Actualitats
Felibritge: remarcabla participacion aranesa a la Santa Estela 2017
Banhèras de Bigòrra a aculhit del 2 al 6 de junh lo Congrès del Felibritge
Se clava uèi a Banhèras de Bigòrra (Naut Ador) lo Congrès del Felibritge e la fèsta de la Santa Estela 2017. L’eveniment, que comencèt divendres passat, a aculhit mai d’un centenat de participants e a recebut una preséncia aranesa remirabla, que i an participat activament l’Institut d’Estudis Araneses-Acadèmia Aranesa de la Lenga Occitana (IEA-AALO) e lo grop de musica e danças tradicionalas Es Corbilhuèrs de Les.
De soslinhar dins lo ric programa la conferéncia suls ligams entre l’Escolo deras Pirineos e l’Escòla Gaston Fèbus, presentada per Jèp de Montoya (president de la seccion aranesa de l’IEA-AALO), Maurici Romieu, president de l’Escòla Gaston Fèbus, e Sergi Javaloyès, secretari de l’Escòla Gaston Fèbus. Aquel parladís a remarcat l’importància de l’òbra literària de Bernat Sarrieu, Jusèp Condò o Simin Palay, entre d’autres.
De soslinhar la preséncia de Jacques Mouttet, capolièr del Felibrige, de Pèire Fabre, èx-capolièr, de l’abat Jòrdi Passerat, membre de l’Acadèmia dels Jòcs Florals, membre e èx-president del Collègi d'Occitània e majoral del Felibrige, e de Jusèp Loís Sans, president de l’IEA-AALO.
De soslinhar dins lo ric programa la conferéncia suls ligams entre l’Escolo deras Pirineos e l’Escòla Gaston Fèbus, presentada per Jèp de Montoya (president de la seccion aranesa de l’IEA-AALO), Maurici Romieu, president de l’Escòla Gaston Fèbus, e Sergi Javaloyès, secretari de l’Escòla Gaston Fèbus. Aquel parladís a remarcat l’importància de l’òbra literària de Bernat Sarrieu, Jusèp Condò o Simin Palay, entre d’autres.
De soslinhar la preséncia de Jacques Mouttet, capolièr del Felibrige, de Pèire Fabre, èx-capolièr, de l’abat Jòrdi Passerat, membre de l’Acadèmia dels Jòcs Florals, membre e èx-president del Collègi d'Occitània e majoral del Felibrige, e de Jusèp Loís Sans, president de l’IEA-AALO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Union fa la força. La lenga es prou importanta. Serveis secrets importants dison, aquestes son atal, mas son dels nostres. Lo que cal es sumar e pas dividir.
Un "centenat de participants " aquò me sembla pas gaire ? Ai lo sovenir de Santo Estèllo ambe mai de 400 personas acampadas per la taulejada de la copa.
#1 Te grandmercegi per l'observacion: corregissi sul pic l'article en precisant simplament "membre e èx-president"
Se l'abat Jòrdi Passerat es plan membre del Collègi d'Occitania, non n'es pas lo president. Lo president n'es Felip Carbona. Aquò dit, l'abat Jòrdi Passerat ne foguèt plan un temps president, e donc, l'error es relativa. Los meteisses Felip Carbona e Jòrdi Passerat non son pas simplament "membres" coma ieu, de l'Academia dels Jòcs Florals. Fan partida dels Mantenèires de l'Academia. Un simple "membre", coma per exemple, Bernat Manciet, o l'especialista internacional de la nocion de Paratge, En Francesco Zambon, ne son Mèstres-en-Jòc…
ME dirètz que son detalhs sense grand pes. Çaquelà, lo president Felip Carbona s'emplega tant, a l'ora d'ara, a tornar un alen novèl al ja vièlh Collègi d'Occitania, amb l'ajuda dels membres del burèu, que me semblava important de precisir aqueste punt informatiu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari