pomeroy resistissiá a tres limosencs. Del canton, Marginet mancava la transformacion: 24-22 per Limós. Miloudi mancava de punts del pè per Limós. Sus la còrna, Marginet aviá al cap del pè la penalitat que menariá a una prolongacion, mas los dieus de l’Olimpa li torcèron la cavilha al moment de tustar o los pals afichèron: “Barrat”. Los Molinièrs acaptèron lo cap, Limós levèt lo braç coma per un torn de fècas jos las Arcadas. La nuèit foguèt longa (o corta?) sus la Plaça de la Republica…
A Lesinhan, li demorava los uèlhs per plorar e la pluèja tornèt sus la capitala de Corbièras per una sason fin finala (dos còps en finala) mancada.
Superliga: novèla desillusion catalana
Los Dragons èran en desplaçament cò dels Vikings de Widnes. Se marquèron los primièrs, subiguèron puèi la lei dels angleses, en se complicant la vida amb 4 cartons jaunes. Widnes ganha 26-6. Los Dragons demòran ueitens al classament amb un sol punt d’avança sus Huddersfield e Warrington. Es justament los Gigants, venceires de Warrington, que seràn dissabte a Brutus. Coma a cada còp fins a la fin de julh, direm que la partida es d’una importància bèla e la victòria imperativa pels catalans se vòlon evitar la pola de qualificacion per la Superliga de 2018.
En Championship, Tolosa contunha sus sa lançada: victòria a Batley 28-20 abans de reçaupre Rochdale aqueste dissabte 10 de junh (18h30) a Blanhac.
Lo XIII: tota una istòria
Per acabar, recordarem lo rendètz-vos fòrt d’aqueste dimècres 7 de junh de vèspre als Archius Departamentals de Tarn (Albi, 14h) per parlar de l’istòria de nòstre espòrt benaimat.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari