Actualitats
França e Belgica favorisson l’execucion de lors ciutadans engatjats dins l’EI
Demandan a l’estat iraquian que condemne a mòrt e execute los combatents jihadistas que capture s’an lo ciutadanatge francés o bèlga
Los estats francés e bèlga serián, dempuèi almens sèt meses, a favorir la mòrt de lors ciutadans engatjats dins l’autoproclamat Estat Islamic (EI), çò rapòrta Geopolítica.cat que mençona lo Wall Street Journal. Segon aquelas informacions, París e Brussèlas aurián liurat a Bagdad una lista de lors ciutadans que son partits combatre amb l’autoproclamat Estat Islamic, e aqueles govèrns europèus demandan a l’iraquian que los condemne a mòrt e los execute en cas que sián capturats per l’armada d’Iraq.
En mai d’aquò, segon aquelas informacions, de membres de las fòrças especialas franceses agisson pel compte dels govèrns de França e de Belgica, abilhats coma de militars iraquians e en emplegant de veïculs amb los signes distintius de l’armada iraquiana. Aqueles soldats franceses amagan lor identitat e se presentan als espitals e a las mòrgas d’Iraq per collectar de mòstras d’ADN dels eventuals ciutadans franceses o bèlgas engatjats amb los jihadistas per tenir a jorn la basa de donadas de personas per tuar.
Los combatents d’origina europèa engatjats dins l’organizacion terrorista preocupan totes los estats europèus. Al començament èra un chepic per Russia, car èra naut lo nombre de jihadistas amb passapòrt rus.
L’EI los emplega coma carn de canon
Demest los 1700 ciutadans franceses que serián engatjats dins l’EI dempuèi 2014, i auriá de centenats de mòrts, car los jihadistas se servisson dels combatents originaris d’Euròpa coma carn de canon en primièra linha dels combats.
En mai d’aquò, segon aquelas informacions, de membres de las fòrças especialas franceses agisson pel compte dels govèrns de França e de Belgica, abilhats coma de militars iraquians e en emplegant de veïculs amb los signes distintius de l’armada iraquiana. Aqueles soldats franceses amagan lor identitat e se presentan als espitals e a las mòrgas d’Iraq per collectar de mòstras d’ADN dels eventuals ciutadans franceses o bèlgas engatjats amb los jihadistas per tenir a jorn la basa de donadas de personas per tuar.
Los combatents d’origina europèa engatjats dins l’organizacion terrorista preocupan totes los estats europèus. Al començament èra un chepic per Russia, car èra naut lo nombre de jihadistas amb passapòrt rus.
L’EI los emplega coma carn de canon
Demest los 1700 ciutadans franceses que serián engatjats dins l’EI dempuèi 2014, i auriá de centenats de mòrts, car los jihadistas se servisson dels combatents originaris d’Euròpa coma carn de canon en primièra linha dels combats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Volen pas terrorista de son país que los foten bombes. Acò se comprene.
#7 Està suau pichon ! Tot lo mond se'n chauta de ton vejaire ! Res enebís pas de pausar de questions lingüisticas e a l'encòp d'èsser trucat per aquela informacion. Dieu me damne !!!
#1 Encara un rasonament minable de mai. Grandmercé. Coma de costuma, èra tras que necessari.
E passi sus l'espectacle pietadós dels dos occitans que cara a un còs desmembrat se demandan se cal dire "Esplosiu" o "Explosiu"
(alara que la responsa la mai umana seriá "Quina orror !").
#4 Sai pas se lo mot ciutadanatge es atestat en occitan, m'estonariá pas que siá lo cas. En tot cas, n'es plan en catalan. encara qu'un chic ancian. L'autre mot catalan citat aci-desús, ciutadania, es en realitat un castelhanisme. Ciutadanatge es lo mot pròpiament catalan, probablament acceptable en occitan se non pas realament atestat (disi pas qu'es pas atestat, o sai pas). Ciutadanetat es lo mot gascon.
#4 oc, se pot dire ciutadanetat, encara que dins lo "patois" ei probable que se ,foguèsse jamai dich,mai se compren, analog à una "citoyenetat"ibrida, de forabandir, mai que trobam dins de tèxtes revolucionaris, emai dins la constitucion de 1789 version provençala de l'avocat sestian -d'Azais de Provença- Bouche
#3 responsa pariera
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari