Actualitats
Reialme Unit: revirada de Theresa May e mai s’a ganhat las eleccions
Los conservators an perdut la majoritat absoluda, qu’esperavan d'aumentar per menar a bon tèrme lo Brexit del temps que los trabalhistas an obtengut de fòrça bons resultats
Revirada de Theresa May, e mai s’a ganhat las eleccions legislativas al Reialme Unit. En plen procès de sortida de l’Union Europèa, May convoquèt lo vòte anticipat perque, segon ela, caliá“d’estabilitat e una direccion eficaça”. Per tal de menar a bon tèrme lo Brexit, “i deuriá aver d’unitat a Westminster, mas n’i a pas”, çò diguèt en abril passat. Pasmens, los conservators de May an perdut la majoritat absoluda, e los trabalhistas de Jeremy Corbyn —que May esperarava de los espotir— an melhorat de longa tòca lors resultats. Corbyn a ja demandat la demission de la primièra ministra.
De fach, amb aqueles resultats, Corbyn poiriá ensajar de formar un govèrn de coalicion amb los independentistas escoceses, los liberals e qualque autra de las formacions minoritàrias.
Revirada de l’SNP e succès del Sinn Féin
Totun, los grands perdeires d’aquel vòte son los independentistas escoceses de l’SNP, qu'an fòrça mens de deputats, tant a respècte dels trabalhistas coma per rapòrt als conservators. L’SNP contunha d’èsser la primièra fòrça en Escòcia, amb fòrça clartat, mas lo resultat es un avertiment seriós dels electors. L’èx-primièr ministre escocés Alex Salmond a perdut son sèti al parlament de Westminster.
Per quant als nacionalistas galeses, lo Plaid Cymru a ganhat un quatren deputat.
En Irlanda, lo Sinn Féin es passat de quatre a sèt deputats. Mas, coma d’abitud, Gearóid Mac Ádhaimh anoncièt ièr delà que sos deputats anarián pas al parlament britanic, quitament pas en cas que lor preséncia serviguèsse per formar un govèrn alternatiu al de Theresa May.
Una coalicion amb los unionistas nòrd-irlandeses?
La primièra ministra Theresa May declarèt totun son intencion de formar una coalicion amb los unionistas nòrd-irlandeses, qu’an ganhat dos elegits a la Cambra dels Comuns. Aquò donariá una majoritat absoluda d’almens 328 deputats, çò es dos de mai que los 326 requerits. Seriá una marrida nòva per la revendicacion nòrd-irlandesa d’aver un estatut especial per l’Irlanda del Nòrd dins l’encastre de la negociacion del Brexit: los unionistas i son radicalament contraris.
Podètz consultar lo compte de las voses sul sit de la BBC.
De fach, amb aqueles resultats, Corbyn poiriá ensajar de formar un govèrn de coalicion amb los independentistas escoceses, los liberals e qualque autra de las formacions minoritàrias.
Revirada de l’SNP e succès del Sinn Féin
Totun, los grands perdeires d’aquel vòte son los independentistas escoceses de l’SNP, qu'an fòrça mens de deputats, tant a respècte dels trabalhistas coma per rapòrt als conservators. L’SNP contunha d’èsser la primièra fòrça en Escòcia, amb fòrça clartat, mas lo resultat es un avertiment seriós dels electors. L’èx-primièr ministre escocés Alex Salmond a perdut son sèti al parlament de Westminster.
Per quant als nacionalistas galeses, lo Plaid Cymru a ganhat un quatren deputat.
En Irlanda, lo Sinn Féin es passat de quatre a sèt deputats. Mas, coma d’abitud, Gearóid Mac Ádhaimh anoncièt ièr delà que sos deputats anarián pas al parlament britanic, quitament pas en cas que lor preséncia serviguèsse per formar un govèrn alternatiu al de Theresa May.
Una coalicion amb los unionistas nòrd-irlandeses?
La primièra ministra Theresa May declarèt totun son intencion de formar una coalicion amb los unionistas nòrd-irlandeses, qu’an ganhat dos elegits a la Cambra dels Comuns. Aquò donariá una majoritat absoluda d’almens 328 deputats, çò es dos de mai que los 326 requerits. Seriá una marrida nòva per la revendicacion nòrd-irlandesa d’aver un estatut especial per l’Irlanda del Nòrd dins l’encastre de la negociacion del Brexit: los unionistas i son radicalament contraris.
Podètz consultar lo compte de las voses sul sit de la BBC.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pensava ser una Margalideta Thacher e volia aprofitar-se de la situacion e faguet retalhadas als traballadors,mas lo poble es pas beneit e sap coneisser a los que los volen fotre e prendre el pel.
#1 Òc-ben, trobarem los detalhs d'aqueste article dins un jornal francés. Mas a ieu, m'agrada mai de trobar los detalhs d'aqueste article aicí meteis, dins un jornal en occitan, es a dire un jornal que me respècta dins mon integritat culturala e etica…
Plan mercés al Jornalet !!!
De segur, la libertat de la pressa en Franca es plan muselada.
Perque un cap d'estat a totjorn besonh d'una majoritat per governar? Los deputats son somis a un dictat : esser dans un camp ou dans l'autre. Esser catalogat coma conservador o ben coma liberau.
Sem dins una dualitat de surfaça que bota davant una sola idéia : esser per o contre. Tot es pas obligeat d'esser negre o blanc. Vivam totjorn dins lo gris. D'aquel temps l`òm parla pus de çò qu'es la democracia e daus problems de fonds. Fau esser per o contre, quò es nòstre filosofia. Mas, darrier i a dau monde que tiran la ficela per eus.
Una autra dualitat que se fai jorn en Franca: Macron axa sa campanha contre l'eschaurament climatic; Trump i crei pas dau tot. Mas la realitat quò es que l'eschaurament climatic es mas l'idéia d'una partida de multinacionals qu'a partir d'aqui van developpar una economia que lòr permetra de far de l'argent. Pas mai que la pressa, los scientifics an dreit a la paraula. La sciença apparten a las multinacionalas sens fe ni lei.
vaqui l'actualitat anonciada ,e comentada d'un punt de vista occitan que ,totis lei detalhs d'aquest article lei trobariatz pas dins un jornau francés e que nos fan lume subre la situacion dau reiaume que sembla puslèu desunit que lo contrari; felicitem lo jornalet
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari